Sunday, May 27, 2007

حالة تشاؤم

صباح جديد
وإستيقاظ جديد
لا أدرى سببا له
هذا إن صح إعتباره استيقاظا
بعد ليله من النوم المتقطع المقلق
المحمل بتلك الأحلام الغريبه
التى عاده ما تجمع أرواح كل من قابلتهم فى حياتى
فى جو من الرهبه والسكون
تجعلنى فى حاله ذهول
من كيفيه تجمع كل هؤلاء فى ذلك الجو والمكان
وبعد عده محاولات فاشله فى الهروب من تلك الأحلام
والبحث عن نوم مريح
ألجأ للإستيقاظ مبكرا
لأجده صباح صافى السماء مشرق الشمس
فأقرر الاستمتاع به
وبفنجان قهوتى الصباحيه المفضل
وما أن أبدأ
حتى أسمع صوته
ينعق كما يفعل دائما معلنا وجوده
مفسدا استمتاعى بتلك اللحظات القليله
مكملا ذلك الجو الغريب الذى بدأ معه صباحى
تاركا لى تشاؤم ورغبه فى الإمساك به وكسر عنقه
فكم كرهت صوته
وكم كان نذير ليوما محملا بكثير من التعب والضيق والإرهاق
بالرغم من أنى لست أؤمن بمثل تلك الرموز
التى توحى بالتشاؤم والتفاؤل لدى كثيرين
وبالرغم من محاولاتى العديده فى التخلص من ذلك الإعتقاد
إلا إنه كان الرمز الوحيد للتشاؤم فى حياتى
فقد كان سماعه نذير شؤم ليوم سئ
ما أن أسمعه
حتى أبدأ فى التفكير
فى كنهه ذلك الحادث المؤسف المنتظر حدوثه
ويتبع ذلك التفكير دائما حاله من إعاده الحسابات
لتفادى أى من تلك الحوادث
ويكتمل بعوده إلى ذكريات مؤسفه مرت سابقا
لتحيطنى بحاله من الحزن المقترن بالإنتظار
المصاحب لحاله من التفكير المستمر
ذو الجهد المرهق الذى يفوق فى إرهاقه
جهد عمل متواصل لمده ثلاثه أيام دون انقطاع
وبعد ساعات من الإنتظار
يمر يومى بلا حوادث
بعد أن أكون قد انتهيت قلبا وقالبا
فأظن أنه لابد وأن يحدث فى اليوم التالى
فأظل أنتظر.... وأنتظر
وتمر الأيام واحده تلو الأخرى
دون أى حوادث
حتى أبدأ فى نسيان ذلك التشاؤم
وما أن أفعل
..
..
حتى أجد نفسى قد استيقظت مجددا على صباح جديد
متبوعا بذلك النعيق الكريه
ليبدأ معه تشاؤمى من جديد

******************

67 comments:

heba labeb said...

ريمو حبيبتى
غجبنى اسلوب الكتابة بتاع البوست جدا
بس مش عاجبنى التشاؤم دة لانى بحسك دايما متفائلة
ومش حتة غراب صغير هيخليكى تعملى كدة
والحمدلله ان محصلش حاجة
بس حاولى تغيرى الفكرة دى عشان هيقلقك طول الوقت
وان شاء الله ميحصلش حاجة ابدا يا حبى
وهو مجرد صوت غراب

وحشتينى جدا على فكرة
luv u(k)

Reemo said...

للأسف يا هوبا ان صوت الغراب بالنسبالى نذير شؤم
حاولت كتير اتجاهل الموضوع ده
بس غصب عنى رغم انى مش بؤمن برموز التشاؤم والتفاؤل
بس الغراب حاله خاصه
مش عارفه اتخلص منها :((

انتى وحشتينى أوى يا قلبى
luv u (K)

عبدالله خالد said...

ربما شخص بداخلك يهيئ لحدوث حادث مؤسف حتي يجعلك تخافين من ذاك الصوت والنوم ليس سوي انه يأخذك الي عالم من الأرواح المعذبه

حلو اوي البوست

Amr Ahmed said...

هو الرسول صلي الله عليه وسلم نهي عن التشاؤم

بس انا للاسف بتضايق من صوت الغراب فعلا
السنة اللي فاتت يوم امتحان الصبح مسعته وكان صوت جامد اوي
قلت بس
يبقي الامتحان هييجي زفت وربنا يستر
ونمت بعد حوالي ساعة صاحبي اتصل بيا علشان يقولي ان والده اتوفي
قبل الامتحان
طبعا انا كنت عامل حسابي اني هذاكر الصبح
ولا ذاكرت ولا عملت
وكان يوم محصلش بصراحة
بمنتحن وابو اعز اصحابنا متوفي
يللا الله يرحمه

بس اهو كله نصيب

سيبك من التشاؤم ده

ولا انا شكلي زودته اصلا

سندباد said...

علي الرغم اني عكسك تماما لاني بحس ان الغراب من الطيور اللي فيها كبرياء زيه زي الصقر والنسر لان من المعروف ان الطيور دي بتحب تعيش وحديها في مكان عالي بعيد عن الدوشة والناس انما فعلا في حاجات بتفضل معانا طول عمرنا بتحسسنا بالتشاؤم
تحياتي

Hannoda said...

إسلوبك رائع يا ريمو.. الكلمات و تصوير الحالة و بالذات كلامك عن الأحلام,, مش عارفة إشمعنا .. يمكن عشان لمستني؟؟

أما التشاؤم فماعتقدش إنه مجرد تشاؤم غير مقرون بحدث

بالتأكيد هو مرتبط جواك بإحساس مؤلم من زمااان ممكن إنت ما تكونيش فاكرة عنه أي حاجة أساسا

زي الفجر بالنسبة لي

كان وقت رائع بيحسسني بتفاؤل شديد و برحابة شديده في صدري

وفجأة إتحول لمصدر تشاؤم مولم و مخيف

بكل أسف

فالتشاؤو و التفاؤل مش مريتط بالأشياء و لكن مصاحب لأحداث مرتبطة بتلك الإشياء و مع الزمن تتمسح الأحداث و يبقى التشاؤو ملتصق بالأشياء


تحياتي ومعلش على التأخير
:)

•«ρяoιd»•™ said...

بسيطه هاتي بندقيه صيد

و اضربي الغراب اللي كل شويه يجبلك تشاؤم ده

ههههههههههههههههه

بس بجد

اسلوبك كالعاده في قمة الروعه

و ابتعدي بفكرك عن اتخاذ احد رموز التشاؤم
عشان تصابي بهذه الحاله

فكل يوم يمر علينا دعوه للتفاؤل

استيقظي و اشربي فنجانك و انتي سعيده انك امتلكتي يوماً جديد

تحياتي

غمض عينيك said...

ازيك ياريمو
اسلوبك في التعبير عن مشاعرك جميل اوي
بس بالنسبة لموضوع التشاؤم ماتحوليش تستسلمي ليه عشان فعلا ممكن يبوظ اي حاجة جميلة في اليوم وبدون اي داعي
تحياتي ليكي

Rania Lelah said...

هاى ريمو
بصى يا قمر
اول ما تحسى بالتشاؤم دة
على طول ابدئى ارسمى او اعملى اى حاجة جديدة
جربيها,,, انا جربتها و منفعتش معايا
احتمال تنفع معاكى انتى
ههههههههههههه
تحياتى

مـحـمـد مـفـيـد said...

ريمو
كلا منا يجتاحوا هذ الشعور من خضم الاحداث الحياتيه
ولكن لابد من ااخروج منها سريعا

دمتي بخير يا مبدعه

خمسة فضفضة said...

السلام عليكم ورحمة الله وبركاته

اسلوب جميل جدا و كلمات معبره عن الحاله

بس ليه التشاؤم ده ، مش معقوله كل مانسمع او نشوف حاجه يبقي خلاص الدنيا ها تتهد علي دماغنا

اكتر حته عجبتني :

وبعد عده محاولات فاشله فى الهروب من تلك الأحلام والبحث عن نوم مريح ألجأ للإستيقاظ مبكرا لأجده صباح صافى السماء مشرق الشمس

فدايما الشمس تشرق ويجي الصبح صافي


تحياتي

يا مراكبي said...

بوست جميل

عجبني جدا هو إحساسك بإنتظار الحدث المؤسف .. وما بيجيش

ومايفرقش كتير عن العكس .. لما تكوني حاسه إن فيه حدث جميل هييجي .. وما يجييش

أهو الإنتظار ده هو اللي بيخلي الإنسان يعيش .. ويحب الحياة وبيتمسك بيها

إنتظار شيء ما

Ali Mahdi said...

تعرفى يا ريمو كان زمان عندنا فى الفلاحين راجل كبير عنده لازمه فى كلامه
كان دايما يقول: لازم اخليها خراب ويزعق فيها الغراب زى ما زعق فى ارض العراق

مش عارف اية العلاقة بين كلام الراجل ده من زمان واللى بيحصل دلوقتى فى العراق؟

بس انا يا ريمو عايش طول عمرى فى الفلاحين وبشوف كل يوم عشرات الغربان بس عمرى ما شغلت بالى بيهم خالص

يمكن لانه اسود اللون واحنا شعوب بتربط دايما بين السواد وبين الحزن

ويمكن كمان لان اسمه غراب
واسم غراب اخد صفة مش كويسة
يمكن لان الغراب مرتبط عندنا بالموت والدفن من ايام قبيل وهبيل

على العموم يا ريموو
حاولى تحبى الغراب والله بجد ممكن تحبيه

Ahmed taher said...

هاااي ريمووو
شوفي انا مبحبش نظرة التشائم دي اطلاقا
يا بنتي لو تسلحتي بالايمان لما تمكن منك هكذا بالعكس
خللي الغراب مصدر بهجة مش تشائم هي ده القوة مش المفروض تربطي الاشياء بالاحداث
يعني مثلا عشان كنت لابس بنطلون بني واتعورت بيه او حصللي حادثة ااقوم ملبسوش تاني لا طبعا هي اقدار ليس اكثر ولا اقل وليش لمن حولنا دورا فيها
غيري افكارك ومعتقداتك تتغير حياتك
اكيد
تحياتي ليكي على طول

shermen said...

شوفي ياستي
في دعاء جميل أوي ممكن تقوليه لما تشوفي حاجه تزعجك أو تخليكي تحسي بالتشاؤم

اللهم لا طير إلا طيرك ولا إله غيرك

ده بيمنع التشاؤم

ويارب دايما تتفائلي سيبك من التشاؤم ده خليكي دايما متفائله

BaTresYa said...

لا تعني البدايات السيئة ...بأن القادم أسوء ...فقد عليكي بمواجهة السوء بالإبتسامه المشرقة على الأقل تصنع لكي نوراً في الظلام

تــسنيـم said...

مممممم أسلوبك في السرد رائع.. ولكن

ألا ترين معي أننا ظلمنا الغراب كثيرا حين عولنا عليه الكثير من الحوادث السيئة التي تصادفنا بالرغم من كونه أول معلم للبشرية وفضله علينا لن يُنسى واسألي قابيل..


ريمو.. كعادتك متألقة.. محبتي

تــسنيـم said...

نسيت أقولك حاجة بس مش عارفة رد فعلك إييه.. أنا بحب الغراب جدا وبحب أسمع صوته لأنه مميز ولم يحاول أن يتصنعه أو يقوم بمداراته وتجميله ولأني أرى في الغراب رمز للإنسان الذي حاول جاهدا أن يقلد غيره ففشل ولم يستطع أن يعود إلى سيرته الأولى.. عارفة أسطورة مشية الغراب؟؟

Oma said...

ليه ياريم ليييه
ماكنش غراب يعني ياقلبي
بس على فكره انا كمان بدايق لما اسمع صوته
ولو انا مخنوقه شويه باخدها حجه ويدايقني صوته اكتر..بحسو بيزعق كده
بحب طريقتك اوي في الكتابه
واحشااااني بجد اوي ياريما
خلي بالك من نفسك كتيير
بحبك (f)

AHMED SAMIR said...

ايه يا ريموو
انتي هتقضيها تشاؤم في تشاؤم ولا ايه؟
لا لا ....الحياة فيها حاجات في منتهى الجمال وتبعث بجد على التفاؤل بس للاسف احنا مابنحاولش ندور عليها
اه فعلا الاحباطات فعلا موجودة حوالينا في كل مكان بس الشاطر بقى اللي يعرف يخرج نفسه من الجو دة
تحياتي ليكي يا ريموو
يا مرهفة الحس

LOJAIN said...

انا ملاحظة انهم كتروا قوى بجد
دايما كنت اعرف انهم فى المناطق الغير ماهولة قوى بالسكان زى السويس مثلا
الطرق السريعة و الصحراوية
انماالبعيد البجح بقى واقف لى على العمود اللى جمب بلكونة اوضتى

ملاحظة تانية بقى انه مش لوحده اللى انتشر
ابو قردان بقى اكتر مننا فى الجامعة بجد
بقى بيقعد تحت الشجرة فى الظل بدالنا

الاغرب بقى رد تسنيم و هى بتقولك انا بتفائل بالغراب؟؟؟؟


Regards:
Lojain :)

BinO said...

هناك مقولة بأعتز بها
وبقولها لنفسي
اللي عايز يتشائم بيشتري تشاؤم
واللي عايز يفرح محدش يقدر يزعله
وأساساً موضوع التطير ده مش حاجة كويسة
وربنا يفرج عنك

خيرالدين said...

هى حاله طارئه بتمر بالانسان ومش بتطول وان شاء الله مش هتطول عندك بس خلتك تكتبى بالحساس العالى ده

Reemo said...

عبدالله خالد
معاك ان الأحلام هو عالم الأرواح لكن الغريب فيه هو اجتماع كل من عرفتهم مع بعض وهو ما لم يحدث فى عالم الواقع
أوافقك بانى ممكن اكون مهيأه من داخلى لاستقبال حدث سئ
نورتينى بمرورك
تحياتى
---------------
عمرو
والله يا عمرو هى مش كانت ناقصه بس بجد كويس انى مش لوحدى اللى بتشائم منه علشان بس الناس تعرف
انه صوته نذير شؤم اصلا
وأكبر دليل اللى حصل معاك
بص انت مش زودتها انت جيبت آخرها :)))
نورتينى
تحياتى
----------------
سندباد
مين قال ان الغراب بيعيش لوحده
ماهو مقيم اهو تحت الشبال بتاعى
طيب ياريت يروح بعيد لوحده ويسيبنى فى حالى
كلمه ونبى يا سندباد لو ليك معاه كلام :)))
نورتينى
تحياتى
-----------------
هنوده
هو ده فعلا اللى بيحصل
كل ما بسمع صوته لازم كان يحصل حدث مؤسف
وده اللى خلانى على طول بقيت لما بسمعه بتوقع حدوث ذلك الحادث المؤسف
أنا برده زيك الفجر بيدينى احساس بالتفاؤل
بس الفرق انه مازال بيبث التفاؤل ليا
ربنا يبعد عنك التشاؤم يا قمر
نورتينى
محبتى

Reemo said...

رامى
هو ده اللى نفسى فيه فعلا انى اكسر رقبته بجد علشان يبطل ينعق تحت شباكى
بحاول اتفاءل والله بس لو الغراب ده بعد بس هتبقى الدنيا فل والله
ربنا يستر بجد
نورتينى يا رامى
تحياتى
---------------
محمد سمير
ميرسى لكلامك
وبجد بحاول ابعد التشاؤم ده بس هو بيبقى اعتقاد مرتبط بعقل الواحد
ربنا يستر
ميرسى لمرورك
نورتينى
تحياتى
---------------
رانيا
دى وصفه سهله
بقى منفعتش معاكى وعايزاها تنفع معايا
يا نصاحك على الصبح يا رونى
على العموم انا لو فى ايدى قلم وسمعته ممكن اكسر القلم فأعتقد انها مش هتنفع معايا أنا كمان :))))))))))
محبتى
----------------
محمد مفيد
عندك حق بس بجد الواحد نفسه يتخلص من الاحساس ده
ان شاء الله يجى يوم واتخلص منه
اسعدنى مرورك
نورتينى
تحياتى

Reemo said...

د.فضفضه
هو مش كل حاجه هو بس صوت العراب الشئ الوحيد اللى بيخلينى اتشائم
بس فعلا أنا بيعجبنى روح التفاؤل اللى عندك دايما
وبجد كتير جدا بدخل عندك علشان استمتع بالاحساس الجميل ده فى كتاباتك
ربنا يكرمك يا رب
تحياتى
-----------------
مراكبى
عجبتنى نظرتك للأمور بجد
الانتظار هو اللى بيخلى الانسان يعيش فعلا
سواء كان حادث مؤسف او مفرح
وجهه نظر بجد تستحق التحيه
كلامك حكم يا مراكبى :))
ربنا يكرمك يا رب
تحياتى
-----------------
أحمد مغازى
أحبه اهو ده اللى لا ممكن أبدا
احبه ازاى بس ده صوته بيخلينى فى قمه عصبيتى بجد
بس بجد تحليلك فى ليه التشاؤم من الغراب يستحق التفكير فيه
بس أكتر جزء ممكن يكون حقيقى فعلا لانه مرتبط بالموت من قديم الأزل
اسعدنى مرورك فعلا
نورتينى
تحياتى
------------------
أحمد طاهر
بجد مش عارفه أقولك ايه بس هى بتبقى معتقدات داخل كل واحد
وفعلا بحاول اغيرها
بس مش عارفه ليه الغراب بالذات بيعمل معايا الحاله دى
فى كل الاحوال جملتك الشهيره
غيري افكارك ومعتقداتك تتغير حياتك
بجد سمعتها كتير وعجبتنى جدا
ربنا يكرمك يا رب
نورتينى
تحياتى

Reemo said...

شييرى
مكنتش أعرف الدعاء ده
بس بجد هقوله كل ما أسمع صوته بعد كده
ويارب التشاؤم ده يبعد بجد
ربنا يكرمك يا قمر
محبتى
---------------
باتريسيا
مش عارفه ليه مش بقتنع بكده
دايما البدايه السيئه عندى بتقلب كل اليوم وبتخلينى بتعامل معاه بمنتهى العصبيه والتشاؤم
أعتقد التفاؤل محتاج مقدرهمش عندى
بس ربنا يسهل واحاول أكون متفائله
ميرسى يا قمر لمرورك
نورتينى
تحياتى
------------------
تسنيم
معاكى أنه أول معلم للبشريه بس فى ايه فى الموت يا تسنيم
تفتكرى ده ميدعوش للتشاؤم منه
غريب جدا أنك تحبى صوته مع انه زاعق كده ومثير للسخط عند كثيرين
بجد وجهه نظرك فرقت كتير معايا أنا كنت متخيله ان مفيش حد بيحب أصلا
بس يمكن ده بيرجع لطبيعتك الفلسفيه فى النظر للأمور والل بحسها فى كل كتاباتك
ياريت ابقى متفائله زيك
نوتينى يا قمر
محبتى
-----------------
أوما
بيعجبنى أنك معاكى على الخط على طول يا حبى
وخاصه فى التشاؤم بصى أنا اقول تشاؤم تدوسى معايا على طول :))))))
بصى يا بنتى أنا شكلى هجيلك طنطا أفوقك علشان أنا فى الوقت ده عايزه تهييسك مش ضيقك
انتى وحشتينى أوى اوى كمان
انتى كمان خلى بالك من نفسك
مش عاجبنى حالتك اليومين دول
luv u awy (K)

Reemo said...

سمير
والله أنا مش مقضياها ولا حاجه هو اللى بيجى لوحده لغايه عندى
أعمله ايه بس
ياريتنى كنت ببص للدنيا بتفاؤل زيك
عارفه ان الدنيا فيها حاجات حلوه كتير
بس هو لو الغراب ده يبعد هبقى زى الفل
لو بتحبه ومش بيضايقك يا سمير انا ممكن ابعتهولك مستغنيه عنه خالص :)))
بس انت تؤمر
بعيد عن الموضوع انت مضايق ليه أرد عند رانيا الأول ولا الآخر
بلاش الحقد الطبقى ده يابنى خليك انت شاطر والحق أول كومنت وأنا مش هحقد عليك :)))))
نورتينى
تحياتى
-----------------
لوجى
فعلا وجهه نظر تسنيم غريبه شويه
بس هى معتقدات بترجع من واحد للتانى
أنا كمان ملاحظه انهم كترو اوى
بقوا اكتر من البنى ىدمين يا بنتى
شكلى هجاجر وأسيبلهم البلد
تيجى معايا :))
نرتينى يا حبى
محبتى
-------------------
بينو
والله ما بشتريه ولا حاجه هو لوحده اللى بيجى لغايه عندى
بس بحاول ابيعه مش بعرف
بجد فعلا حباول انسى الموضوع ده وأركز فى حياتى ولا :انه موجود
دعواتك بس معايا
نورتينى
تحياتى
-------------------
إحنا
ربنا يسمع منك ومش تطول يا رب
ميرسى لدعوتك
اسعدنى مرورك
نورتينى
تحياتى

أسوور said...

أنا دايما لما باسمع صوت الغراب أو باشوفه بأفكر انه ممكن يكون مظلوم وان الناس حكمت عليه بمظهره وصوته للأسف

تحياتى

أمــانــى said...

ازيك يا حبيبتى
ليه بس التشاؤم الغريب ده
كل شئ بأمر الله
ولا تحملى نفسك اكتر من طاقتك يا عزيزتى تحياتى لكى

الطائر الحزين said...

اول زيارة لى عن طريق المصادفة
اسلوب جميل - كلمات رشيقة تنساب من قلم عذب
بالعكس هى لا تتشائم
هى ضد التشاؤم الذى يتشائم يبحث عن الشؤم ولا ينتظرة و هى لا تريد هى تريد التحليق فى الفضاء والسباحة وسط السحاب
عاوزة نصيحتى اول ما تسمعى هذا الصوت
قولى هش وكانك تطيرى حمام

شيماء الجيزى said...

انه يقول لكِ يا سيدتى
لا احمل من علامات ورموز الشؤم شيئا
هى مجرد اساطير عابثين الوجوه
ضعاف العقول والقلوب
يظلمون من لا يطلق سوى النعيق

اعذرينى
فأنا لا اؤمن بتلك الخرافات
وحالات التشاؤم بالبشر اقوى واعمق
فأنتِ يا نسمة الربيع
لا تنظرى الى نعيق المظاليم

تحياتى يا اجمل الجميلات

reri said...

صوت الغراب
فعلا مزعج وبيجيب إكتئاب
حاولي تتجاهليه يا ريم
التشاؤم يفسد كل لحظات السعاده في حياتنا
يجعلنا دائما ننتظر السيئ... حتي لو حدث لنا حدث سعيد ننتظر دائما أن وراؤه سؤ سيصيبنا
يا رب إبعد التشاؤم عن نفوسنا
كالعاده إسلوبك جميل

سلامااااااااااااات

.:.-=- ELGaZaLy-=-.:. said...

همممممممممممممم

البوست جميل اوى فية مشاعر كتير

بس الغراب مرتبط فينا بالشؤم غصب عننا فعلا...

مش بمزاجك


هوا كدة

ody911 said...

مش عارف أقولك إيه ؟؟


بس حاجة واحدة


متتشائميش



وقولى


عادى بقة
أودى

رينـــــــــــا said...

طبعا كلامى فى وصف روعه وصفك لاحساسك ولا حاجة:D
بجد انتى جميله ورقيقه
بس بلاش تحطى فى دماغك الموضوع دا
احنا منهين اصلا عن التشائم
وكمان الغراب والقطه السودا وما شابه
من الجاهليه :D

توكلى على الله
ولما يجيلك الاحساس دا
استعيذى بالله من الشيطان
وسمى بالله
وقولى تكالى عليك يارب
والله هتلاقى الامور اختلفت

ربنا يريحك قلبك يا ارق ريمو

lockash أحمد تمام said...

تشاؤم او تفاؤل دي طبيعه انسانية بيستخدمها الأنسان ليغطي علي اخطائه او اخفاقاته او عدم قدرته علي مواجهة الحياة والمشاكل.و طبعا العكس صحيح. و يمكن اني اعرف حد زي ريمو و اني اقرأ كلامها الحلو ده بنتعش و بتفائل حتي لو كان الكلام فيه حزن و كآبة. بتختلف الأشياء والرؤي. حاجه بتتفائل بيها تكون شؤم لحد تاني.
ابدأي يومك و عشيه بحلوه و مره و مع الناس اللي بتحبهم و اللي مش بتحبيهم عيشي يومك زي مانت عايزه حتي لو ماعرفتيش بس كفاية انك حاولتي. وده يخليكي تحسي انك لسه عايشه و فيكي قدرة و نفس.

Anonymous said...

موضوع جميل
واسلوبك مشوق جدا

اتخذتي من التيمة العبثية الدائرية بناء لموضوعك

مكان ما بدأتي انتهيتي
وكمان تشاؤم من الغربان

أعتقد يا عزيزتي اننا كلنا سيزيف

Rivendell** said...

انا كمان ما بحبش الغراب

مش تشاؤم منه

لكن ما بحبوش

تحياتي

Ali Mahdi said...

هحكيلك حاجة حصلتلى وانا صغير يا ريمو

كنت بروح المدرسة الاعدادى , ومكنتش فى بلدنا , كانت فى قرية تانية تبعد حوالى 2 كيلو متر وكنت انا وزمايلى نروح كل يوم ونرجع اخر اليوم ماشيين فى وسط الارض الزراعية

المهم فى يوم وانا راجع من المدرسة ومعرفش ليه كنت راجع لوحدى يمكن كنت مزوغ ومروح بدرى شوية

لقيت على الطريق غراب صغير جدا لسة يدوب مولود ومش قادر يطير
انا فرحت بالغراب وقلت اخده معايا لبيت اربيه

شغل عيال بقى

المهم لسة هقرب من الغراب وعينك ما تشوف الا الغربان
والله اكتر من عشرين غراب كانو على الشجرة وكل مكا اقرب من الغراب الصغير ينزلو بسرعة ويحاوطونى زى ما
يكونو عايزين يخطفونى او ياكلون

بصراحة خفت منهم جدا وجريت روحت وقررت انى ابعد عن اى غراب تانى

بس عرفت ان الغربان عندها ولاء لبعضها وبتخاف على بعض

وبقيت بحب الغراب
او على الاقل مش بكره

Unknown said...

أهو شفتي العيب ماطلعش في الغراب
والله ده طيب ومظلوم
عشان لونه اسود يعني
طب جربي تبصيله من زاويه مختلفه
هتلاقيه حاجه طيبه ومظلومه اوي

قصاقيص said...

البوست بجد مكتوب بحرفيه رائعه
الدائرة المفرغه بالنسبالي من الاساليب الكتابية التشويقيه اللي بتشدني اوي
ده غير الحاله اللحساسة اوي اللي البوست حكي عنها
...................
بوست اكتر من انسانس واكتر من حساس
وبجد بجد لمسني جدا جدا جدا
تحياتي

3ashe2elro7 said...

قل لن يصيبنا الا ما كتب الله لنا
هيه كده
اللى يحصل لينا مكتوب مش مستنى غراب او غير غراب
لو كان عندنا امل و تفاؤل هنشوف اللى وحش اللى بيحصل لينا بصورة احسن شويه وهنقدر نتغلب عليه انما لو كنا متشائمين و كده اقل حاجه هتأثر فينا و تعكنن علينا حياتنا اللى مش ناقصة
تحياتى

الريس said...

ياريم متضيعيش لحظات عمرك فى التشاؤم ..افتكرى الحاجات الحلوة ..انا عن نفسى لما بحس انى متشأم او مخنوق بروح مسقف بصوت عالى وبعدين اتفرج على فيلم كوميدى او العب مع قرايبى البيبز فبحس قد ايه ان الدنيا حلوة.فكى كده ومتناميش الظهر :)

طارق إمام said...

حالة بهجة كاملة في بلوج الأزياء الجميل
ثم حالة شجن عميقة هنا
و الغريبة اني حسيت بصدق في الاتنين
................................
أنا مش من الوعاظ و لا الناس اللي شايفين الحياة بمبي
لكن في نفس الوقت الحياة لونها مش قاتم
................................
فيه ديوان عبقري اسمه ( الغراب ) لشاعر بريطاني شهير اسمه ( تيدهيوز ) لو قريتيه هتحبي الطائر الغلبان ده جدا
................................

كتابتك عجبتني جدا

.:.-=- ELGaZaLy-=-.:. said...

مش ارف لية لما قريت البوست تانى

او العنوان على وجة الخصوص فكرنى

بكلمة صلاح جاهين

سعات اقوم الصبح قلبى حزين

اطل برة الباب ياخدنى الحنين

الى لقيتة ضاع والى اشتريتة انباع والى صاحبتة راح

مع ان مش كل البشر فرحانين

بسمه عبدالباسط said...

كلامك جميل وأسلوبك أجمل
بس ياريت بلاش تشاؤم
تحياتى

سندباد said...

انا حبيت علي روحي لما شفت الفيديو اللي في المدونة انا بعشق ميج راين لدرجة متتخيلهاش احييكي بشدة

حزيــــــــــــــــــن said...

قال رسول الله بشروا ولا تنفروا
اتمنالك حياة سعيده
بدوون تشاؤم
ابقى ادعيلى مع منه عشان انا كمان بمتحن
جايز معرفش امر عليكى كتير عشان ظروف الامتحانات
سامحينى

ody911 said...

إنتى لسة متشائمة


أماااااااااااال أنا أعمل إيه ؟؟؟


مقولنا عادى بقة
أودى

عمرو غريب said...

لية بس التشأم دة

Diyaa' said...

الأول أنا دعيت لريمو
ثانياً عجبني أوي إني لما تعبت وانحبست بكامل إرادتي..رجعت لقيت مش في بوستات كتير فاتتني هنا ..كويس إنك مشغولة
ربنا يكون في عونك
ثالثاً وده المهم...انتي عبرتي حلو عن حالة بيمر بيها ناس كتير من اللي تقدري تقولي تفكيرهم تاعبهم..حالة الملل والتخوف من اللاشئ والتلكيك لأي حاجة عشان نتشائم منها
رابعاً...الغراب..عمره مينفع للتطير وده شئ حذرنا الرسول منه وده رمز غربي ثبتته الأفلام أوي ..لكن..هو فعلاً عبر عن بداية لحاجة مش كويسة...بس الحاجة دي جوه بطلة القصة اللي هيا سيادتك...الحاجة دي بقي اللي هيا الوسوسة والخوف من المجهول واللي مترسب جوانا بناء علي خبرات مش حلوة وبناء علي ضعفنا اللي بنتأثر معاه بسرعة من أي حاجة علي غير إرادتنا أو أي حدث علي غير رغباتنا
بس في الأول والأخر أسلوبك في الاسترسال للوصول للفكرة ريحني نفسياً رغم إنك بتعبري عن حاجة مش بتريحني نفسياً الصراحة
تحياتي ولما أخلص امتحانات وأفوق من نفسي شوية عايز أجي وأشوف الإبداع
سلام عليكم

دينا فهمي said...

انتى عارفة يا ريم
احنا بيبأى عندنا دايما الصبح بردو غربان
ودايما على الصبح كده الواحد يسمع صوتهم
بس كل مرة اسمع صوته واركز فيها اني اشوف كده ايه اللي هيحصللي اليوم ده وحش.. ما الاقيش (:
بجد سبحان الله وأكن ربنا بيأكدلي ان الكلام ده مالوش معنى وانه مش عايزني اعتقد فيه
لاننا بجد لو اعتقدنا فيه هتبأى كارثة

Reemo said...

ياسمين
ممكن يكون مظلوم
بس بجد ارتباط صوته دائما بالأحداث المؤسفه غصب عنى
نورتينى
تحياتى
-----------
أمانى
ازيك يا حبيبه قلبى
أنا عارفه أن كل شئ بأمر الله
هى شويه معتقدات مش أكتر
صدقينى بحاول محملش نفسى فوق طاقتها
محبتى
-----------
الطائر الحزين
سعيده بأول زياره وسعيده أكتر بكلماتك
يارب تتكرر دايما
هحاول أعمل بنصيحتك بس يارب تنفع
نورتينى
تحياتى
------------
شيماء
هى مجرد أساطير
لكنها للأسف وجدت طريقها لعقلى
أحاول التخلص منها
لكنى دائما ما أفشل فى نسيانها
محبتى يا أعز صديقه
------------

Reemo said...

ريرى
بحاول اتجاهله لانه فعلا وجوده بيفسد لحظات كتير
يارب آمين يا قمر
نورتينى
محبتى
------------
غزالى
فعلا هو غصب عننا مش بمزاجنا
وممكن يكون بسبب ـاثرنا بمقوله ان الغراب نذير شؤم
جعلنا نؤمن بتلك القملوه حتى لو لم تكن حقيقه
اسعدنى مرورك
تحياتى
------------
أودى
بحاول كتير أقول عادى بقى
بس للأسف انه مش بيبقى عادى
نورتنى
تحياتى
------------
رينا
أنا سعيده جدا بكلامك
بحاول محطش فى بالى صدقينى
والله المستعان
ربنا يكرمك يا رب
نورتينى
محبتى
------------

Reemo said...

لوكاش
اتفق معاك فى ان وجهات النظر والرؤيه للأمور
بتختلف من شخص لآخر
كلامك كله تفاؤل بجد
ان شاء الله أحاول أعمل بيه
اسعدنى مرورك
تحياتى
-------------
ابراهيم
مش كلنا سيزيف
لانى ببساطه مش كلنا ارتكبنا الذنب
اللى نستحق عليه عقاب سيزيف
هو أخطأ فاستحق عقابه
اسعدنى مرورك
تحياتى
-------------
rivendell
كتير مش بحبو الغراب
حتى لو كانو مش بيتشاءمو منه
اسعدنى مرورك
تحياتى
-------------
أحمد مغازى
انت قلبك جامد بجد
انك تعمل كده وانت لسه صغير
بجد ده محتاج حد قلبه جامد شويه
جايز الغربان ليها ولاء لبعضها
بس أعتقد ان ده عامل مشترك
بين كل فئه متشابهه من المخلوقات
مش الغربان بس
نورتنى
تحياتى
-------------

Reemo said...

اسراء
أمال العيب فين
حاولت أشوف العيب فين كتير
بس فى كل مره مش بلاقى اجابه للأسف
نورتينى يا قمر
محبتى
-------------
قصاقيص
بشكرك بجد على كلامك الجميل ده
وخاصه انه من شخص فعلا موهوب زيك
كتابته دايما متميزه
نورتينى فى أولى زياراتك
تحياتى
-------------
عاشق الروح
ونعم بالله
هى بس المشكله فى التفاؤل
أعتقد انه وجوده فى حياتى لا يتعدى كونه مجرد اسم
أو معنى من معانى الحياه
نورتنى
تحياتى
-------------
الريس
جميله طريقتك فى التغلب على التشاؤم
اعتقد انى ممكن اجربها فعلا
اسعدنى مرورك
تحياتى
-------------

Reemo said...

طارق
كل بلوج بيعبر عن حاله مختلفه
ووجود الحالتين مش معناه التناقض وممكن يتصدق بسهوله
لان كل انسان حياته عباره عن مجموعه حالات مختلفه
على اساسها بتتكون حياته
تحياتى

-------------
غزالى
بيسعدنى متابعتك بجد
كلام جاهين من أكتر الكلام القريب لقلبى
ويمكن بتأثر بكتير منه
تحياتى
-------------
بسبس
ان شاء الله أحاول
اسعدنى مرورك
تحياتى
-------------
سندباد
يارب دايما تعيش فى حاله الحب دى
انا كمان بحب ميج ريان جدا
تحياتى
--------------
حزين
ربنا يكرمك يا رب
وان شاء الله يوفقك فى كل امتحاناتك
ويوفق كل اللى بيمتحنو
أنا مش زعلانه منك
ان شاء الله بالتوفيق
تحياتى
-------------

Reemo said...

أودى
هو يعنى فى حاجه تخلى الواحد يتفائل وهو قال لا
بحاول والله يكون عادى بقه
تحياتى
-------------
عمرو غريب
مجرد حاله مش أكتر
ان شاء الله تعدى
تحياتى
-------------
ضياء
ربنا يكرمك يارب
انت عارفنى بدون كل اسبوع تقريبا أو عشر أيام
متقلقش خالص يمكن تغيب وترجع تلاقى نفس البوست :))
عبرت عن اللى حساه بجد يا ضياء
هى فعلا وسوسه وخوف من المجهول مسيطر عليا تماما
بسبب ضعفى فى كل مره بمر فيها بتجربه بخرج منها
بخبره سيئه جديده تضاف لسابقيها
ربنا يوفقك فى امتحاناتك يارب
خلى بالك من نفسك
تحياتى
--------------
دينا
هى اعتقادات فى الاول والاخر
اللى بيحصل معاكى هو عكس اللى بيحصل معايا للأسف
وعلى اسا ده اعتقادى اتبنى
وهو ده سبب الكارثه عندى
نورتينى يا قمر
محبتى
--------------

Anonymous said...

من رأيى انها ذكريات سيئه
الناس بتعلق مسؤليتها على بعض الرموز من باب الشماعه اللى لازم تتحمل مسؤوليه الذكرى دى
تحت اسم تشاؤم أو تفاؤل
اسلوبك في التعبير عن مشاعرك جميل اوي
احييكى عليه
سلام

Ma 3lina said...

هوا مش موضوع تشاءوم هوا تبرير لاحساسك بالخوف من حاجة مش اكتر و بعدين يا ستى متحدفيه بطوبة و لا حاجة

اسلوبك كلامك عجبنى جدااا

على فكرة انا باه مش الغراب اللى بيقلقلنى
بس لما بشوف قطة ميتة فى الشارع قلبى بينقبض كدا معرفش ليه

heba said...

ريمو

مش هقدر اقولك متتشائميش من الغراب ذات نفسه لأن ده أمر شايع من زمان وكلنا سمعناه من اللي حوالينا من صغرنا بس انت ممكن تبصيله بعواطفك شوية يعني تبصيله على انه طائر حزين دايماً حتى لون ريشه اسود ومنبوذ وكل الناس بتتشائم منه وبتبصله بصة وحشة مع ان السبب الأساسي في ده كله تلازم قدري يعني حاجة ممكن تحصل جنب حاجة يقوله ده هي السبب

يعني لو انت داخلة محل تشتري حاجة مثلاً وأول ما دخلت راحت الكهربا قاطعة هل ده معناه انك اللي قطعت الكهربا .. او انك فقر زي ما هيقولوا في الموقف ده بالتحديد

نفس الشيء الحاجة الوحشة اللي بتحصل لشخص ما لما بيسمع صوت الغراب مش معناه ان الغراب بينذره بشؤم ولا حاجة ده قدر ومفيش منه مفر

بس انت جواك حاجة تانية انت لما بتسمعي نعيقه بتتوقعي حاجة وحشة ولما مبتحصلش الحاجة الوحشة دي بتفضلي متوقعاها .. يعني هنا النقطة المهمة
انت بتتوقعي الحاجة الوحشة سواء سمعتي صوت الغراب او مسمعتيهوش
بلاش ياريمو كده
بلاش خالص
عارفة ليه
عشان انت كده بتفقدي الاستمتاع باللحظة بتفقدي الاستمتاع بحياتك هتفضل في دايماً حاجة قلقاك وخايفة منها وهي مجهولة لسه بالنسبالك

يا ستي سيبيها لما تحصل يبقى يحلها ربنا
حاولي يا ريمو جاهدة انك تتخلصي من الموضوع ده
ومعلش طولت عليك بس مقدرش اشوفك بتمري بالإحساسات دي ومقولكيش اللي في نفسي جايز تساعدك يا حبيبتي

وأحلى سلام وأحلى تحية

3ashe2elro7 said...

التفاؤل و التشاؤم معانى لها وجود
بس المشكلة فينا احنا لو ركزنا مع الكلمتين دووول و خصوصا التشاؤم هنعب و هنكون احنا اللى بنتعب نفسنا بنفسنا
من اقل حاجه نقول اصل انا شفت الصبح فلان
طيب هوه ايه دخل فلان ده باللى ممكن يحصل
سواء شفتى فلان او لأ ربنا كاتب ده و مقدر انه يحصل
و لا يرد القدر الا الدعاء
سيبك من التشاؤم ده و نفضى له
كفايانا خزعبلات
تحباتى

Shiko said...

ماعرفش ليه لما بنضحك كتير بنبقى خايفين ومتوقعين حزن شديد بعدها
وكأن الانسان شايل جواه الامل والتشاؤم فى نفس الوقت
بيحلم بتحقيق امنياته وهو عامل الف حساب للفشل
بوست رائع يا ريمو

mimaya said...

انا مش مصدقة عنية ؟؟؟ ايه الجمال والروعة دي ... اتاريني مش كنت عايشة من غير بلوجر ،،، انتي هايلة ونفسي اتعرف عليكي شخصيا ياريت نبقي اصحاب ،، ياريبت متدخليش علي البلوجر العبيط بتاعي انا بعد ماشفت اللي انتي عاملاه هروح انسف كل اللي عملته ماشاء الله عليكي ، الله اكبر

Reemo said...

دينا
هى علا ذكريات سيئه
وكل واحد بيدور على سبب ليها
بشكرك على المرور
تحياتى
=============
مرام
يمكن يكون خوف
وظهر فى شكل تشاؤم
صدقينى مقدرش احدد
منظر القطه الميته يضايق اى حد
اسعدنى مرورك
تحياتى
=============
شمس
انت مطولتيش لاحاجه
انا متفقه معاكى
بس التفكير فى السئ بجد مش بيبقى بإيد الواحد
ساعات كترالذكريات السيئه هى اللى بتضطرنا لكده
اسعدنى مرورك
محبتى
=============

Reemo said...

عاشق الروح
ممكن يكون كلامك صحيح
بس برده التركيز فى المعانى دى طبيعه بشريه
مش اختيار
ممكن يتقلل بس صعب انه يتلغى لو كان فى طباع الشخصيه
اسعدنى مرورك
تحياتى
=============
شيكو
هو فعلا كده
بيبقى جوانا امل مصاحب ليه خوف كبير من الفشل
وده اللى بيمنع استمتاعنا بأحلى لحظاتنا
تحياتى
============
ميمى
انا سعيده بكلامك
وصدقيى مدونتى مكانتش كده فى الأول بس هو كتر الخبره والتعامل مع المدونه بتلاقى نفسك بتخترعى وبتغيريها أول بأول
بس اهم حاجه انها تبقى بتعبر عن احساسك وشعورك
يشرفنى نبقى اصدقاء
تحياتى
=============