جنين
أشعر به بداخلى
كجنين ينمو ليعلن عن قدومه
يتحرك بداخلى ليحرك معه قلبى
ويداعب أوتار خيالى
يكبر ويكبر
ليغزو كيانى
فيعلن عن اقتراب وصوله
وبدء إعلان وجوده
وبرغم خوفى من مخاضه
ومحاولاتى الكثيره لإجهاضه
فهو يسيطر على كل جوانحى
وأشعر بضعفى أمامه
ورغبتى فى مولده
طفلا صغيرا ينام بين أحضانى
أغلق معه عيونى
فيختبئ بين جفونى
أضمه بين ضلوعى
فتتحقق معه أحلامى
.................
.................
98 comments:
عزيزتي ريمو
اعطه فرصة النضوج ولا تتسرعي
والا صار مشوها ومسخا فلا فرحتي به ولا صار الجنين المنتظر
فنتعلم ونصبر ونعطي كل شئ حقه
ولا نجعل الاهواء تجرنا وتجرنا
فنقع غير ملوميين
تحياتي بجد
واتمنالك السعادة من قلبي
ريمو يا حبيبتى
اتركى له العنان ليعلن وجوده
فكم نحتاج لمولده يا عزيزة قلبى
كم نحتاج الى نبذ هذا الخوف
والتقدم نحو ما نريده ..وما نتمناه
فأنت تعلمين مدى الشوق والحنين
والاحتياج
تحياتى يا رقيقة القلب
وصاحبة اجمل كلمات
ليه تجهضيه بدام فيه كل هذا الخير المتوقع
حبيبتى ريموتى
زعلانة عشان مش اول كومنت
بس فرحانة عشان التغييير الجميل دة
والاحساس الدافى الى فى كلامك
والتفاؤل الى باين بين السطور
بس لو كان غزو حقيقى يبقى لازم متقاوميش
بالعكس افتحى لة قلبك
ويارب اشوفك دايما سعيدة وفرحانة يا حبيبتى
ربنا يخليكى ليا
luv u(k)
حلوة اوى يا ريمو
سيبيه ينمو واستمتعى بكل لحظه
فذاك افضل من اجهاضه والندم عليه
سلامى يا جمييييل
:))
دي من المرات النادرة اللي أشوف فيها حد بيوصف الحب وهو لسة .. جنين
فكرة رقيقة فعلا
أحييكي
تعبير جميل اوي انك تشبهي الحب بالجنين في بدايته
فكره بديعه ولكنها لابد من استمرارها حتي تجني ثماره وتشعرين به
دمتي بخير
مش عارف ليه يا ريموو
حاسس كدة والله اعلم ان انتي بتعاني من حالة شجن وحزن اليومين دول
لو دة صحيح عايز اقوللك حاجة
احنا بس اللي بنصنع سعادتنا واحنا بس برضة اللي بنقدر نصنع تعاستنا
واحنا برضة بس اللي نقدر نخرج نفسنا من اي موود حزين
يارب اكون قدرت اقول حاجة مفيدة وتكون وصلت ليكي
تحياتي لكي
الله عليكى بجد
الحب جنين
ايه الرقه دى
بجد انا بحب كلاماتك ووصفك اوى
اطلقى له العنان
سيبه يتوغل
وينمو
ويولد
وعيشى معه
لعلها البدايه
محبتى وقبلاتى لارق ريمو
ما أجمل هذه المشاعر التي تولد بداخلنا أثناء تكون هذا الجنين
لكِ اللحظة التي أنتِ فيها
استمتعي بكل دقيقة في هذه الفترة بغض النظر عن ميعاد الولادة واستقبال طفلك ففترة الحمل لا تُعاد وتلك المشاعر لا يمكن استرجعها مرة أخرى.
السلام عليكم ورحمه الله وبركاته
الكلام رقيق اوي بجد مش ممكن تحسه الا روح فنان
دي اوي مره اعلق فيها علي بوست هنا بس قد ايه عجبتني روح المدونه
ربنا يوفقك يارب
واسمع انك سعيده دايما بالجنين
الحب زي الجنين تمام
مراحل للنمو في الخفاء حيث لا يراه احد ويحس بيه بس اللي بيشيله وبعد اكتمالة يولد الحب ليكون قادر على العيش في الدنيا ، صحيح أول ما يتولد بيكون ضعيف بس الزمن بيقويه وبيغيره لحاجه أحلى او حاجه أوحش .
أحييك على البوست
بوستك رائع كما تعودت عليكي والاجمل التشبيه الرائع للحب بالجنين فاذا اصبح حبك جنينك يكون عندك يقين انك لن تستغني عنه ابدا لانكي كنتي السبب قي نضوجه وان ينمو منك واليكي تحياتي ليكي ياقمر ولكلامك الرائع واستبشري خير وافتحي ذراعيكي للحب " واهلا بالحب وعيده وبالفرح يارب تزيده "
بوست جميل اوي ياريمو واحساسه عالي اوي
تحياتي ليكي ولمشاعرك الرقيقة
تحياتي
محمد سمير
كلماتك جميلة ومعبرة عن حالة أنتى بتعيشيها بجد
تحياتى
ادرسيه واعرفيه
واعرفي كل حاجه عنه
ولما تعرفيه بجد
سيبيه يكبر ويعيش جواكي
خلي بالك من نفسك :)
اوعي تخلي حبك يضيع منك لان الحب اصبح نادر الوجود
تحياتي
ريمو ، ما هذا الجمال كلله ؟؟؟
حلوه قوي ،،،، و مش هعرف أقول أكثر من كده ....
تحيااااااااتي
ايه الروعة دي بانتى
--------
مدونتى فيها موضوع ريحته وحشة
اللى بيقرف ميدخلش عندي
:)))))))
lahuv lld.i td l,q,u lld.
حاولت اكتب تعليق طلع انجليزي
مشاعر مميزه في موضوع مميز
تحياتي
أحمد طاهر
بحاول اعديله الفرصه دى
بتمنى أنه ينجح بجد
ويكون بدايه جديده لحياه جديده
ربنا يسعدك
تحياتى
-------------
شيماء
خايفه ان الاحتياج يكون هو السبب يا شيماء
عايزه يكون التقدم بسبب الاقتناع مش بسبب الاحتياج
أعتقد انك فاهمانى
ربنا يخليكى ليا يا صديقتى
محبتى وقبلاتى
-------------
محمد عبد الغفار
اتمنى من كل قلبى يكون بيحمل كل الخير
ويطلع ابقائى ليه اختيار صحيح
تحياتى
-------------
هوبا
معلش يا حبيبه قلبى نزلت البوست وانتى مش هنا
مش تزعلى يا حبى
خايفه أوى ياهوبا انتى عارفه قد ايه
مش حمل فشل جديد
بس برغم كده أعتقد ان اللى شوفتيه فى كلامى هو اللى هيخلينى استمر
ان شاء الله خير
Luv u (K)(K)
شيماء
قررت اسيبه ينمو
بس قولى يارب
محبتى
-------------
مراكبى
سعيده انى أكون جديده فى الوصف بالنسبالك
كلامك بيسعدنى دائما
ومرورك بيسعدنى أكتر
تحياتى
-------------
محمد مفيد
كلامك بجد جميل
أعتقد انى هحاول احافظ على الجنين
وبتمنى من كل قلبى مندمش على حفاظى ليه
اسعدنى مرورك جدا
تحياتى
-------------
سمير
مين قال كده بالعكس
أنا سعيده اليويمن دول
والجنين ده بدايه لحاجه جميله فى حياتى
فلا لو استمرت هكون أسعد واحده فى الدنيا
بتمنى استمرارها
كلامك دايما مفيد وبيسعدنى يا سمير
تحياتى
رينا
الحب دايما بيبدأ جنين جميل
أحنا اللى بنكبره
ونحليه علشان يجمل ايامنا
ربنا يسع كل ايامك
محبتى وقبلاتى
--------------
تسنيم
بتمنى الاستمتاع لكن فتره الولاده صعبه ليها آلامها
والحمل رغم لحظاتها لجميله الأا انه متعب
اتمنى تمر كل اللحظات بدون تعب
ويكون الناتج مولود جميل
محبتى
---------------
زوبعتى
كلامك رسمى أوى يا روبى
بس جامد جدا :))
بصى أنا على طول سعيده بالاول فى الجنين لكن دايما بجهضه بعد فتره تعب
اتمنى انى مجهضوش المره دى
تحياتى يا أجمل أخت فى الدنيا
---------------
أحمد رفعت
تحليل سليم جدا للحب فى مراحله الأولى
وضعفه بعد الولاده وقوته اللى بيكتسبها من قوه محبيه
ربنا يكرمك يا رب
تحياتى
قلوب حائره
أهلا بكل الحب وكل أعياده
لكنه اتمنى يكون فى ميعاده واختياره الصحيح
هسمع بالنصيحه بس قولى يارب
تحياتى
---------------
محمد سمير
بيسعدنى مرورك وكلامك الجميل
تحياتى واحترامى
---------------
بوس بوس
ميرسى بجد على زوقك
سعيده بالمرور جدا
ربنا يكرمك يسعدك
تحياتى واحترامى
---------------
أوما
بحاول بجد يا قلبى
بس خايفه جدا
انتى عارفانى مش هستحمل فشل
بس بحاول أكون حياديه ومفكرش كده وأحاول أحط رايى من غير اى خوف
بتمنى يكون خير يا قلبى
وحشانى أوى
انتى كمان خلى بالك من نفسك
Luv u (K)
سندباد
بتمنى يكون حب حقيقى
بتمنى يكون يستاهل حفاظى عليه
ربنا يكرمك يارب
تحياتى
----------------
ابراهيم
كفايه بجد أنك تقول كده
أنا سعيده جدا بالكلمتين دول
وسعيده أكتر بمرورك
تحياتى
----------------
شارم
بعض ما عندكم
مش بحب الريحه الوشه وبقرف جدا
بس ممكن أدخل اشوف فى السريع
تحياتى
----------------
ذو النون
الكى بورد كان انجليزى أكيد
انا سعيده بالكلام ده
وخاصه انه من فنان زيك
تحياتى واحترامى
الحب احساس جميل ملىء بالروعة فدعية يولد
اسلوبك رقيق قوى زى مشاعرك
و انا مع احمد سمير
حاسة انك بتتكلمى بشجن
احتمال علشان
خايفة من الجاى
صدقينى يا ريمو اطلقى لمشاعرك العنان و انتظرى النتيجة و اذا جاءت بما لا تشتهى الانفس لا تحزنى فانه القدر
تحياتى يا جميله
أقولك ايه بس.. جميله بجد..الجنين ده مهما كان شكله او ظروفه او مين ابوه حتي"قصدي شريف والله" لازم نقابله و نشوفه و نسمعه ونساعده مشيمكن يكون ده اللي يسعدنا او يغير فينا حاجه للأحسن. مانحكمشي علي الحاجات قبل ماتنضج و تطلع.مين عارف.وكفاية انه ابنك ده يخليه سعيد من قبل مايطلع..وواضح انك سعيده بيه من قبل مايجي..خليكي متفائلة.
رقيقة اوي البوست دي
ليست كل الامانى بداخلنا تحقيقها المستقبلى يسعدنا حتى على مستوى اللفظ والجنين التى ترغبين ان ينام فى احضانك ليس بالضرورة ان يريحك
لا احد يعرف اين الخير وفيمن يكمن
تحياتى
كلماتك بجد جامدة و ميربسي لزيارتك ليا و يارب تكوني عندي علطول و تديني رأيك عشان انا يادوبك مدونة جديدة
الكلمات دي حسيتها فعلاعشان انا بمر بحاجة زي كدة هي مش زي هي نسخة من كدة و بحاول اعمل مش واخدة بالي وانسى مش باقدر
ياريت اشوفك كتييييييييييييير عندي
جميله أوي ياريم(:
سيبيه يجي
مش يمكن هو اللي يغير كل حاجه؟
على فكرة حبك هيكبر رغما عنك
الحب كدة
بس المهم نعرف نرعاه لحد ما يقف على رجليه
تحياتى
كلام جميل
كلام معقول
أحلام مشروعة
ولذيذة لأنها بسيطة
تعبيراتك برضه ماشية مع الموضوع
تحياتي
وأتمني أخر الخواطر دي يبقي واقع قريب بإذن الله
تحياتي
ضياء
أوما جامدة جداًَ كمان
قالت الخلاصة
ادرسي الجنين وأعرفيه
عشان لما الحلم يبدأ
ميخلصش
وبالتوفيق
ضياء برضه
اتمنالك السعاده
يااااااااااااااااااارب يا ريمو يا جميل
:))))))
انا مش ناسيه التاج على فكرة معلش اتاخر شويه
سماح بقى
:)))))))))))))
ازيك يا ريمو
كعادتك احساسك في قمة الروعه
جنين ده اللي هو حب يعني
ايوا يا عم
ربنا معاكي و يسعدك يا رب
بس فكري كويس بقي
الحب مش قلب يشدك ناحية حد و بس
الحب قلب و عقل سوا
قلب يشدك و عقل يفكر
لو الأتنين اجتمعوا إن هو ده
ده يبقي الحب اللي بجد
و ربنا يوفقك يا رب
تحياتي
صباح الورد يا ريموووو
جميلة ورقيقة
خلي بالك من الاسبرينات والادوية التي قد تشوهه وتعطل ميلاده ..أقصد الكعبلة والاكتئاب
خليكي متفائلة تجدي ما يسرك
رغم الالم و المخاض الا انك تتعجلين خروجه
اتركيه بداخلك
افضل
يا ريم سبيه
إوعي تجهضيه
الحب بقي شئ نادر
الواحد ما بيصدق يلاقيه
ربنا يوفقك
ويكون خير
بس حلو أوي التشبيهه ده
سلامااااااااااااات
لو الخير متوع فاهلا به
تحياتي
ربنا يقومك بالسلامة
إجهاضه؟
ليه بس يا ريمو
عاوزة تاخدي منه حياته ولسه اساساً معرفهاش
اسلوبك جميل
وفكرتيني بقصيدة رائعة لنزار اسمها حبلى
بالتوفيق يا ريمو
ربنا يسعدك يا ريمو وتلاقى الحب اللى بتدورى عليه
بدعيلك وبدعى لنفسى انا كمان
اعرف اكبر الجنين ده واخليه واقف على ارض صلبة يا رب
تحياتى
رغبتك القوية في مولد
هي من ستبقي عليه
.
.
حتي ول حاولت الناس جميعا
قتله
جميلةقوى الحالة ياريم
رقيقة جداانه توصفى الحب بالجنين
شوف قد ايه الام بتبقى حريصة عليه و حذرة فى خطواتها عشان تعمل على رعايته
ويكبر معاها و يشوف النور
رائعة ياريم كالعادة
Regards:
Lojain :)
انا عامله فكره جديده ويارب تعجبك
ياريت تقولى رايك فيها وماتنساش تشارك باى ذكرى عاوزاها
استفتح بيكى يعنى
تحياتى
انتى بتجيبى الأفكار دي منين؟؟
جميلة جدا ماشاء الله عليكى
دائما لكى تفرد فى استخدام بعض المصطلحات والتراكيب اللغوية
احييكى يا مبدعه
استمتعى بدفء اللحظات وسحرها...
هى لك..لانها لك...
و..
واياكى والخوف..
واعذرينى ان قلت لك شيئا...هذا الامر لايحتمل الحياد ...اما ان تتشربيه كله..او ...لنقل لن يكون لك
كالعادة رائعة
اعذريني لإنشغالي الشديد
اوعي تزعلي سلام يا قمر
ريمو حبيبة قلبى وحشانى اوى اوى
كلامك جميل اوى كالعادة يا ريمو
بس ياريت تسيبى الجنين ده يتولد ويشوف النور واديله الفرصة يكبر ويكبر واكيد هايفرحك وانتى كمان ها تفرحى بيه
بس اطلقى لنفسك العنان و سبيها على الله
تسلميلى يا حبيبة قلبى يارب
(k)
Let it groooooooooooooow
and hold your soul! :))
ريمو
ادعوك للمشاركة في استطلاع راي
اكثر 10 مدونات تاثيرا في قرائها
و احب ان اخبرك ان مدونتك تم ترشيحها فعلا
اليك الرابط
http://www.6ef.blogspot.com/
ريموووو
فى إيه ؟؟
أنا مش فاهم
ممكن حد يفهمنى
إنتى فى بيبى جاى فى السكة ؟؟
ألف مبروك يا ريمو
وعادى بقة
علقة تفوت ولا حد يموت
اودى
طالما شعرتي بيه جواكي، لية بتحاولي إجهاضه!؟
سيبيه
وإن شاء الله تتحقق أحلامك وأكتر كمان
تحقيق الأحلام مش "حرب" ولا "ولادة" زي مانتي مصوراها...تحقيق الأحلام هدف سامي بالحياة
اتركي الجنين ينمو
تسلم إيديك يا قمرة
:)
نوني
وايه باقيله غير حيطان الطبطبه
بعد الفراق الممتنع عن نور عنيه
يايسيب حيطانه بالدموع مترطبه
يا يشوفله قلب يخاف علييه
الله عليكى
انا عامله فكره جديده ياريت تكونى اول المشجعين ليا وتقولى رايك في الفكره
ويارب تكونى اول المشاركين معايا في الفكره
وتكونى اول استفتاحي
تحياتى ليكي
فقط انتظري حتي تتاكدي من نضجة
فاذا كان ناضج فدعية يري النور
قلما نجد حب يحرك كل الاحاسيس دي
هايل وصفك وتشبيهك للحب بالجنين
بجد عجبني
تحياتي
تعيشين شعور جميل...تتمناه كثيرات...اللهم اعط لكل سائل سُؤله ..
ربنا معك ، و ان شاء الله يكون قدومه خير و بركة.
تحياتي
ريمو : خليه يكبر و يتولد
بس حافظى عليكى وخدى وسائل الوقايه الممكنه من اى امراض او اخطار
والوقايه دى بتكم جواكى
في عقلك وضميرك
ريمو يا جميل
انا رديت على التاج وسورى على التاخير
سلااااام يا جميل
:))
رانيا
ياريت كان بإيد الواحد انه ميخافش
او انه ميحزنش لو ضاع الجنين
الحزن طبيعه بشريه يا حبيبتى
محبتى
-----------
لوكاش
بحاول أكون متفائله صدقنى
بس بحس ان كل الظروف والاحتملات بتاخدنى ناحيه التشاؤم ليه بجد مش عارفه
ومع ذلك مازلت بحاول
اسعدنى مرورك
تحياتى
-----------
أميره
ميرسى يا قمر
سعيده بمرورك
-----------
الطائر الحزين
بتفق معاك تماما
ساعات بخس ان الجنين ده تعب فبهرب منه
وساعات بحس انه طوق النجاه فبدورعليه
بس الخير فين
الله اعلم
سعيده بمرورك
تحياتى
-----------
نشوى
انت مدونتك جميله ياقمر
واكيد عجبتنى كلماتك والا مكنتش سيبت تعليقى عندك
اكيد همر عليكى كتير
تحياتى
-----------
اسراء
مش عارفه ليه خايفه اسيبه يجى
مش عارفه ليه مش متفائله
يمكن مش عارفه
تحياتى
-----------
ياسمين
عارفه انه هيكبر رغما عنى
عارفه ليه
لانه مليان أمل
ومع ذلك خايفه يكسرنى رغم املى
تحياتى
-----------
ضياء
أكيد هدرسه وهحاول متسرعش
بس بجد مش عارفه
انت عامل ايه فى امتحاناتك
ابعتلى ميل طمنى عليك
أكيد
تحياتى
------------
خالد
ربنا يخليك يارب
تحياتى
------------
شيماء
يارب يا قمر
اعملى التاج براحتك يا جميل
محبتى
------------
رامى
ايوه هو كده بالظبط
متفقه معاك جدا
الحب قلب وعقل سوا
ياريت بس اقدر اوفق بينهم
ربنا يكرمك يارب
تحياتى
-------------
مروه
بحاول يا مروه بجد
يارب بس تبقى النهايه سعيده
مش تقلب بإكتئاب
محبتى
-------------
سمباتيك
عندك حق
اعتقد انى متسرعه ومش بديله فرصه ينضج الأول
بحاول صدقينى
والله المستعان
محبتى
-------------
ريرى
الحب الحقيقى هو اللى نادر
ياريت بس يبقى حب حقيقى
مش نزوه او حاله مؤقته
محبتى
-------------
ابن ناصر
ياريت يبقى خير
وساعتها كل الترحيب له
تحياتى
-------------
باهر
ربنا يكرمك
تحياتى
-------------
ابراهيم
مقرتش القصيده
بس بجد شوقتنى ادور عليها واقراها
بحاول عدم اجهاضه صدقنى
لكن...
تحياتى
-------------
أحمد مغازى
ربنا يكرمك يارب
وان شاء الله تلاقى الحب اللى بتدور عليه
ربنا يسعدك ويوفقك
تحياتى
-------------
آدم
وربما خوفى من مخاضه
يخلينى اقتله
الله اعلم
تحياتى
-------------
لوجين
معاكى يا لوجى بس ده لو كان جنين يستاهل
نورتينى يا قمر
محبتى
-------------
فرفشه
حالا هعدى اشوف الفكره
وهقولك رأيى حاضر
تحياتى
-------------
كلام لوجيك
الأفكار دى بتجى من الاحساس
ربنا يخليك يارب
سعيده بكلامك
تحياتى
-------------
دندونه
بحاول
فعلا بحاول استمتع وانسى الخوف
محبتى
-------------
شيرمين
ولا يهمك يا جميله
انا مش زعلانه خالص
ياربت ترجعى بالسلامه
محبتى
-------------
رورو
وحشتينى اوى اوى بجد
سايباها على الله بجد يا رورو
ونفسى يكبر وأفرح بيه
بس حاسه ان الظروف بتعاند
مش عارفه ليه كده
قولى يارب
تسلميلى يا حبيبه قلبى
luv u (K)
-------------
ايبى
بحاول صدقينى بحاول
قبلاتى
-------------
منه الله
هعدى عليكى يا قمر
وهشارك فى الاستطلاع
ميرسى لاهتمامك
تحياتى
-------------
أودى
بيبى بس من نوع تانى
حاجه كده اسمها حب
ادعيلى بس تعدى العلقه من غير موت
وعادى بقه
تحياتى
-------------
نونى
بحاول اجهاضه علشان خايفه يكبر فى يوم
وبدل ما أفرح بيه
احزن عليه
ربنا يكرمك يارب
تسلمى يا حبى
تحياتى
-------------
حقى اهرتل
جميله الكلمات
تحياتى
-------------
عادل
هو ده اللى بيحصل فعلا
مستنيه اتأكد انه ناضج ويستحق ان يرى النور
سعيده بمرورك
تحياتى
-------------
الربان
ربنا يكرمك يارب
ان شاء الله
تحياتى
-------------
18goosebumps
عندك حق فى كلامك يا قمر
متفقه معاكى تماما
ان شاء الله اللى فيه الخير يحصل
تحياتى
-------------
شيماء
رديت على التاج يا جميله
ولا يهمك من التأخير
المهم انك عملتيه
محبتى
-------------
الله المستعان
احلى كلام يتقال
ربنا يسعدك و يهنيكي
تحياتي
انا بقول اجهضية افضل احسن ما يتولد ويخنقك
http://sfahmy78.blogspot.com/2007/06/blog-post.html
منتظر تعقيبك على البوست الجديد
احساس جميل اوي بجد...تسلم ايدكـ ...كل انسان يحتاج لنسخه مصغيرة منه وإن إختلفت :)
والله باهر ده عسل
هههههههههههههههه
ريمو هانم
سيادتك ليكي تاج في مدونتي المتواضعة
يرجى سرعة الاجابة
تحياتي ليكي
جيت بس اسال واشوف اذا كان في جديد ولا لاء
تحياتي
السلام عليكم
اشكر كل من تساءل عن غيابي
ووقف بجانبي في محنتي
تحياتي لكل شريف حر
طفلا صغيرا ينام بين أحضانى
أغلق معه عيونى
فيختبئ بين جفونى
أضمه بين ضلوعى
فتتحقق معه أحلامى
000000000000000000000000000000000000
اعطية فرصة للنضوج بحق جميل للغاية
وكلامك بيمس الاحاسيس من كثر صدقة
سمباتيك
أكيد مفيش أحسن من الله عونا
ربنا يكرمك
محبتى
==========
باهر
متفقه معاك
لانى فعلا بدأت احس بكده
تحياتى
==========
شريف
هشوف الموضوع
حاضر
تحياتى
==========
BaTresYa
متشكره جدا
تحياتى
==========
شرم
كمان عنده حق
تحياتى
سمير
مغلق لحين اشعار آخر
تحياتى
===========
سندباد
للأسف مفيش جديد
فى اغلاق
تحياتى
===========
صاحب البوابه
انت تستاهل كل خير
تحياتى
===========
غزالى
بشكرك من كل قلبى
تحياتى
عزيزتي ريمو
لا أعلم
لكنني أظن صورتك الأولى كنت اجمل ومعبرة أكثر
أظن ذلك
ما رأيك ؟؟؟
تحياتي
صاحب البوابه
هى ممكن تكون اجمل لكنها كانت بتشبهنى جدا وده عملى شويه قلق
عامه هو تغيير
ثانيا دى او غيرها مش هتفرق لو انت اخدت بالك البلوج مغلق
يعنى الصوره مش هتفرق كتير فى الوقت الحالى
ميرسى لاهتمامك
تحياتى
إحساسك جميل فى التعبير عن الكلمات
كلام بسيط لكن معبر
و الجنين هنا بيرمز للحب او للمجهول بوجه عام
اللى بنبقى منتظرينه و فى نفس الوقت خايفين من قدومه
اعتقد اللى ممكن تعمليه وقتها انك ماتجهضيهوش
استقبليه بكل المشاعر الحلوة اللى ذكرتيها دى و ربنا هيعينك
مش عارفة اعلق اكتر من كده على البوست
كلامه رقيق فعلا
بشكرك كمان يا ريم على دعمك لى
و بجد انت إنسانة رائعة
جميله تشبيهاتك واسلوبك فى التعبير
ريمووووووووووووو
انتي اكيد بتهرجي
انا جيت اكتر من مرة ولقيت البوست الاخير والمشكلة اني مش عارفة اعلق عندك
ايه اللي خلاكي تقفلي كدة وبتعتذري عن ايه
احنا مش اتفقنا اننا لازم نكون اقويا ونقول اللي احنا عايزينه
عايزة اجي المرة الجاية الاقي بوست جديد وبتكتبي عن اللي جواكي
شاركيني معاكي يا ماما
سلامتك مناي لحظة حزن يا ريمووو
ارجوكي طمنيني عليكي
ليه يا ريمو مغلق مع اعتذارك؟؟
ليه مغلق اصلا؟؟
ليه تحرمينا من كتاباتك الممتعة التى أثرت مشاعرنا؟؟
مستنية ردك
كلام جميل جدا
تحياتي
لا و الله.. ما حد يعرف يوقّف جنونه
و نتألم ونتألم وبرضه نسلّم عشن خاطر عيونه
لسة ما فهمتش الحب ده ايه ظروفه معانا بالضبط.. مهما نقوي و نفرد صدورنا في وش الحياه .. بنطاطي له ..
وياه على روعته لو سكته منوّرة و سالمة
ربنا يحميك من كل سوء
بس ليه مغلق با ريمو... أنا من زمان كتبت كومنت هنا و باين كده ما إتحمّلش
طمّنينا عليك
:)
تحياتي
فينك
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ده أنا كده ممكن أعيط ياريم):
ليه بس كده؟
ريم محتاج رأيك بخصوص الموضوع ده
تجمع مدوني مصر .. حقيقة قابلة للتنفيذ أم حلم بعيد عن الواقع
بسم الله
غاليتي ريمو
أول مرة أجيلك هنا
أصل رانيا شجعتني أعرف مين فين ليه ؟
عجبيتني جدا مدونتك
كل حاجة فيها عجبتني
ذوقك العالي في الألوان
إحساسك الرقيق
عدد زوارك
ماشاء الله عليكي
ربنا يسهل و أتشرف بمقابلتك زي رانيا
; )
تحياتي غاليتي
منى المحمودي
تحياتي يا جميلة علي كلماتك الرائعة ،، معاكي حق تخافي طبعا ،، بس خدي بالاسباب واسمعي كويس اوي لعقلك الباطن هوه ده المرشد اللي عمره ما أخطأ ... اكيد جربتي تمشي ورا احساسك ،، اكيد لقتيه صح ،، نصيحتي تجربي بحزر وربنا يوفقك يارب ،، واعرفي كويس اني دي احلي حاجة في الدنيا .. وجود جنين
تحياتي الي الرائعة الرقيقة ريمو
أين انتِ يا أختاة
؟؟؟؟؟؟
أمر كثيراً لأتمنى أن اراكِ فلا أجدك
!!!!!!
انتظر منك أن تطمئنيني عليكِ
تحياتي
عن الحب تتحدثين ؟
جميل معادلة شئ بشئ آخر
إن كان الحب كما فهمت فهو ليس مؤلم المخاض لكن عمره القصير هو المؤلم وهذا ما يجعلنا نؤخر ميلاده
مدونة رائعة
وأغنية تنم عن ذوق رفيع
تحياتي
مجهود رائع
مدونة جميلة ما شاء الله
هل سمعت باجلوكو وتريد ان تعرف ما هو وان تسجل به؟؟
اليك
مدونتي:
http://aglocohits.blogspot.com/
المدونة بها :
زيادة الريفيرال
وبناء شبكتك
وبناء مدونتك واشهارها
وكيف تجعل موقعك اول نتائج بحث جوجل
وتصفح متخفي وراديو نجوم اف ام
nojoom FM
والان خدمة الرد المباشر على جميع اسئلة اجلوكو في اول غرفة دردشة مختصة باجلوكو
مررت
فما زلت افتقدك
اين انتِ
؟؟؟؟
ريمو
اولا اغنية حبيبتى فيروز جميله فعلا واعتقد انها تعبر بشكل خاص عن مزاجك الفيروزى
هذه الرؤيا رؤيا امومية اكثر منها رومانسية والاحساس من الاول الى الاخر انك الام ولست الحبيبة..لكنه على العموم احساس جميل ولكنه لايتواجد مع فترات الحب الاولى الا نادرا..ذلك ان الحبيبة فى فترات الحب الاولى تحب ان تكون محتضنة وليست حاضنه تحب ان تحس انها محتواه وانها ليست حاوية
Post a Comment