Monday, May 21, 2007

تحت مسمى فتوى

من المؤسف حقا ان تخرج الإساءه لديننا من بين ايدى علماء وفقهاء الدين
فبعد ان كنا متلقين للإساءه
مدافعين عنها وعن رسولنا الكريم
أصبحنا نحن من نقوم بتوجيه هذه الإساءه لديننا ورسولنا
والمصيبه الكبرى هى ان توجه الإساءه للدين من شيوخه
وخاصه من أحد علماء الأزهر الشريف
فبدلا من أن تكون مهمه هؤلاء الشيوخ توجيه الناس توجيها صحيح
ا
لأسس الدين السليم
اصبح مهمه علماء وفقهاء الدين تضليل الناس تضليلا كبيرا
بإباحه الزنى تحت ما يسمى بفتوى

*************
تفاصيل الفتوى تناولته صديقتى رحاب فى موضوع تحت عنوان حسبنا الله ونعم الوكيل
نقلا عن مدونه رحاب

**********

كل يوم تخرج علينا فتاوى جديدة
وخرجت علينا هذه الايام فتوى اصدرها الدكتورالمبجل
عزت عطيه
وهو رئيس قسم الحديث بكلية أصول الدين بجامعة الازهر
والتى اباح فيها ان ترضع المرأة العامله زميلها فى العمل
حتى ترفع عن نفسها حرج الخلوة المحرمة بينها وبين زميلها
ويقول أن
رضاع الكبير يبيح الخلوة ولا يحرم النكاح
وذلك تبعا لرأي الليث بن سعد، مؤكدا إن المرأة في العمل يمكنها أن تخلع الحجاب
أو
تكشف شعرها أمام من أرضعته وهذه هي الحكمة من إرضاع الكبير
فالعورات
الخفيفة مثل الشعر والوجه والذراعين يمكن كشفها
أما العورات الغليظة فلا يجوز كشفها على الإطلاق
وأكد أن
الإرضاع يكون بالتقام الثدي مباشرة
وقال
د.عزت عطية إن هذه الفتوى تختص بأي رجل يخلو بامرأة في غرفة مغلقة لا يدخل عليهما أحد
ولا يختص الأمر
بالموظفين والموظفات فقط فهذا يؤدي الى تشويش في الموضوع
لأن القضية تخص أي رجل وامرأة غريبة عنه تغلق عليهما غرفة خاصة ولا تفتح إلا بإذن أحدهما
لكن لو كان هناك
أكثر من اثنين من الموظفين والموظفات في حجرة فلا يعتبر ذلك خلوة
ويستند الدكتور عزت الى حديث عن الرسول صلى الله عليه وسلم والحديث هو
....................
حدثنا ‏ ‏عمرو الناقد ‏ ‏ وابن أبي عمر ‏ ‏قالا حدثنا ‏ ‏سفيان بن عيينة ‏ ‏عن ‏ ‏عبد الرحمن بن القاسم ‏ ‏عن ‏ ‏أبيه ‏ ‏عن ‏ ‏عائشة ‏ ‏قالت:
جاءت ‏ ‏ سهلة بنت سهيل ‏ ‏إلى النبي ‏ ‏صلى الله عليه وسلم ‏ ‏فقالت يا رسول الله إني أرى في وجه ‏ ‏أبي حذيفة ‏ ‏من دخول ‏ ‏سالم ‏ ‏وهو حليفه فقال النبي ‏ ‏صلى الله عليه وسلم ‏ ‏أرضعيه قالت وكيف أرضعه وهو رجل كبير فتبسم رسول الله ‏ ‏صلى الله عليه وسلم ‏ ‏وقال قد علمت أنه رجل كبير ‏ ‏زاد ‏ ‏عمرو ‏ ‏في حديثه وكان قد شهد بدرا ‏ ‏وفي رواية ‏ ‏ ابن أبي عمر ‏ ‏فضحك رسول الله ‏ ‏صلى الله عليه وسلم
الحديث ثابت وصحيح ولا ريب فيه . وهو في الصحيحين
البخاري ( 4000 ، 5088 ) ومسلم ( 1453 ) 0
............
وقصة الحديث تتلخص في
أن أبا حذيفة كان قد
تبنى سالما قبل أن يبطل التبني وصار كابنه تماما يدخل البيت وزوجة أبي حذيفة لا تحتجب عنه لأنه ابنها . فلما أبطل الله تعالى التبني صار سالم ـ وقد كبر ـ أجنبيا من " سهلة " امرأة أبي حذيفة التي جاءت تشتكي إلى النبي صلى الله عليه وسلم وتقول
إنَّ سالما كان أبو حذيفة قد تبناه يدخل علينا ونكلمه ، وقد بَطَلَ التبني ، فقال لها النبي صلى الله عليه وسلم : (( أرْضِعيه تَحْرُمِي عَلَيه )) 0
............
ولا شك أن سالما لم
يرضع مباشرة من ثدي امرأة أبي حذيفة كما يُصَوّر أهل الأفك
وفى شرح الامام النووى للحديث قال
( ‏قال القاضي : لعلها حلبته ثم شربه من غير أن يمس ثديها ولا التقت بشرتاهما , وبهذا الذي قاله القاضي حسن , ويحتمل أنه عفي عن مسه للحاجة كما خص بالرضاعة مع الكبر والله أعلم )0
...............
ومع ذلك فهذا الحديث لا يأخذ به لموقف سائر أزواج رسول الله صلى الله عليه وسلم
فزوجات رسول الله
رفضن مبدأ إرضاع الكبير
ألى جانب أنه حاله خاصه لا يصح أن تعمم
وبعد هذه الفتوى والضجة الاعلاميه التى حدثت بسبب هذة الفتوى
قامت جامعة الازهر بتشكيل لجنة برئاسة الدكتور أحمد عمر هاشم رئيس قسم الحديث الأسبق بالكلية
وعضوية عدد من أساتذة الحديث بالجامعة؛ لمراجعة الدكتور عطية عن فتواه وصرح
مصدر مسئول بالجامعة أن جامعة الأزهر كانت تستعد لاتخاذ إجراء مع الدكتور عزت
نتيجة فتواه المثيرة للجدل، كما أن رئيس الجامعة قد صمم على أن يكون هناك
اعتذار على تلك الفتوى
وبالفعل قام الدكتور عزت بكتابة الاعتذاروهذا نص الاعتذار بخط يد الدكتور عزت عطيه

*************

لقد قامت الدنيا ولم تقعد على الصحافة الدنماركية والغربية
لنشرها رسوما تسيء للرسول صلى الله عليه وسلم
وللاسف فإن بعض الفقهاء هم
أشد إساءة للرسول صلى الله عليه وسلم
وللإسلام من أعداء الإسلام إذ ينقلون فتاوى ما أنزل الله بها من سلطان
ان امثال
هذا الشيخ هم الذين يسيؤون للدين ولسمعة الأزهر ولكن الى متى ستظل هذة الفتاوى تخرج علينا بين الحين والاخر
من علماء وفقهاء الدين الذين اصبحوا يشكلون
خطرا على الدين الاسلامى
فكل يوم تخرج علينا فتاوى جديدة
مثل قرأة القرآن فى الحمام
واخر يقول ان شرب السجائر فى رمضان مباح ولا يفطر
واخرون كثيرا يخرجون كل يوم علينا بفتاوى غريبه

والله ورسوله برئ من هولاء
حسبنا الله ونعم الوكيل

****************************

63 comments:

.:.-=- ELGaZaLy-=-.:. said...

الشعب دة عبارة عن 70 مليون مفتى

و70 مليون دكتور بجد

ولما هوا عارف انة غلط بيتكلم من الاول ازاى


انا اليوين دول اتبهدلت

بجد كمية اسئلة بغباءءء

طول النهار بجد


يعنى الواحد اضايق واتخنق ...بيضربو الدعوة بنفسهم

ربنا يهدى

صاحب البوابــة said...

لقد قامت الدنيا ولم تقعد على الصحافة الدنماركية والغربية
لنشرها رسوما تسيء للرسول صلى الله عليه وسلم
وللاسف فإن بعض الفقهاء هم أشد إساءة للرسول صلى الله عليه وسلم
وللإسلام من أعداء الإسلام إذ ينقلون فتاوى ما أنزل الله بها من سلطان
ان امثال هذا الشيخ هم الذين يسيؤون للإسلام

-----------

ها انتي قد لخصتي الموضوع

تحياتي لمقالك القيم

ولقلمك المبدع يا أختى الغالية

Mohamed A. Ghaffar said...

هو انت تخصصك العملى ايه؟

khaled said...

فعلا ربنا يهدى ما يدعون بالشيوخ كثرت فتواهم وكثر جهلهم ومشاكلهم على العلم
ليس فقط مشكله فاتى الفته بتاع الرضاعه
ولكن مشكله شيوخ ايضا يظنون انهم الصواب
والباقى فى الخطأ ومشكله شيوخ عائشين فى الماضى كل كلامهم عن الماضى وانجازات الماضى
وقوه الاسلام ياريت يطلع منهم واحد يشدهم كلهم ونمشى وراه كلنا

مـحـمـد مـفـيـد said...

اولا / تحياتي علي البوست القيم هذا
ثانيا /
اصبح الافتاء مجالا لكل من هب ودب _أسف جدا للتعبير _ ولكن لابد من كل من يجمل هم الدعوه والافتاء يكون علي قدر مسئوليه ما ينطق به
ففي الاونه الاخير ه كثرت تلك الفتاوي والاكثر من ذلك
ان المفتي بدأ في الفتره الاخيره بالخروج علينا بفتاوي مثيره للجدل كثيراولكن سأنظر الي جانب اخر من جوانب تلك الفتوي يما هي اهميه اصدار مثل هذه الفتوي في هذا الزمن او التوقيت؟
كفي بلبله وكفي هراء
لابد من المنظور العلمي للدين الذي يحث علي التطور
في مواضيع اكثر اهميه واكثر حساسيه تعالج مشاكل العصر بدلا من فتح باب الاجتهاد

وأسف للاطاله

Ahmed taher said...

مع الاسف يا ريمو
قليلون هم صاروا الذين يغارون على هذا الدين
يعني مشعارف هو احنا ناقصيين فتاوي من النوع المتخلف ده مين الراجل اللي هيسمح لنفسه اصلا بشئ زي ده وفين السيدة المحترمة اللي توافق اصلا والله انها لفتوة تسئ الينا في هذا الزمن
الدين يسر ويناسب جميع العصور ولا يجب ان نكون كالحجارة ثابتين غير فاهميين لاصول ديننا الحنيف
ربنا يهدينا جميعا

أمــانــى said...

أختى العزيزة
للاسف الشديد تحارب الاسلام من الداخل
والله اللى انا اعرفه المؤمن كيس فطن يعنى اول ما الواحد يشوف او يسمع الكلام هيجليه حالة من القرف لانه طبعا لا يصح ولا يعقل
اللهم انصر الاسلام واعز المسلمين
يــااااااارب آمــــــــين

Diyaa' said...

تعرفي المثل اللي بيقولك
شايفني داقق العصفورة
الموضوع ده زي اللي يكون بيكلمك ويشاور بعيد وبعدين يقولك شايفة العصفورة
زعلت من اهتمامك بالهراء ده ..ميستاهلش تعب صوابعك في البوست
عموماً مقدرش أقول غير
ولسه ياما هنشوف وربنا يهدي الجميع

شيماء الجيزى said...

ريمووو

زى مقال الغزالى
احنا 70 مليون مفتى و70 مليون دكتور
بنوصف ونفتى على الفاضى والمليان
حتى اولوا العلم زى مبيسموهم
بقوا.....لا اولوا ولا يحزنون

بجد
لا تعليق

ياسمين said...

كلام فاضى وعبيط طبعا
الخلوة يجب ان تكون بين رجل وامرأة لا يحتمل ان يحضر بينهما ثالث
يعنى لا خلوة فى مكان العمل يا سيدتى
ولا ينطبق عليها شروط الخلوة المهياة لحدوث الوطء

كما ان الحجاب والعورة قصة كبيرة اصلا مش عاوزة أخوض فيها
لكن لى سؤال

من شرع عورة الرجل

اذا كان اكثر ما يغرى المرأة فى الرجل هو عضلات كتفيه وصدره
وعجبى

احمد رفعت said...

انا لا ادافع عن رأي الشيخ بس شايف اننا احياناً بنحتاج نشوف الراجل استند على ايه فبل ما نقعد نشتم فيه وبعدين يمكن يكون اجنهد واخطأ ..

انا ضد هذه الفتوى ولكني أؤيد التروي في الحكم عن الناس .

REEMOO said...

الغزالى
أنا معاك ان فى فتاوى كتير
بس المشكله فى الفتاوى انها تخرج من اهل العلم اللى هما المفروض يكونو هما الفيصل فى صحه الفتوى من عدمها فإذا خرجت منهم فمن سيكون الفيصل
ربنا يهدى الجميع
تحياتى
______________________
صاحب البوابه
للأسف ان اساء الاسلام وتشتيت المسلمين
أصبح يخرج من تحت ايدنا من علمائنا وفقهائنا
الموضوع من ابداع رحاب ولا أملك فيه سوى التعليق فى الاول
وان كنت مقتنعه بكل ما ورد فيه
تحياتى
______________________
محمد عبد الغفار
تخصصى العلمى؟؟؟
بكالريوس تجاره قسم محاسبه
ليه؟؟؟
______________________
خالد
المشكله ليست فى فتوى شيخ عايش فى الماضى او فى الحاضر
المشكله فى فتوى شيخ بيحلل ما حرم الله من باب الاجتهاد
والمشكله الأعظم هى ان يجد من يؤيده فى هذه الفتوى
ربنا يهدى الجميع
تحياتى

REEMOO said...

محمد مفيد
اعتقد ان اصدار مثل تلك الفتاوى فى مثل هذه التوقيت
وخاصه مع كثره من يحاربون الاسلام من جميع الانحاء
لا هدف له الا اثاره بلبله بين المسلمين
فانشغالهم بهذه الفتوى سوف يلهيهم عن الدفاع عن الاساء من الخارج
اعتقد ان الفتوى اكبر من مجرد اجتهاد
فهى لها الكثير من الابعاد السيئه
تحياتى
___________________
أحمد طاهر
احنا فعلا اصبحنا فى زمن قل فيه المسلمين
ليس هذا فقط لكن محاربتهم اصبحت الشغل الشاغل لكثيرون
ومعتقدش ان فى اى إمرأه مسلممه تحافظ على دينها أولا وتحترم نفسها ثانيا سوف تقبل بهذا الوضع
تحياتى
_____________________
أمانى
للأسف ان هناك بعض المسلمين من أيد مثل تلك الفتوى ولم يشعر بذلك القرف او الاشمئزاز من مثل تلك الفتاوى
اللهم انصر الاسلام واعز المسلمين
آمين يا رب العالمين
تحياتى
______________________
ضياء
مقدرش منشغلش بموضوع زى ده
لانه ببساطه أثر على مصداقيه علماء وفقهاء الدين اللى المفروض انهممرجع لينا فى فتواهم
الى جانب انه اساء الى نظره البعض الى المرأه المسلمه
الموضوع أعتقد انه يستفز اى مسلم مما يجبره على الخورج من صمته ورفضه
تحياتى

REEMOO said...

شيماء الجيزى
اتفق معاكى
لان فعلا أولو العلم اصبحو هم من يسيئون الى هذا العلم
ربنا يهدى الجميع
تحياتى
_____________________
ياسمين
انا طبعا مقدرش ارد على سؤالك فى حكم تشريع العوره لانى لست مؤهله لمثل تلك الردود
أما بالنسبه للخلوه فأنا اتفق معاكى فى ان لا خلوه فى مكان العمل
وحتى ان شمل الاثنين مكتب واحد وباب مغلق لكنه ما زال مكان عام لا خلوه فيه
تحياتى
_______________________
أحمد رفعت
أنا مش بهاجم الشيخ شخصيا أكيد
لكنى بهاجم فتوى أقل ما يقال عنها أنها تبيح الزنى تحت مسمى فتوى اسلاميه
وأعتقد انى ذكرت فى موضوعى تفاصيل الحديث وشرحه وهو ما استند عليه هذا الشيخ فى فتواه
الى جانب ان الشيخ نفسه اقر بخطؤه
وهو ما أثار الكثيرين عليه فلو كان مصدقا لما افتى به لما اعتذر وخاصه بعد أن أثار الكثير من البلبه والزعزعه بين المسلمين ما بين مؤيد ومعارض
أعتقد ان الاجتهاد لا يكون بإسأه للدين يا أحمد
تحياتى

ody911 said...

فى حديث عن الرسول صلى الله عليه وسلم
قال فيما معناه

أن فى عصر الفتن

تأتى الفتنه فترقق ما قبلها

حتى يقول الناس ما كانت تلك فتنه

إنما هذه هى الفتنه

حسبنا الله ونعم الوكيل

أ

shermen said...

حسبنا الله ونعم الوكيل فيهم
ده ايه التخلف ده
الناس دي مجانين

هو في ايه

Mohamed Samir said...

انتي عارفه ياريمو انا لما قريت الخبر ده جاتلي هستريا ضحك
يانهاااار هي وصلت لكده كمان
فعلا عندك حق فيه مسلمين بيهينوا الاسلام اكتر من اعداءه
تحياتي ليكي

Amr Ahmed said...

يا جماعة الموضوع بسيط

هي الفتوي عك انا عارف

بس الراجل غلط

خلاص مش كده يعني

احنا بقينا متربصين لبعض مش عارف ليه

ومين قال انه حد كان هيسمع كلامه

زحل الفلكي said...

فتاوي غريبة بتطلع
المهم اننا مناخدش فتوانا من اي حد كده
يعني اي فتوى نسمعها قبل منطبقهات ندور وراها طالما حاجه جديده

يعني مثلا الفتوى بتاعت البنوك دي
لو اي واحد فكر يدور في اي حته حيعرف انها فتو خطأ والله اعلم

بدون الخوض في احاديث جانبيه
كويس انه اعتذر
والمفروض يمنعوه من قول اي فتوى تاني

re7ab said...

اولا ميرسى ليكى يا ريمو على انك نزلتى البوست عندك ومع طريقه عرضك للموضوع فعلا بقى افضل كتير من عندى
تسلميلى يا قمر

ثانيا انا بس معلش ها ارد على كلام عمرو احمد
يا عمرو انت بتقول مين كان هايسمع كلامة
اول حاجة عايزة اقولها انها لو غلطة خرجت من انسان عادى محدش كان علق او اتكلم
لكن لما تخرج من عالم وشيخ من شيوخ الازهر ليه كتاب بيدرس لطلبه الازهر يبقى لازم نتكلم
لانه كدة بيبث افكارة الغلط فى عقول طلبه بيدرسلهم
يبقى من حقنا نعترض ونرفض ونعلق على كلامة
وبعدين هو ماتراجعش لانه مقتنع ان كلامة غلط
هو تراجع واعتذر لانه لقى نفسه فى وضع لا يحسد عليه مش اعتذار عن اقتناع
ومعلش يا ريمو لو كنت رديت على عمرو بس انا حبيت اوضح شئ معين

Rania said...

ريمو ؟
تعرفى ان احنا عندنا تقريبا 80 الف دار افتاء
يعنى كل واحد بيفتى بمزاجة
الناس حصلها ايه ؟
متعرفيش
تقريبا لاسعت
كل واحد يفتى بمزاجة
المفروض ان الشيوخ ودول اهل ثقة مش يقلوا كلمه غير اما يكونوا متاكدين منها ميه فى الميه
تحياتى يا سكر

LOJAIN said...

عندك شك ان فى تخلف زاد و غطى فى كل شىء و شمل ذلك الدين كمان كل من هب و دب يوعظ و يقول فتاوى , حتى المخولين بالفتوى اصبح عدد لا باس به منهم بين محابى و منشغل بالمناصب فيسهب فى امور الدين بحجة الدين يسر و ليس عسر او يقول حاجة للشهرة يتعرف بيها و بعد كده يعتذر فيبان محترم بعدها و تتناقله الفاضائيات بقى و الحسابة بتحسب و الشيخ الفلانى بيستعمل معجون اسنان ايه و صحته حلوة ليه و شرايطه و غيره غيه

بجد انا مش عارفة كان بيفكر فى ايه الراجل ده وهو بيفتى الفتوى دى
حسبى الله و نعم الوكيل

Regards:
Lojain :)

Diyaa' said...

هو كان في مصداقية أصلاً.. يا بنت الحلال
؟!
الناس دي بيدوسولهم علي الزرار يقولولهم ادولنا فتوي يطلعوا فتوي
مكنتش مؤمن بفتاوي حد غير الشعراوي ويوسف القرضاوي
عمرو خالد مش مفتي
وشيوخ الخليج أغلبهم معقدين والفقهاء الحقيقين مش بياخدوا فرصتهم
فمن الأخر اهتمامك كان اهتمام بالعصفورة ..تقريباً عشان يطبخوا انتخابات مجلس الشوري
ومفيش إهانة للمرأة المسلمة أصلاً...عارفة ليه ..لأن أي عيل صغير مش هيصدق الفيلم اللي عملوه رايح جاي ده
يعني الراجل قال فتوي وفي يومين رجع عنها ..دي فتاوي سلق بيض دي ولا إيه ؟
انا متنرفز ومش بتكلم بشكل علمي ..لأني مش بحب إنهم يتعاملوا مع الناس علي إنها عبيطة
بقي الإسلام اللي بيخلي الإبن يستأذن في الدخول علي والدته هيخلي الغريب يرضع منها ...إيه العبط ده يعني
المهم هو بوست واتكتب وأنا مكنتش بقول يتمسح أنا بقول علي المبدأ ..حاجات زي دي مش منطقية أصلاً عشان يترد عليها ..زي نوال السعداوي اللي بتقول ليه نتكلم علي ربنا بصيغة المذكر ..واحدة معقدة ومدفوع لها فلوس عشان تلعب معانا لعبة العصفورة ..نقوم الدنيا عشان نقولها إن ربنا مش مؤنث ؟!
كبري دماغك يعني ويا رب تكوني بخير
سلام عليكم

بنى أدم مع وقف التنفيذ said...

لاتهمتي بهم ..اهتمى بنفسك
الناس بتسوء صورة الدين

كراكيب عادل said...

استرها يارب

REEMOO said...

أودى
وللأسف اننا فى عصر كثر فيه الفتن
ربنا يستر من اللى جاى
كل فتنه بتبقى اكبر واصعب من اللى قبلها
ربنا يهدى الجميع
تحياتى

-----------------
شيرمين
الناس دى مش مجانين للاسف
الناس دى علماء وشيوخ
وليهم طلبتهم ومسمتعينهم
ولهم من هو مؤيد لفكرهم ومن هو معارض له
تحياتى
------------------
محمد سمير
اتفق معاك تمام
فالإساءه اصبحت تخرج من بين ايدينا
وللأسف اصبحنا لا نستطيع ان نرد ما تلقيناه قبل أن نصلح ما أخرجناه من فتاوى على هذه الشاكله
تحياتى

REEMOO said...

عمرو
تسمع عن المثل اللى بيقول غلطه الشاطر بألف
احنا مش متربصين لحد
بس لما الغلطه تبقى فى دينا أكيد غير مقبول الغلط فى مثل تلك الأمور
يعنى لما الغلطه تخرج من شيخ أزهرى له طلابه ومستمعينه
وللأسف أنه قد وجد من يؤيده
فده مش سهل ومش غلطه تتعدى بالسهل
لأنها لو عدت بالسهل أكيد هتتكرر كتير
لكن لو كان ليها وقفه من الجميع
فمعنى كده أن اللى يفكر يغلط غلطه زى دى تانى هيفكر مليون مره قبل ما يصدر فتوى تزعزع المسلمين مره تانيه
تحياتى
--------------------
زحل الفلكى
ماهو احنا مش بناخد الفتوى من أى حد
بس مصدر الفتوى المره مش أى حد
ده شيخ أزهرى دكتور فى الحديث الشريف
وأعتقد انه قبل الفتوى كان انسان موثوق فيه
وهى دى المشكله ان الفتوى مخرجتش من أى حد
تحياتى
--------------------
رحاب
ميرسى على ايه أكيد لو مكانش المضمون كويس مكنش الموضوع بقى كويس
من حقك أكيد تردىعلى أى حد لأن المضمون ليكى
إلى جانب ان انتى مسلمه فى الأول والآخر ومن حقك تعترضى على اى حد وعلى أى رأى
تحياتى يا حبى

REEMOO said...

رانيا
فعلا المفروض الشيوخ دول أهل ثقه
لكن من كتر الفتاوى اللى بتخرج علينا كل يوم والتانى
أصبحت الشيوخ دول بعيدين كل البعد عن الثقه دى
لأن كل واحد بيفتى فى الدين من منظوره الخاص واجتهاده الشخصى
مش من استناده على السنه والسلفيين
ربنا بجد يستر على المستقبل
تحياتى يا سكر
--------------------
لوجين
بتفق معاكى فى كل كلمه قولتيها
دولقتى المناصب والشهره طغت على كل شئ
كلواحد عايز يبقى مشهور ويتعرف وتتناقله الفضائيات
بس ده بجد بقى شئ مؤسف جدا
لأن العلماء دول رمز دينا
دول اللى المفروض يكونو قدوه للمسلمين
والقدوى دى بدأت تناهر
وربنا أعلم باللى هيحصل بعد كده
لما تنها القدوه دى تماما
تحياتى
-----------------

REEMOO said...

ضياء
ماهى المشكله ان الموضوع من وجهه نظرى ونظرك مكنش فيه مصداقيه
بس من وجهه نظر كتير جدا اقنعهم
طلبه الشيخ ومستمعينه مؤيديه
والناس اللى الفتوى دى جت على مزاجهم طبعا
والناس اللى عايزه تزعزع المسلمين وتعمل مشاكل ما بينهم علشان يبعدو عن نشر الدعوه ويلتهو فى مشاكلهم
الموضوع مش فتوى وعدت
الموضوع ان المحاربه للدين اصبحت من الداخل يا ضياء بعد ان كانت من الخارج
لو الفتوى دى خرجت من نوال السعداوى هقول انه اصلا ملهاش فى الدين
لكن لما تخرج من شيخ أزهرى معاه دكتوراه فى الحديث
فهنا تكون المشكله
مش كل حاجه الواحد يقدر يكبر دماغه عنها يا ضياء
فى بعض الموضوعات اللى بتجبر الواحد على الخروج من صمته وأخذ وقفه معها
اتمنى اكون قدرت اوصلك وجهه نظرى
تحياتى
----------------------
بنى آدم مع وقف التنفيذ
مقدرش مهتمش بناس بتسوء صوره الدين
لأنى فى الاول والأخر مسلمه
والإساءه دى لدينى
تحياتى
----------------------
عادل
ربنا يستر فعلا
شكل بكره ده هيبقى صعب جدا
تحياتى

Diyaa' said...

وصلت يا ريم بس أنا مقتنع بيها لأنك طيبة أوي بس ...بمعني إنك مش شايفة هو الفيلم ده حصل ليه واتصدمتي مني وبالتالي فهمتي إنهم بيحاربونا من الداخل
أولاً الحرب من الداخل دي تقدري تقولي إنها موجودة من زمان ..كفاية الناس اللي هتموت وتقنعنا إن الحجاب ملوش لزمة والناس اللي هتموت وتقولك إن الميراث فيه ظلم ..ودي ناس مسلمة ودارسة الدين بس بيستخدموه بالباطل وأنا مش هقول اسامي عشان مش فارقة
وكمان حرب الإسلام من الداخل بتحصل لما الانسان العادي فينا ينسي دينه واحدة واحدة ومش يزرع في أسرته إلا بعض الشكليات وبالتالي صورة الإسلام كمجتمع تبدأ تبقي مشوهة ..وزي ما انتي شايفة نكاد نكون غربيين خصوصاً في المجتمعات متطرفة الغني ومتطرفة الفقر
ما هو الفقرا برا بيسرقوا ويشربوا مخدرات ويزنوا وفي الأخر معتقدين إن ربنا معاهم


ثانياً..الفتوي طلعت من نكرة ...ومش هيصدقها حد لأني سألت ناس بسيطة أوي في الموضوع ...وتنحوا وكانوا هيتفوا في وشي ...وواحد بيلم الزبالة غلبان قاللي إذا كان الابن بيستأذن وهو بيفتح علي والدته الأوضة عشان ميشوفش جزء من عوراتها ...يبقي الغريب هيرضع منها ...هيغموله عينه عشان ميشوفش ..؟! الراجل البسيط اللي مش معاه ابتدائية سكت المحاميين اللي واقفين
ونسي يضيف حاجة..بفرض إنهم غموا عينه ومش شاف حاجة ولو إن ده افتراض هزلي أوي...هيمنعوا عنه احساس بجسم المرأة ازاي
يا بنتي أنتي طيبة وصدقتي إن الموضوع جد
دي لعبة غبية أوي بيعملوها في المخابرات وفي السياسة القذرة عموماً ...يطلعوا بحاجة تشغل الرأي العام وفي مليون مصيبة تانية بتحصل في الخفاء
وده اللي نرفزني لأن بني ادمين كتير طيبين أوي اهتموا بالموضوع لدرجة نستهم كل حاجة ..وانا بس كنت بقولك إنه اتفه من إنك تجهدي نفسك فيه بس جهدك مشكور وربنا يتقبل منك وأديكي شفتي إنه لحس كلامه في فترة بسيطة ..شيخ إيه ده بلا فقع
المهم أنا بعرض بس اللي بفكر فيه لكن أنا فاهمك كويس واتمني تكوني فهمتي إني مش بعترض أكتر ما بحاول أوصل تفكير زيادة كلنا لازم نفكر فيه

تحياتي أوي وأسف للملل اللي أنا فيه

sendbad said...

انا لا اعتبرها فتوي هذه دعارة واذا كان هذا الرجل يقبل ان يلقم رجل ثدي امراته او امه وواثق من فتواه فيامر زوجته ان تعري عوراتها غير الغليظة امام الناس
حسبي الله ونعم الوكيل

أُكتب بالرصاص said...

تسلم ايديكي
تناولت الموضوع من زاوية جيدة جدا..
وبصراحة كسبت معلومات جديدة

وانا كمان تناولت الموضوع دا من زاوية تانية خااالص
:)

Abdallah said...

ولكنني لا أريد ان أقول شيئا

نفسنا said...

تم أفتتاح العدد الأول من مجلة نفسنا
نتمنى منكم زيارتنا

•«ρяoιd»•™ said...

لا حول و لا قوة إلا بالله العلي العظيم

حسبي الله و نعم الوكيل

شئ متوقع من مفتي خاضع لرغبات الحكومه التي تخضع بدورها لرغبات الغرب في قلب مفاهيم الدين

و زي ما ده عمل

طنطاوي باشا قبله

حلل الخمر و الربا

ربنا يرحمنا يا رب

تحياتي

3asef said...

سبحان الله ما اكتر الي بحللو !!
احنا باخر الزمان
بس لو جينا لعقل المفروض احنا كمان ما نصدق كل فتوى ونفكر فيها بالعقل
سلام

esraa said...

بصي ياسيتي انت مش هتلاقي أكتر من الفتاوي هنا
اه والله
الشعب المصري يحب يفتي في كل حاجه
ويحب يسأل عن كل حاجه
انت قولتي صح حسبنا الله ونعم الوكيل

A.SAMIR said...

ريمو
ازيك اخبارك ايه؟
بوست من يوم الثلاثاء وانا معرفش؟
طب ادي كلاكس ولا حاجة
هي طبعا فتوى وطبعا اثارت بلبلة واعتراضات كثيرة جدا
بس بعد ما الرجل اعتذر والموضوع اخذ في الهدوء
توقعي ياريمو افلام كوميدية على الموضوع دة بس الازهر توافق على الافلام دي
ودي حتة افحت مني مجدعة
تحياتي واحتراماتي

قلوب حائرة said...

واللهي يا ريمو يا اختي من ساعة ما اشتغلت في القسم الديني وانا مش بستغرب من اى فتوي بتطلع حاسة انها بقت عاملة زي الاقتتال الداخلي في فلسطين معنتش بستغربه نفس الحال للفتاوي بقيت اعمل تقارير كل شوية عن كل فتوى بتطلع وخلاص لما دماغي قربت تقف

may said...

said...
لقد قامت الدنيا ولم تقعد على الصحافة الدنماركية والغربية
لنشرها رسوما تسيء للرسول صلى الله عليه وسلم
وللاسف فإن بعض الفقهاء هم أشد إساءة للرسول صلى الله عليه وسلم
وللإسلام من أعداء الإسلام إذ ينقلون فتاوى ما أنزل الله بها من سلطان
ان امثال هذا الشيخ هم الذين يسيؤون للإسلام


علي رايك يعني دول مش مسلمين
واللوم عليهم مش هايبقي زي ماهنلوم
علي حد بيستغبي مننا
عيب اوي بجد اللي بيحصل ده
مش كل شويه الحكايه دي
كل فتره حد يطلع فتوي عجيبه
مش فاهمه ايه قصدهم من كده
يتشهروا مثلا ولاايه
ولاهيا بقت شغلانه اللي ملهوش شغلانه
وحسبي الله ونعم الوكيل

e7na said...

اثارتك للموضوع ضروريه لانها ايضا شغلت الاعلام فى الفتره اللى فاتت بس بالتاكيد هى مش محتاجه اراء هو اللى يستحق التعليق ليه الفتوى فى الوقت ده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

MQabbani said...

تمنيت اني قرات مقالك قبل الأن
فقد كتبت شبيه لما كتبتي

بطريقة مختلفه حبتين , بس نفس المحتوى

:)

تحياتي لك

lockash said...

الحديث او المقف مع انه ضعيف و مشكوك في صحته و في الرواه. و الناس اللي فسرته بالكبير مش المفتوم .و الكل الحكاوي.. هيفيد دينا في ايه او هيخلي اسلامنا يكبر جواناازاي.التفاهه والهيافه اللي الشعب بيهيص فيها دي هي اللي جايبانا ورا و مخليانا متخلفين و اسفل السافلين بين الأمم..نشغل الناس التافهه بأيه و نخليهم بعيد عننا و عن مشاكل البلد و لقمة العيش. اديهم موضوع هايف زيهم ينشغلوا فيه.و الدنيا تقوم و تنقلب.زي حاجات تانيه كتير بتطلع لينا.ايه اللي يهمنا او هيغير في دينا لما نعرف ان الصحابه كانوا بيشربوا بول الرسول عليه الصلاة والسلام.لما واحد غير مسلم يكلمنا في حاجه زي دي نرد عليه ازاي.البخاري وكتب الحديث مليانه حاجات مدسوسه واسرائليات انحطت فيه بالألافات و الشيوخ عرفين ده و محدش فكر يجمع الحاجاتدي و يجتمعوا و يشوفه يشلوها او ياخدوا المتفق مع القرءان و يسيبوه.انما فيه ناس شغلتها تحفر في كتبنا و يطلعوا حاجات زي دي ييشتتونا و يخربوا عقلنا و الناس اللي اسلامها ضعيف بيجروا ورا الحاجات دي دون تفكير و نشتكي بالتخلف والأرهاب و يسألوا بيجوامنين.. شوفتوا الغرابه يااه..

FTM said...

ازيك يا ريموو, زى ما قال كل اللى علقوا قبلى الكومة عاوزة تفضل شغلانا على طول بالحاجات اللى تبعدنا عن النهب و السرقة و المواد المسرطنة و العمالة و الخيانة..الخ
و ما فيش حد يساعدهم اكثر من شيوخ جهلاء

تحياتى لكى و لقلمك يا عزيزتى

zordeak said...

حسبنا الله ونعم الوكيييييل

:(

Rosa said...

هنقول ايه غير حسبنا الله ونعمى الوكيل
مرسي ريمو على الكتابه في الموضوع بالكامل
بجد مش لاقيه كلام غير حسبنا الله ونعنى الوكيلا ولا حول ولا قوة الا بالله

يا مراكبي said...

إن وجدنا طبيبا يجهل أن التدخين مضر بالصحة .. فهذا خلل ليس بالسهل أبدا .. لأننا متأكدون من ان الطبيب بل وطالب كلية الطب يعرف هذه المعلومة البسيطة جدا

وهكذا في الدين .. أن تصدر فتوى من عالم وحاصل على الدكتوراه وهو أعلم منا بتفاصيل ديننا وتبعات التصدي للفتوى .. فهذا جرم عظيم

لم تصدر الفتوى من شخص نكره وتصدى يوما للخطابة أو الإفتاء .. لكنها جاءت ممن نرجع إليهم في أمور ديننا .. لذا فمصابنا عظيم

اللهم لا تجعل مصيبتنا في ديننا

REEMOO said...

ضياء
أنا عارفه أن الحرب من الداخل موجوده من زمان
ومش هو ده اللى خلانى اتصدمت
أنا اتصدمت من المستوى اللى وصلناله فى الفتاوى
بدأنا بالظواهر واتجهنا للبواطن
بعد ماكانت على شرب سيجاره بقت فى الرضاعه
وبعدين الفتوى مطلعتش من نكره يا ضياء
ده شيخ ودكتور من الازهر الشريف
عالم وله تلاميذه ومستمعيه ومؤيديه ومعارضيه
مش واحد ماشى فى الشارع طلعها
علشان كده الموضوع كان لازم يتناقش علشان الفتوى دى والاعتذار اللى تلاها ده شكك فى مصداقيه علماء الدين فى فتواهم
أنا فاهمه انك مش بتعترض
بس أنا حابه أفهمك ليه أثرت الموضوع ده
تحياتى
------------
سندباد
أنا بتفق معاك
وفعلا ذكرت فى البوست ان هذه الفتوى أقل ما يقال عنها انها تبيح الزنى
تحياتى
------------
عبدالله
مش فاهمه تعليقك
ممتنع عن الكلام فى الموضوع
ولا مش لاقى اللى تقوله؟؟

REEMOO said...

نفسنا
ان شاء الله هزور المدونه
تحياتى
-------------
رامى
للأسف ان الواحد مبقاش عارف مين خاضع لمين
ومين عايز يدمر ومين بيصلح بجد
كل الأوراق اختلطت
وأصبح غير المتوقه هو الاحتمال الأكبر فى الحدوث
تحياتى
-------------
عاصف
فعلا مفيش أكتر من اللى بيفتو
كل واحد بيطلع فتوى
أعتقد ان الدين بعد كده يبقى كل واحد واجتهاده
بدل ما يتوه وسط فتاوى الشيوخ
تحياتى

REEMOO said...

اسراء
فعلا عندك حق
احنا 80 مليون مفتى
كل واحد ليه فتواه ودماغه
ومقدمناش اننا نقول غير
حسبنا الله ونعم الوكيل
تحياتى
-------------
سمير
انت اللى مش بتيجى كتير
علشان كده الاخبار مش بتوصلك بسرعه
أنا فعلا متوقعه الكثير
مبقاش فى مقياس محدد دلوقتى للى ممكن يحصل
وميرسى على مجدعتك فى الفحت
تحياتى
-------------
قلوب حائره
انا كمان بقيت متوقعه خروج فتوى كل يوم
بس للأسف وصلنا فى مرحله متدنيه جدا من الفتاوى
مش عارفه هتوصلنا لفين
تحياتى

REEMOO said...

مى
ماهو ده اللى الواحد بيقوله
بدل ما نلوم على الناس الغريبه ونقول بيسيئو للاسلام
نبص على حالنا ونشوف احنا حاطين الاسلام فى أى مقام
وأخره فتاوينا وزعزتنا للمسلمين هتوصلنا لفين
فاقد الشئ لا يعطيه
-------------
احنا
بتفق معاك فى نفس السؤال
ليه الفتوى دى فى التوقيت ده بالذات
وليه زعزه المسلمين وتشتيت انتباهم يبقى فى التوقيت ده بالذات
تحياتى
-------------
Mqabbani
أنا هشوف مقالك
وسعيده بزيارتك
تحياتى

REEMOO said...

لوكاش
الشيوخ مش فاضيه انها تجمع الاحاديث الصحيحه
هما فاضيين يفتوى فتاوى تضيع المسلمين
وتخلى الناس تنشغل فيها
وبدل ما كنا بنحارب بره
بقينا نحارب جوه وبره
ونرجع نقلو الامسلمين اسلامهم ضعف ليه
ازاى هيقوى وهما مزعزعين فى دينهم
تحياتى
-------------
ftm
وفعلا للأسف نجحو فى انهم يلمو الناس
ويشغلو حياتهم بفتاوى غير صحيحه
وللأسف ان بعض الشيوخ كان الوسيله لذلك
تحياتى
--------------
أحمد
حسبنا الله ونعم الوكيل فى كل من يحاول زعزعه المسلمين والاسلام
تحياتى

REEMOO said...

روزا
لازم تناول الموضوع من جميع الجوانب
حتى يتم توضيح خطأ وكبر اثم ما حدث
تحياتى
--------------
مراكبى
بتفق معاك تمام فى ان ما حدث جرم لا يغتفر
لان الفتوى مصدرتش من شخص نكره
لن يجد من يستمع له
لكنها من شيخ للاسف وجد تأييد لما قال
آمين يا رب العالمين
تحياتى
---------------

dead man said...

مش عارف ليه كل ما شيخ يطلع فتوى وتتهاجم يرجع ويقول الفتوى دي مش بتاعتي وانه مطلعها من فتاوى أحد الأئمة السابقين

لما هي فتوة قديمة بيطلعها ليه.. ده غير أن الشيخ ده بتاع حديث مش فتوى

ذو النون المصري said...

كل ما اسمع مثل هذا الكلام اترحم علي روح الشيخ محمد الغزالي الله يرحمه
قال
ان الاسلام قضيته رابحه لكنها في يد محامي فاشل
و هذه هي الحقيقه فعلا
لان المحامي فعلا فاشل
و هو سبب خسارتنا للقضيه
تحياتي

ذو النون المصري said...

ازاي احط لينك افحت في المدونه و كمان ازاي اصوت لصالح اي شخص في الموقع
افحت؟

truelove said...

لاحول ولاقوة الابالله ..خلاص كل شي حلناه ومبقاش الا مشكلة الخلوة والاختلاط حسبي الله ونعمة الوكيل

رينـــــــــــا said...

الفتوة دى لسه فى ناس متمسكه بيها!!!!
الموضوع دا انا سمعته من فترة طويله
هو لسه مخلصش!!!
هى مش الناس صوتها اتنبح تشرح ان الحديث دا كان حاله خاصه
الرسول اقرها فقط ابى حذيفه!!!

ان لله وان اليه راجعون
الدنيا بقت كوسه
فعلا الرسول قال ان هيأتى علينا زمن العلماء هيكونوا سبب فى دخولنا النار
انا مش فكرة نص الحديث للاسف

ربنا يخرجنا منها على خير
القابض على دينه كا القابض على الجمر
وعلى فكرة اللى احنا فيه دا
من وجهه نظرى بيخلى طلب العلم الشرعى فرض علينا كلنا
علشان الناس دى متتلاعبش بينا
ولو احنا عندنا عقل
فى ناس كتير عقلهم على ادهم وبيسمعوا وينفذوا وبس

ربنا يسترها معانا

حزيــــــــــــــــــن said...

المشكله الاكبر من انه قال الحديث غلط او فسره غلط اننا اصلا مكناش محتاجين للموال ده من اصله ... خلاص يعنى مفاضلش فى دينا غير ازاى يعالجو خلوة الرجل بالمرأة والرضاعه والكلام الفارغ دا طب ما يخلوا الرجاله فى مكاتب والستات فى مكاتب وبعدين هى فى بردو واحده وواحد بيكونوا فى مكتب لوحدهم ومقفول عليهم باب

DR_NIGHTWING said...

أنا فعلاً كنت شفت الموضوع ده في برنامج اليوم السابع مع محمود سعد

وكنت قاعد مش مصدق اللي بيحصل مش عارف اذا كنت اترمي على الارض من الضحك ولا اعيط من اللي بيحصل

بس الشيخ اتحول للتحقيق ولازم يكون فيه رقابه بجد عشان الدين مش لعبه

smraa alnil said...

لحد هنا وكفاية بقي
حسبي الله ونعم الوكيل فيهم
انا عايزة افهم ايه يعني الغرض من هذه الفتوي
الا يعتبر ثدي المرأة من ضمن الغرائز واللي تثير الشهوات
وهو في اعتقاده ان عندما يرضع الرجل من ثدي زميلته ان ذلك كافي بردع الشهوة
الله يخربيوتهم يارب
ولا هو عايز نبقي كلنا اخوة ونبقي جمعااااااااااااء

REEMOO said...

dead man
هو مش بيرجع فى كلامه علاشن هى قديمه
هو بيرجع علشان بيلاقى هجوم عليه
وهو بيكون مش قده وعارف ان فتواه غلط
فبيجارى الريح زى ما بيقولو
تحياتى
---------------
ذو النون
فعلا عنده حق الشيخ الغزالى
ان الاسلام قضيته رابحه لكنها في يد محامي فاشل
ربنا يستر من على المستقبل

تفاصيل موقع افحت هتلاقيه فى الموقع
تحت بنجد اسئله شائعه
ادخل عليها هتلاقى الكود وطريقه وضعه وطبيعه الموقع
تحياتى
----------------
truelove
فعلا مشاكلنا كلها اتحلت وبقاى بس الخلوه ازاى نخليها شرعيه
حسبى الله ونعم الوكيل
تحياتى
-----------------
رينا
ماهى دى المشكله ان الفتوى لقت مؤيدين ليها ورغم ان مقرها اعلن خطؤه واعتذر الا ان فى ناس متمسكه بيها وكأنهم ما صدقو
أنا اصلا من بدرى مؤمنه ان فتوى العلماء لا فائده لها وان اجتهاد المسلم نفسه فى معرفه دينه ممكن يكون افضل كتير من اتباع فتاوى العلماء
تحياتى

REEMOO said...

حزين
هو ده الى حصل فعلا الشيخ فسر الحديث بطريقه غلط جعله من حديث خاص لحاله منفرده الى فتوى عامه تشمل الجميع
تحياتى
------------------
DR_NIGHTWING
الشيخ اتحول للتحقيق بعد اثاره الفتوى
لازم الرقابه تكون قبل اصدار ذلك النوع من الفتاوى الحساس بالنسبه للمجتمع
تحياتى
------------------
سمرا
جمعااااااااااء
جمعااااااااااء
ماهو فعلا الفتوى دى بتبيح الزنى بس تحت مسمى فتوى
لانى فعلا الثدى عوره اولا ثانيا مثير للغرائز
واحنا بشر ومفيش حد ملاك
تحياتى