Monday, May 07, 2007

كلمه شكر


أنا بجد سعيده جدا
رغم انى كنت من يومين فى قمه حزنى
بس سؤال الناس عنى واهتمامها بيا وبانها تساعدنى فى محنتى بجد اسعدنى جدا
وخلانى اكتشفت انى بجد وسط عيله جميله
وقلوبها أجمل
......................

البوست ده انا منزلاه لسببين
أولا: علشان أطمن ناس كتير جدا سألت عليا
وكانت قلقانه بسبب البوست الاخير اللى كنت نزلته
واللى كان بسبب حاله احباط وإكتئاب كنت بمر بيها الفتره اللى فاتت دى
أنا الحمدلله كويسه اوى وبقيت احسن كتير وسعيده بجد
الحمدلله على كل حال
ثانيا :لأن فى ناس بجد انا عايزه اوجه ليها كلمه مخصوص
اقل ما يقال عنها انها كلمه شكر
لانها شكر وعرفان بجميل وامتنان ليهم
لأنهم وقفو جنبى فى وقت كنت محتاجه فيه لايد تطبطب عليا وحد يسمعنى ويفهمنى
فى منهم اللى اصدقائى وبحبهم اوى
وفى اللى معرفهمش شخصيا ولا كنت اعرفهم قبل الموقف ده
بس بجد اهتموا وسألوا ووقفوا جنبى وكأنهم اصحابى من زمان
.......................


هبه و أوما
انتوا الإتنين بجد مش عارفه أقولكم ايه
ولا بجد عارفه اوصف شعورى ناحيتكم
اللى عملتوه ليا كان فعلا جميل اوى
واهتمامكم بانى اخرج من حاله الاكتئاب والإحباط دى
وزيارتكم ليا ونزولكم المنصوره مخصوص علشانى
بجد اسعدنى جدا
وفرق معايا كتير وكان يوم جميل بجد
وكان سبب رئيسى انى اخرج من الحاله اللى كنت فيها
انتو فعلا اتنين جمال اوى وقلبكم كبير
ربنا يكرمكم يا رب
أنا بجد بحبكم جدا
ويارب يديم الصداقه بينا طول العمر
........................

رحاب
سؤالك عليا والرسايل الأوف اللى سيبتهالى بجد فرحتنى جدا
أنا عارفه انك لو كان فى ايدك اكتر من كده كنتى عملتى
وسؤالك ده وقلقلك عليا بجد كأنك جيتيلى
انتى فعلا طيبه اوى وانا بحبك اوى
وربنا يديم الصداقه الجميله دى بينا يا رب
.......................

أحمد رفعت
عم أحمد الجميل أوى
انا بجد مش لاقيه كلام اقولهولك
وبجد أى كلمه شكر مش كفايه على وقفتك جنبى
رغم اننا مكناش نعرف بعض قبل كده
ومهما إتكلمت عنك مش هوافيك حقك بجد
انت إنسان جميل اوى وقلبك طيب فعلا
اهتمامك بجد وايميلاتك اللى بعتها وكلامك معايا كان حافز كبير اوى ليا
صدقنى ادانى امل جديد وشجعنى انى مش ايأس لان دايما فى امل
وبجد وقفتك جنبى عرفتنى ان ممكن ناس تساند ناس
وتساعدهم وتقف جنبهم وتهتم بيهم
حتى لو مكانش بينهم سابق معرفه
وان الدنيا لسه بخير وفيها حاجات جميله كتير
انت بجد صديق غالى عندى جدا
وعمرى ما هنسى اللى عملته معايا فى يوم
ربنا يكرمك يا رب علشان انت فعلا تستاهل
......................


ياسمين
رغم إننا متكلمناش كتير وكنا مش عارفين اوقات بعض على النت
بس ايميلاتك بجد حسستنى قد ايه انتى طيبه وجميله
واهتمامك بمساعدتى وايديك اللى مدتهالى عمرى ما هنساها ابدا
انت فعلا من احسن الناس اللى قابلتها فى حياتى
وقلبك وتفكيرك وعقلك ونضجك مثال يحتذى بيه لاى بنت فعلا
ربنا يخليكى لبناتك ويكرمك يا رب
........................

ضياء
او هقول ذو العقل الجميل والقلب الاجمل
انت بجد انسان رائع وايميلاتك ومساندتك ليا عمرى ما هنساه
انت اكتر واحد بجد فهم مشاعرى واحساسى
لانك يمكن مريت بنفس التجربه والاحساس
وده خلانى اخرج اللى جوايا وافضفض بكل اللى عايزه اقوله
انت فعلا صديق عزيز عليا بعتز بصداقته جدا
ربنا يكرمك يا رب ويحققلك كل اللى بتتمناه
...................
معرفتى بيك واهتمامك ومساندتك ليا وكلامك معايا
بجد أثر فيا جدا وحسسنى أد ايه الدنيا فيها ناس جميله زيك
والادعيه اللى بعتهالى وكلامك اللى زى البلسم
فعلا ريحنى جدا
أنا سعيده بمعرفتك وبصداقتك
ربنا يديم صداقتنا ويكرمك يا رب
........................

كل اللى بعتلى ميل يطمن فيه عليا
وكل اللى سابلى كومنت فى البوست اللى فات
انتم بجد كنتم سبب سعادتى فعلا
وكان اهتمامكم سبب رئيسى انى اخرج من الحاله دى
وارجع ريم تانى اللى الناس تعرفها
وأنسى اليأس اللى كان سيطر عليا
سعيده جدا بتواصلكم
وبجد شكرا ليكم واحد واحد
شكرا
.................

55 comments:

heba labeb said...

ممكن اقولك بحبك(k)
ريمو بجد انتى متتخيليش فرحتى بجد قد اية
بجد حاسة انى فرحانة اوى وانك خلاص فعلا فهمتى كلامنا واقتنعتى بية
وانك هترجعى ريموتى بتاعت زمان الى بجد بحب كل تفاصيلها
ربنا يخليكى ليا يارب وبجد انتى اختى مش بعتبرك صاحبتى
وانا عارفة ان رورا كان نفسها تبقى معانا
بس ان شاء الله متعوضة
وعايزة اشوف ضحكتك دايما
عشان ضحكتك حلوة بجد
بعاكسك تانى==

وربنا ما يحرمنا من بعض ابدا ونفضل اصحاب لاخر العمر
بحبك اوى(k)

Reemo said...

انتى بتعاكسنى يا هوبا
يا كثوفى :))))
انتى عارفه انا كمان بحبك قد ايه
وياريت بجد رورو كانت معانا
بس متعوضه ان شاء الله فى الصيف
ربنا مش يحرمنى منك
ونفضل اصحاب لاخر العمر

Diyaa' said...

حمد الله علي السلامة ..أيوه كده الواحد يبدأ يومه بأخبار جميلة ..وشكراً يا هبة ويا أوما عملتوا اللي كان لازم كل الناس تعمله بس أنتوا كفاءة بسم الله ما شاء الله عليكم ..ضبطتوا البنية ومبقاش في نفسها حاجة
عشان تعرفي يا رييمو إن ميجيبها الا بناتها
حمد الله علي سلامتك تاني

محمد عبد الغفار said...

الصديق وقت الضيق

الحمد لله انك بخير

FemTo said...

حمدا لله على السلامة ..وان شاء الله تفضلى فرحانة علطلول..محدش واخد منها حاجة :)

THE BIG LOSER said...

ايوا كدا ياشيخة
افرحى وهزرى
هيا الدنيا كدا تبان انها وحشة اوى بس بعد فترة لما بنلاقي ناس قربت مننا اكتر وحاجات كتير راميناها ورا ضهرنا بتبقي احلي بكتيييير
ربنا يخليكي لهوبا
ويخلي هوبا ليكي
وصدقيني بجد مفيش حاجة اغلي في الدنيا دى من الصديق الحقيقي اوعو تفرطو في بعض ولا تزعلو من بعض
مبقتش حاجة سهلة انك تلاقي صاحب بجد يحبك ويخاف عليكي
وبعدين كفاية زعل بقا واكتئاب وفكيها ربنا يفكها عليكي

khaled said...

سلامتك يا ريمو والله لو اعرف بالحادثه دى
كنت قدمت كل المساعدات والمسندات



بس يا شيخه سيبك


اهم حاجه تكونى كويسه دلوقتى



يارب يا ريمو يا بنت ام ريمو تبقى مبسوطه على طول

•«ρяoιd»•™ said...

طيب الحمد لله

و يا رب الحاله دي مش ترجعلك تاني

تحياتي

shermen said...

حمدالله على سلامتك يا ريمو يا قمر
أيوه كده أرجعي ريمو بتاعت زمااااان
أنا مبسوطه اوي انك فوقتي من الاكتئاب


وهفرح أكتر لما تيجي عندي مدونتي

سلام يا قمر

Marwa Friday said...

ريموووووووو الجميلة
يارب يكفيكي شر الاحزان المتوحشة وتبقى ارق واجمل ريمو فى الوجود ده كله يا عسولة..اضحكي اضحكي ..مافيش حاجة تستاهل والله ..ولا اقولك على رأي ضياء في حاجات تستاهل برضه ..بس ان شاء الله اعراض جانبيه وهتبقى فل وعسل بإذن الله ..تحيااااتي ..! ا

محمد صلاح العزب said...

يارب يا ريمو تكوني بخير دايما

محمد صلاح العزب said...

أسعد الله كل أيامك يا ريمو
أنا لو اعرف كنت سافرتلك من النجمة
خلي بالك من نفسك

re7ab said...

انا كمان بحبك اوى اوى اوى يا ريمو
و بجد مبسوطة اوى اوى انك رجعيتلنا تانى انا بجد كنت مضايقه اوى علشانك وكان نفسى اعمل اى حاجة تخرجك من اللى كنتى فيه بس الحمدلله ان بوبا واوما عملوا اللى كان اى حد فينا بيتمنى يعمله
واللى اتعمل دا يا ريمو واجب مش محتاج انك تشكرينا اولا لان احنا اصحاب واخوات وده واجب الصداقه اللى بينا وثانيا لان انتى انسانه جميلة اوى وكان لازم نكون معاكى فى اللى كنتى فيه بس الحمدلله يارب انك خرجتى من اللى انتى كنتى فيه انا فعلا مبسوطة اوى اوى
كان نفسى اكون مع اوما و هبه بس انتى عارفة الظروف بس بأذن الله نتقابل ونتجمع مع بعض قريب بأذن الله
وربنا يديم يا رب الصداقه والحب اللى بينا كلنا يارب
بحبك اوى يا ريمو (k)

Rania Lelah said...

حمدلله على السلامة يا قمر
ايوة كدة ارجعى زى الاول
وحشتنينا يا قمر
و يا رب يجعل كل ايامك هنا و سرور
تحياتى

انا اللى بالامر المحال اغتوى said...

ازيك ريموو
اتمنى تكونى بخير وخليكى متفائله ديما
لا ياس يسكننا فان كبر الاسى وطغى فان يقين قلبى اكبر
خلى يقينك بالله اكبر من اى شئ وبيكفى حب الاصحاب والناس بيخلى الواحد ديما متفائل وحاسس انه فى امل
اذا لاح عسرا فارجو يسرا فان قضى الله انه له فى كل يوم فى خليقته امر
ربنا يوفقك ويارب ديما نسمع عنك كل خبر حلو:)

Reemo said...

ضياء
بصراحه مش هبه واما بس اللى مقصروش
انت كمان مقصرتش بجد معايا
ايميلاتك كان ليها جانب كبير فى انى اخرج من صمتى
ربنا يكرمك يا رب
الله يسلمك
تحياتى
___________________
محمد
فعلا الصديق وقت الضيق وده اللى اكتشتفه وقدرنى انى اخرج من المحنه دى
انا هسميك بعد كده رجل المختصر المفيد
الكومنت دائما ما يكون مختصر مفيد :)))
تحياتى
____________________
فيمتو
الله يسلمك يا رب
انا كنت سعيده بجد بسؤالك
ربنا يكرمك يا رب
تحياتى
____________________
أحمد
بجد فعلا دايما اللى بيتبقى للانسان الصديق والناس اللى بتحبه
ربنا يخليك ويكرمك يا رب
معلش مقصره فى انى ازورك
بس متعوضه
تحياتى

Reemo said...

خالد
الله يسلمك يا رب
ميرسى بجد على الدعوه
وبجد كأنك ساعدت بجد
ربنا يكرمك
تحياتى
_____________________
رامى
يارب مش ترجع تانى ولا تصيب اى حد
ربنا يخليك
تحياتى
_____________________
شيرى
الحمدلله انى رجعت احسن من الاول كمان يا قمر
وانا زورتك يا حبى
وسيبتلك كومنت
ربنا يخليكى ليا
تحياتى
_____________________
مروه الجميله
بجد فعلا مفيش حاجه مستاهله
كفايه على الواحد حب الناس
أنا مبسوطه اوى بالكومنت ده
وانتى اللى عسل ورقيقه بجد
ربنا يوفقك يا رب
تحياتى

Reemo said...

محمد
ربنا يسعدك يا رب
انا عارفه بجد انك لو كنت عارف مش كنت هتقصر
انت كمان خلى بالك من نفسك
ربنا يخليك ويكرمك
تحياتى
________________________
رورو حبيبه قلبى
انا عارفه بجد يا حبى انك لو كنت تقدرى كنتى هتيجى
وبجد كفايه عليا قلقك ورسايلك وكلامك اللى زى البلسم ده
انا بحبك اوى بجد
يارب يديم الصداقه بينا
وربنا يخيليكى ويسعدك دايما
luv u (K)
__________________________
رانيا
الله يسلمك ويخليكى يا رب
انتى كمان وحشتينى اوى
انتى فين مش عارفه اوصلك خالص
ابقى سسيبلى اوف طمنينى عليكى
ربنا يكرمك يا رب
تحياتى
___________________________
آيه
جميل اوى الكومنت بتاعك
ضاقت فلما استحكم حلقاتها فرجت وكنت اظنها لا تفرج
ميرسى اوى يا آيه بجد
ربنا يكرمك ويسعدك
تحياتى

LOJAIN said...

سلام عليكم
ازيك ياريم
انا متابعاكى و بقرالك من زمان بس دى اول مرة اعلق عندك
حمد الله على السلامة يا قمر مرة تانية
دنيا غروورة واهو دور و داير على الخلايق يا سيد احمد...:)

بس الشدة للجدعان يابت ولا يهمك, كله فى شوزك :)))

ومش كنتى تقولى انك من المنصورة
داحنا بلديات يابنتى
كنت اول واحدة هخدك على البارون و لو عايزة تاكلى الاول تشيكين فاهيتا فى كوك دور معنديش مانع,, طول مانتى بتدفعى وهتجيبلى معاكى انا اشيلك فى عونيا يا عسل :)))

ابقى تعالى زورينى و ياريت نبقى اصحاب

Regards:
Lojain :)

bastokka طهقانة said...

كويسة دلوقت؟
الحمد لله
سلامي
و
اوروفوار

dead man said...

حمد لله علي سلامتك

عود احمد

Diyaa' said...

ربنا كرمني بكلامك ده
يا رب تكوني بخير دايماً ..وبرضه مصمم إنهم عملوا الواجب
بس نيابة عننا بقي
يلا خلينا نشوف الكلام الجامد بقي

Anonymous said...

ريمووووووووووو الجميل
حمدالله على السلامه يا جميل
اهو كده بلا هم بلا غم بلا كلام فاضى
:)
ربنا يديم المود الحلو دايما
وهبه واوما.. لا جدعااااان
سلامى للجميع
:))))

قنديل said...

بلوج لطيف.. أسعدني المرور
وحمد الله علي السلامة

AHMED SAMIR said...

ريم
احنا نعتبر من طبقة المثقفين في البلد دي
وانتي عارفة طبعا ان الطبقة دي بتمثل اقلية ساحقة ماحقة في الزمن اللي احنا فيه
واكيد لما واحدة زيك في حضورك تغيب والناس تحس ان ورا غيابها شيء مش خير يبقى لازم الكل يقلقوا عليها
عموما
العود احمد وربنا يوفقك
تحياتي واحتراماتي

Amr Ahmed said...

حمد الله علي السلامة

ربنا يوفقك ويفك عنك

أمــانــى said...

السلام عليكم
انا اولا مش شايفة ليها لازمة الشكر ده ده واجب طالما قررنا اننا نكون اخوات فده يبقى واجب علينا
والحمدلله انك بخير ويااااااااارب دايما وربنا يكرمك ياااااااارب امين

أسوور said...

والله لقد دمعت عيناى
لم أعرف شخص مثلك فى حياتى
هل تعتبرين فعلا مجرد بضع ايميلات وحوار قصير قطعه انقطاع الكهرباء فجاة جميلا واهتماما
اذا كنتى تعتقدين هذا بالفعل وتشعرين انك تدينين لى بشكر فأنا أهنئك بالفعل على انسانيتك الراقية ومشاعرك الرقيقة وحسك المرهف وتضحياتك التى تتضاءل بجانب أى شىء قد يقدمه لك أى شخص فى هذا العالم كائنا ايا كان
بجد انتى تستحقين الحب .. كل الحب

شيماء الجيزى said...

ريمو
ربنا يخليلك اصدقائك انا فرحانه بيهم بجد
بجد ربنا يحميكى وتبقى سعيده على طول
بحييهم على حبهم ليكى
تحياتى يا قمر

BaTresYa said...

حمدلله على سلامتكـ والدنيا ما تستهلش نزعل وندايق فيها ..بس للأسف هي بترغمنا على كده...ربنا يبعد عنك الاوقات الوحشة

Reemo said...

لوجين
انا فرحت لما عرفت انك من المنصوره
انا يشرفنى اكيد نبقى اصحاب
واكيد هزورك وهتابعك على طول
اميلى فى المدونه لو تحبى تضيفنى عندك
نورتينى بجد
تحياتى
_____________________
طهقانه
الحمدلله انا تمام اوى دلوقتى
نورتينى
ميرسى لمرورك
تحياتى
______________________
dead man
ميرسى ليك
نورتنى
تحياتى
______________________
ضياء
ربنا يخليك ويكرمك
برده انت مقصرتش
ميرسى ليك
ربنا يحفظك
تحياتى
_______________________

Reemo said...

شيماء
الله يسلمك يا قمر
ربنا يخليكى ويكرمك يا حبى
نورتينى يا قمر
وميرسى لسؤالك
تحياتى
__________________
قنديل فى قلبى
نورتينى بالمرور
الله يسلمك
تحياتى
__________________
سمير
بجد اخجلتينى بكلامك ده
ربنا يخليك يا رب
ميرسى بجد لاهتمامك
ربنا يكرمك ويسعدك على طول
نورتينى
تحياتى
__________________
عمر احمد
الله يسلمك
ربنا يخليك ويسعدك
نورتينى
تحياتى
__________________

Reemo said...

أمانى
اكيد احنا اخوات
غير الشكر الناس بجد لازم تعرف
ان فى ناس جميله وقلوبها طيبه فى الزمن ده
وان لسه فى ناس بتساعدك من غير اى مصلحه
ربنا يخليكى يا رب
ويكرمك ويسعدك على طول
تحياتى ومحبتى
______________________
BaTresYa
الله يسلمك يا رب
للاسف فعلا الدنيا ساعات بترغمنا على الحزن
بس ربنا يكفينا شره ويبعده عن كل المسلمين يا رب
انا سعيده بالمرور
تحياتى
______________________

ياسمين
اكيد ايملاتك والحديث بينا حتى لو كان قصير او لم يتم اهتمام
كفايا انك تسالى حتى لو مجرد سؤال
كفايه الاتعاطف والايد اللى مدتهالى
واللى حسستنى انى ممكن الجأ ليكى فى اى وقت احتاج فيه لمساعده
انا مستاهلش كل الكلام ده بجد
لانك انتى الى بدأتى بمد الخير
انتى بجد تستهلى الشكر
لانك فعلا انسانه طيبه وقلبك كبير
ووجودك بجانب اى انسان اكيد هيسعده
ربنا يكرمك ويسعدك
تحياتى ومحبتى
______________________
شيماء
انتى كمان صاحبتى الجميله اوى
اللى بحبها واللى بس مرورها عندى بيخلق عندى سعاده
ربنا يخليكى صديقه دايمه ليا
ربنا يكرمك ويسعدك
تحياتى ومحبتى
_______________________

صاحب البوابــة said...

احببت فيكِ رقتك

واهتمامك بقول كلمة شكر في حق من ساعدك

صدقيني

اننى اتشرف اليوم بعرض صداقتي عليكِ

ارجو ان تقبليها

تحياتي اختاة

رينـــــــــــا said...

حمد الله على السلاااااااااااااامه
ايوة كدا فوقى يابنتى
محدش واخد منها حاجة:D:D:D

Ali Mahdi said...

ريمو الجميلة

انا اسف دى اول مرة ادخل المدونة الجميلة دى , علشان كده انا مش عارف الموضوع اية بالظبط, لكن اوعدك انى اكون زائر دائم ليكى

وشكرا على زيارتك وتعليقك على مدونتى البسيطة
واتمنى انها تتكرر ان شاء الله
ممكن تسمحيلى اضيف المدونة دى كمان عندى؟
انا طماع شوية معلش

انا شفت المدونة التانية بتاعة الفاشون
بصراحة انت رائعة

أخوكى احمد مغازى

reri said...

الحمد لله إنك رجعتي لحالتك وبقيتي أحسن
ربنا يفرج كربك ويعينك ... وتقدري تخرجي من صمتك

سلاماااااااااات يا ريمووووووو

Anonymous said...

من الحاجات اللي بتدي امل في الحياة

انك تلاقي فعلا نفسك في وسط ناس ممكن يكون هم من همومهم انك مش مبسوط

شعور عظيم

ربنا يوثق علاقاتكم ببعض كده أكثر و أكثر و تكونوا عونا لبعض في الخير و السلامة

و حمد لله على السلامة
:)

قضية عم أحمد Ahmed Case said...

صباح الخييييييييييييييييييييير
معلش هرد متأخر على البوست ده يا ريم بس فعلا كنت مشغول اوي الفترة اللى فاتت.
اولاً فعلا انا لم افعل شيء يستحق الشكر انت لو لاقيتي اخوكي زعلان مش الصح انك تشوفي ناله وتصالحيه يمكن تعرفي تقدمي حاجه .
انت كنت عاندك حالة بسيط وراحت على طول الحمد لله لان بعض الناس لا يتحمل ان يحزن كثيرا وديه نعمه جميلة ...

مش عارف بس لو حابب اشكر هشكر الناس اللى جتلك المنصورة علشان فعلا ضربوا مثل في يعني ايه الدنيا لسه بخير وبجد شكرا للناس اللى بتحب الناس وشكرا للناس اللى بترسم ضحكه على شفاه الناس
وعلى رأي عم أحمد
ليه تعيش سعيد لوحدك ...اذا كنت تقدر تعيش سعيد وتسعد اللى حواليك :)

~ Bato0ot ~ said...

:)ya rab kol so7abek yfdlo 7awleky 4ever

الشيطان يعظ said...

مدونتك غايه في الجمال
و الرقه و التحفه
بجد
بيعجبني التصميم بتاعها جدا
و الكلام كمان

سندباد said...

لو قريتي تعليقي علي البوست اللي فات هاتعرفي اني كنت صح لما قلتلك انها ايام وبتعدي
يارب دايما السعادة والاصحاب

أسوور said...

جيت اقرأ ردك
واسلم عليكى واقولك انك على البال دايما

ربنا معاكى يا نسمة التدوين
تحياتى

كراكيب عادل said...

انا قلت كدة برضو وحتي قلت لك مالك

في تعليق من التعليقات

الف سلامة ويديم لك السعادة

وبارك الله لك في اصدقاءك

Reema said...

ريمو انا دخلت البلوج لاقيت حاجات وزعل وفرح وحاجات كتييييير
ايه بس ده
:(

بصي ياريمو كتير بنمر بأوقات وحشة زي مابنمر بأوقات حلوة الحياة مش على وتيرة واحدة
انا كمان الفترة اللي فاتت كنت ملخبطة جداااااا وناس زعلت وناس افتكرتني مكبرة وحاجات كتير بس بيبقى غصب عنك

المهم ياريمو سوري انا اللي مقصرة بجد
:))
سلامتك ياريمو

Ma 3lina said...

حمد لله على سلامتك

ارجو انك تكونى احسن دلوقتى
و ربنا يديم محبة اصدقائك ليكى

يا مراكبي said...

بوست جميل وشعور رائع مش غريب عليكي

ربنا يسعدك ويسعد الأصدقاء الأوفياء دول ويارب تفضلوا كده على طول .. آمين

Oma said...

remooo ana walahy mosh 3arfa a2olk eh
begd ana mbsota gedan belyoum beta3naw kont fr7ana awy
w el7amdolelah enk reg3ty tany
7amdel3la el slama ya sokara (f)
begd w enty ka2eba betgeby lelwa7ed e7bat
keep ur smile always
ana 3arfa enk 3arfa eny ba7ebk
ra3'm eny be3ed showaya laken enty begd 7ad mayetnsesh abdan
ba7ebk begd (f)
5aly balk mn nafsk awy

Diyaa' said...

fenk ?
kol elnas 3ndaha exams..enty b2a btzakrelhom wla eh ?:))
yrb tkony b5er

Ahmed taher said...

عودة سالمة يا ريمو
اتمني لك دوما كل الخير
الحياة طريق قد يمتلئ بالحواجز ولاكن سوف نتخطها بتراكم خبراتنا
لذا لا تحزني كثيرا ...

اهلا بك مرة اخره انسانة سعيدة دوما
لا يجد الحزن اليكي مقاما او مكان
تحياتي

Reemo said...

صاحب البوابه
اخجلنى كلامك جدا
انا يشرفنى صداقتك اكيد
سعيده جدا لمرورك
نورتينى
تحياتى
_____________________
رينا
الله يسلمك يا قمر
ربنا يخليكى
فعلا محدش واخد منها حاجه
نورتينى يا جميل
تحياتى
_____________________
أحمد مغازى
انا سعيده جدا بزيارتك لمدونتى
ويشرفنى انك تكون زائر دائم ليا
انت مدونتك جميله وتستحق الاهتمام
اسعدتنى بمرورك وكلامك
واكيد يشرفنى تصيف مدونتى عندك
نورتنى
تحياتى

Reemo said...

ريرى
الحمدلله على كل حال
ربنا يخليكى يا رب
ويسعدك دايما
اسعدنى مرورك
تحياتى
____________________
kimexlilo
الله يسلمك يا رب
اكيد طبعا الواحد لما يكون حواليه مجموعه جميله زى دى
بيبقى سعيد وبيهونو عليه كل ضيق
اسعدتنى بمرورك
نورتينى
تحياتى
______________________
أحمد
انت اصريت انى ارد وانا مش عارفه اقولك ايه لو قلتلك انت حد طيب وجميل اوى هتقولى ميرسى على المجامله مع انها فعلا مش مجامله
كل اللى هقدر اقولهولك
ان بجد معرفتى بيك زادتنى جدا
وان اكيد ربنا هيكرمك على مساعدتك لكل الناس
انت اكيد اخ عزيز جدا عليا وصداقتنا بجد شئ غالى عندى جدا
ربنا يكرمك ويسعدك يا رب
ويوفقك فى كل خطوه فى حياتك
تحياتى

Reemo said...

بطوط
ربنا يخليكى يا حبى
وانتى اكيد من اغلى اصحابى
محبتى وقبلاتى
__________________
الشيطان يعظ
ميرسى لزوقك ومجاملتك
انا اتشرفت بمرورك
نورتنى
تحياتى
___________________
سندباد
فعلا انت كنت صح
أيام وبتعدى
ميرسى اوى للكومن ده واللى فات كمان
ربنا يخليك ويكرمك
نورتينى
تحياتى
___________________
ياسمين
انت مان يا حبيبه قلبى دايما على البال والله
ربنا يخليكى ويكرمك
وسعيده او بلقب نسمه التدوين ده
انتى بجد اللى جميله
محبتى وقبلاتى

Reemo said...

عادل
ربنا يخليك على سؤالك
انا سعيده جدا بيه وبمرورك
نورتينى بجد
انا الحمدلله اسعد كتير
ربنا يكرمك يا رب
نورتينى
تحياتى
_____________________
ريما حبيبه قلبى
بجد انا مش زعلانه من تقصيرك ولا حاجه
انتى حد جميل وتستحقى بجد كل خير
انا عارفه ان كلنا بنمر بالحلو والوحش
بس هنعمل ايه هى دى الدنيا
وحشتينى اوى يا قمر
يارب تكون الايام دى احسن عليكى
خلى بالك من نفسك
وطمنينى عليكى
محبتى وقبلاتى
_____________________
مرام
الله يسلمك يا رب
انا الحمدلله احسن كتير دلوقتى
ربنا يكرمك
ويسعد كل اوقاتك
نورتينى يا قمر
تحياتى
_____________________
مراكبى
ربنا يخليك ويكرمك يا رب
انا سعيده جدا بمرورك وكلامك ده
اخجلتنى بزوقك
نورتينى فعلا
تحياتى

Reemo said...

أوما حبيبه قلبى
انا كمان مبسوطه اوى باليوم ده
وبجد كل شويه افتكر كلامك واضحك كتير
انا بحبك اوى يا قمر
انا عارفه انك مشغوله بالامتحانات اليومين دول
يارب تبقى تيجى سهله
انتى كمان خلى بالك من نفسك يا حبى
ومتقلقيش عليا انا زى الفل بعد ما شفتك انتى وهبه
محبتى وقبلاتى
________________________
ضياء
انا هنا اهو
هى بس فتره كسل شويه
ربنا يوفقك ويوفق كل اللى عنده امتحانات يا رب
ربنا ما يحرمنى من سؤالك يا رب
تحياتى
________________________
أحمد طاهر
ربنا يخليك يا رب
اكيد الدنيا فيها يوم حلو ويوم وحش
ربنا يبعد عن كل المسلمين الايام الوحشه يا رب
انا سعيده فعلا بمرورك
اهلا بيك صديق وزائر دائم عندى
نورتينى
تحياتى
________________________