Tuesday, May 01, 2007

صمت

حاولت كثيرا أن أبحث عن كلماتى
أن أخرج ما بداخلى من أحساسيس
أن أكتب عن ذلك الشعور الذى أصبغ كل حياتى
لكنى لم أجد سوى أسوار من الصمت
تحيط بى من كل صوب
فقد أدركت أنى مازالت أصاحب الذكريات
فلا أرى فى حياتى سوى ذكرى سيئه وماضى أليم
فقد اكتشفت أننى وبعد كل هذه السنين
قد سلكت طريقا خاطئا لا مستقبل له
وأنى لكى أبدأ من جديد
فيجب أن أسترجع الماضى أولا
صرختى عاليه بداخلى
لكن لا يسمعها سواى
فأنا من يشعر بهذا الألم
أنا من يعانى هذا الفراغ
أنا من يتألم كل لحظه
أنا من يختنق ذلك الإنسان داخله
أنا من يحاول الإستغاثه
فلا يلبى ندائى سوى هذا الصمت
مصحوبا بذلك الاحساس الكئيب
يغلفنى ويتوغل بداخلى
حتى اصبح جزأ لا يتجزأ منى
فأتذكر قول صديقتى
أحيانا يجبرك الصمت على الكلام....فيجبرك الكلام على الصمت
فهذا حالى كلما حاولت الكلام
أجد أن لا نفع له
فألتزم الصمت
.......

54 comments:

heba labeb said...

لاول مرة مش قادرة اقولك البوست عجبنى
لانى بجد من جوايا زعلان اوى عشان الاحساس الى حساة دة
وانتى عارفة كويس انا حاسة باية
بس عجبنى تعبيراتبجد فظيعة
بس بجد يا حبيبتى لازم تقاومى الاحساس دة
وانا جمبك طول الوقت وان شاء الله هتخرجى من الاحساس دة
بجد قاومى وبلاش استسلام
بحبك يا ريمو
(k)

REEMOO said...

عارفه احساسك يا هبه
وعارفه انك مش كنتى موافقه انى انزل البوست ده
بس بجد اول مره مقدرش اقاوم
عارفه انك جنبى
بس انا مش قادره أقاوم
مش قادره

Diyaa' said...

أنا من يختنق ذلك الإنسان داخله
very beautiful expression...
very beautifl but painful
but i'm really happy cuze u just did it
expressed ur self & isa u wont need to ask for help
allah will help u just keep asking him
i know that ( elly edo fy elmaya msh zay ely 32lo fy elnar ) but i may say that i may have a pain close to urs...
w 3shan ansah aw at3wd 3leh e7tgt 3 7agat...eny afdfd w afdy ely gwaya mn 3'er ay koyod
w eny ykon gnby real friends
w fy elawl w ela5r rbna ykon m3aya
fatmna enk t2dry tla2y kol da
w rbna by3wd kol 7d gamel zyk w nyto safya zyk bkol 5er


1 more thing
though the pain
ur words is wonderfull& very strong as usual
u write just from the heart & in the same time u forced me to read it more than 2 times..
thank god that u could talk & isa u will pass it soon

sorry 6wlt ..bs 3ayz a2ol klam kter bs msh la2eh f3mal alf w adwr b2a :(
slamo 3lekom

Mohamed A. Ghaffar said...

من الممكن البدايه من جديد ولو بعد السبعين ، لا تيأسى ابداً وحاولى الأستفاده حتى من احزانك

re7ab said...

ريمو حبيبة قلبى
ياريتنى اقدر اعمل حاجة علشان تخرجى من اللى انتى فيه
انا مضايقه اوى بجد
اوقات زى دى بتمر علينا وبنحس بالعجز واننا مش قادرين نخرج من الشعور اللى سيطر علينا بس اهم حاجة اننا ما نستسلمش للشعور دة والا ها ندمر نفستنالازم تحاولى تخرجى من اللى انتى فيه قاومى الاحساس ده فكرى فى الجاى صدقينى هاتلاقيه احسن بلاش تفكرى فى اللى عدى وفات لان اللى فات مش بيرجع تانى المهم اللى جاى وازاى اخليه زى منا عايزة لازم يكون عندك المقاومة دى يا ريمو انا عرفاكى انك اقوى من اى حاجة ولازم تفضلى كدة
ربنا يطمنى عليكى يا حبيبة قلبى
وياااااارب ديما تكونى بخير(k)

lockash said...

استعير كلمات صديق لي اجدها مناسبة للموضوع الجميل" في الصمت .. كل الإحتمالات تتساوى"

احمد رفعت said...

مش هعرف اعلق على كلمات ولى على تعبير بس عايز اقولك حاجه مفيش حاجه تستحق انك تزعلي اوي كده وفعلا لو ممكن اقدم اي حاجه تخفف هذا الالم فلن اتردد .

بس انصحك هاتي ورقه وقلم واكتبي ايه اللي مزعلك وبعد اسبوع كده اقرأي ما كتبني ساعنها هتقدري تعرفي حجم اللى مزعلك كان كبير ولى صغير .

بس حاولي انك ما تستسلميش للحزن والزعل لان افضل ساعات عمرنا هي اللى نبتسم فيها بصدق وما اقصر عمرنا .

تحياتي

احمد رفعت said...

هو ليه البلوج بتاعك مش بيحبني كل اما اكتب حاجه متظهرش

يا مراكبي said...

عجبني قوي العنوان المختصر ده .. صمت

وعجبني كمان آخر كلمة .. فألتزم الصمت

كتير بتحصل للواحد إنه تعدي عليع فترة بيكون عايز يقول فيها حاجات كتيرة عن مشاكل كتيرة ومن كترتها الواحد بيضطر إنه .. يسكت

بس عموما الموضوع ده مش بيطول كتير ولازم الواحد يفوق ويقوم ويكمل الحياة

meroooo said...

انا مش عارفه اقولك ايه ياريمو بس حاسه ان قلبي وجعني وحاسه انك محتاجه امل اكتر من انك محتاجه كلام
الصمت اختياري مش اجباري
واحيانا بيكون اجباري لما احنا بنرفض الكلام انا واثقه انك قد قرارتك وانك بتقدري انك تاخدي قرارتك ومش شرط يكون كل قرارت صح ومش غلط اننا نغلط بس المهم نشوف ايه الصح في الغلط ونستفيد منه انتي اللي كنتي ديما بتقوليلي كده انا عارفه ان دماغك قربت تقف من التفكير ريحيها وامشي وراء اللي بتكرر ديما قدام عنيكي وتفكير
ربنا معاكي ياريمو وخلي بالك من نفسك

shayma said...

ريموووووووووو الجميل
ايه الى مزعلك اوى كده

فقد اكتشفت أننى وبعد كل هذه السنين
قد سلكت طريقا خاطئا لا مستقبل له
وأنى لكى أبدأ من جديد
فيجب أن أسترجع الماضى أولا
صرختى عاليه بداخلى

احساس عالى جدا وحاسه بيكى اوى
بس بجد حاولى تخرجى من الحاله دى واوعى يكون الصمت هو الحل
زى مااحمد قالك اذا كنتى مش قادرة تتكلمى يبقى اكتبى ...فرغى كل همك فى الكتابه
حبيبتى يا ريمو مفيش حاجه مستاهله
فرفشى يا جميل
ولو عايزة تشكى مفيش غيره يسمعك ويساعدك..ربنا عزوجل
سلامى ليكى و ربنا معاكى

محمد العنانى said...

وغالبا لابد من التزام الصمت
الصمت وحديث النفس
ولكن النفس هى من ضلت سابقا فهل تستطيع المقاومه اليوم
هل تستطيع المواجها
هل تستطيع ام انها ستفعل كما كل مره
عندما اعيد حساباتى
انا اتكلم عن نفسى فى نفس الوقت الذى اجدك فيه تحسين بنفس الاحساس
ربما تواجهين مشاكل مختلفه ولكن فى النهايه
لابد من الصمت
حتى نستطيع التقدم والثبات
لا للفشل والضياع
اعزكى الله
واخرجك من المحنه وانا مثلك

ياسمين said...

ريمو .. انا عارفة انك عاملة موديريشن للتعليقات
انا بكتب الكلام دة ليكى مش كتعليق .. لأ .. دة كلام من القلب للقلب
وعاوزة تنشريه أو لأ دى حاجة ترجعلك بشكل شخصى

انا فهمت تقريبا تقريبا كدة حكايتك
لو تحبى انك تتكلمى معايا أكتر على الماسنجر ممكن تضيفينى على الهوت ميل
ولو الموضوع فيه احراج ممكن برضه تاخدى ايميلى من البروفايل بتاعى وتبعتى لى ايميل بأى حاجة انتى محتاجة تقوليها
وانا هارد عليكى برضه بالإيميل

نفسى أساعدك بجد
مش بس من خلال بوست كتبته
هل ممكن انى أنول شرف مساعدة انسانة رقيقة مجروحة و المشاعر زيك
اتمنى ما ترفضيش ايدى الممدودة بالحب
مستنية ردك

Noony said...

لا يا ريمو لا...اتكلمي
أوعي تسكتي على نفسك
اتكلمي
مش مهم تقولي اية...المهم انك تتكلمي
السكوت ممكن يكون في نظرك أريحلك دلوقتي، بس على المدى البعيد مش هيفيد...بالعكس هيضرك

أنا عارفة الاحساس دة كويس أوي لأني مريت بيه كتيييييييير..وكل مرة أقول السكوت أرحم من الكلام وبعدين بتعب...وساعتها بس بفوق

متغلطيش زيي
ربنا يكرمك يا رب ويفك كربك ويفرج همك يا رب

نوني

الكلام نوعان :كلام فارغ وكلام مليان كلام فارغ said...

يااااااااااااه يخرب عقلك
بوست جميل بشكل
بجد طلعتى كل اللى جوايا من غير ما احس
وفعلا فيه حاجات كتيره اوى بتخليكي من كتر الحزن مش عايزه تتكلمى وفي نفس الوقت عايزه تتكلمى عشان ترتاحي ومش قادره
فعلا احساس صعب اوى
مدونتك زي العسل ويارب نتابع بعض

احمد رفعت said...

ما شاء الله يا ريمو اللي يلاقي ناس كتير متعرفوش كويس وبيحبوه ومهتمين بيه زي ما الناس مهتمة بيكي مش المفروض يحزن

Ahmed taher said...

العزيزة ريمووو

كلنا نمر بمراحلة من حياتنا يختلف فيها ما نشعر به من حزن او سعادة او اكتئاب او يأس او امل او او او
لاكن لا يجب علينا ابدا الستسلام للمشاعر السلبية التي تنتاب الانسان بين الحين والاخر
ابكي لما لا فالبكاء ينقي النفس من شوائب السوء التي سكنت بها من مشاكل الحياة ..
لاكن لا تدعي نفسك لشرها فهذا ما تريده بالظبط ...
كلنا معك في هذه المحنة البسيطة وهي بالاتاكيد بسيطو فلا شئ يستحق كل هذا العناء في هذه الدنيا صدقيني
اقتربي من الله اكثر تكوني ساكنة النفس مرتاحة البال سعيده باذن الله ..

كم نحن ضعفاء عندما يعترينا الحزن والالم
ولاكن يمكن ان نكون اقوياء ان اردنا
شدة وتزول ...

shermen said...

واضح جدا إنك مكتئبة يا ريمو
نصيحة مني
الضربة اللي ما تموتش تقوي
مهما كانت أحزانك
إبدئي من جديد
لا تيأسي
اليأس شعور قاتل
أتكلمي
فضفضي
حتى لو لنفسك
والأفضل بينك وبين المولى عز وجل
ما أجمل البكاء بين يديه
لا تستسلمي للحزن
قال رسول الله صلى الله عليه وسلم
عجبا لأمر المؤمن إن كل أمره خير
إن أصابته ضراء صبر فكان خيرا له
وإن أصابته سراء شكر فكان خيرا له

Rania said...

ريمو
انا عديت بمرحله زيك كدة بالظبط
بس الحمدلله
اخدت فترة صمت مع نفسى و اقعدت فكرت و قلت احاول من جديد
اغير الى انا عايزة اغيره انا لسه صغيرةو لا زم احاول و احاول
اقعدى مع نفسك و فكرى فى الى انت عايزاه
و اوعى تيأسى
ديما فكرى باجابية و ربنها هيفرجها باذن الله
تحياتى يا سكر

نبيــذ said...

الصمت من ذهب

رينـــــــــــا said...

يـــــــــــا
وجعتيلى قلبى
كأنك بتوصفينى
انتى مبدعه
:D

أمــانــى said...

ريــمووو
حبيبتى الصــمت ساعات بيكون كلام فعلا لا يسمعه غيرك لانه لا ينفع ان يسمعه غيرك
انا عايزة اوقلك اوعى تزعلى قدر الله ومشاء فعل
وقولى الحمدلله على كل حال واعوذ بالله من حال اهل النار

ربــنا يفك كربك وكرب المكروبين يــاااااااارب أمـــين

•«ρяoιd»•™ said...

احساسك عالي قوي بجد يا ريم

و استخدمني الكلمات ببراعه في رسم احساسك

اسمحيلي اضيف كلماتي المتواضعه

بدون تعليق

مكتوب أن ابقي ابداً ..
ملكاً و مليكاً للأحزان
أن ابقي سجيناً في حزني ..
و أعيش اسيراً للحرمان
أن احلم .. و تموت احلامي ..
و اعود و قلبي بلا عنوان
مكتوب يا قلبي دوماً ..
أن تُذبح من اقرب إنسان
و يكون الرد بلا تعليق ..
لن انسي ابدا ما كان
عذراً سيدتي قد ضلت ..
اشواقي في دنيا الأشجان
عفواً سيدتي قد تاهت ..
كلماتي و صارت نسيان
القلب التائب يتمني ..
أن يُفتح باباً للغفران
و يظل الرد بلا تعليق ..
سَتُخلَّد في جرحٍ و هوان
ملهمتي قد ضاعت منكِ ..
اجمل اشواقٍ و معان
لن تجدي ابداً من بعدي ..
احساساً ينبض بالألحان
أو قلب يمتلئ بحبك ..
أو حب ينبع بحنان
سيكون العالم من حولك ..
أخدوعه في كل مكان
و ستجدي الكون بلا حبٍ ..
أو شوقٍ في اي زمان

تحياتي

sendbad said...

عارفة اغنية اصالة
ايام وبتعدي طبقيها علي اي حاجة هتلاقي نفسك ارتحتي انا جربتها ولاقيت الايام عدت زي اي ايام تانية اجمل نعمة ربنا ادهالنا النسيان والتعود

THE BIG LOSER said...

ريمو
الصمت في اوقات كتير بيعبر اكتر من الكلام
بس ساعات اكتر بيبقي فية صمت عشان مسيطر علينا اكتئاب او افكار او حاجات حصلت بتخلينا نلجأ للصمت
مفيش مشكلة اننا نكتئب شوية واننا نصمت شوية
المهم ان الصمت والاكتئاب مايسيطروش علينا
ونرجع تانى زى الاول واحسن
مع انة حسسنى انك مضايقة اوى بس بجد كلماتة معبرة
ودى حاجة مش غريبة على ريمو

A.SAMIR said...

لو راجعنا الماضي هنلاقي ان في حاجات كتيرة قوي كان لازم تتعمل وما اتعملتش
وهنلاقي برضة ان في حاجات كتيرة قوي برضة ماكنش المفروض تتعمل لكنها اتعملت
افضل حاجة في اللحظة دي اننا نبص لقدام لأن بالبلدي كدة
العايط في الفايت ...نقصان عقل
تحياتي ليكي ياريمو
اكيد كل بوست بيكون اجمل من اللي قبله

FemTo said...

"أحيانا يجبرك الصمت على الكلام....فيجبرك الكلام على الصمت"


موضوع جامد اووى كتير الواحد بيحس بنفس الشعور..بس لازم يقاوم,ويبختك بصاحبك ياريم ربنا يخليكم لبعض

إبـراهيم ... معـايــا said...

جميل برضووو قووووي ، هوا فيه مشكـلة ، مش فاكر أنا علقت هنا أصلاً ( بما إنـك عاملة مودريتور) ولا لأ ، بس البوست عااااجبني جدًا
.,
تحياااااااتي ريمووو

Baher said...

حاسب من الأحزان وحاسب لها .. حاسب على رقابيك من حبلها ... راح تنتهى ولابد راح تنتهى .. مش انتهت احزان من قبلها ...عجبى
مش هازود على كلام جاهين ..
تحياتى,

frEE !Sl@m oOo said...

بوست جميل وابداع رقيق وفعلا كل بدخلنا نفس الشعور ولكن دئما الصمت هو طريقنا

Medo Magdy said...

كلام جميل وكلام معقول مقدرش اقول حاجة عنه

واحدة من الناس said...

يااااااااه بأه أول مره أزورك تشبعينى حزن كده
انا بكره الصمت اصرخى بصوت عالى وابكى واتكلمى خرجى كل الى جواكى وهاترتاحى على رأى صلاح جاهين
عينى رأت مولود على كتف أمه
يصرخ تهنن فيه يصرخ تضمه
يصرخ تقول يابنى انطق كلام
دا الى ميتكلمش يكتر همه
وعجبى
ربنا يهون عليكى يارب وعايزه المره الى جايه بوست متفائل
سلام:)))

صاحب البوابــة said...

كلمات معبرة

واسلوب عميق

تحياتي

احمد رفعت said...

remooooooo
على فكرة انتى مش بتردي علينا واحنا عايزين تشوف ردك علينا بعد اذنك علشان نطمن على الاقل .

ربنا يشرح صدرك

عشقك ندي said...

بحر الحياة غدار واحنا لفين رايحين
منير اسمعي اغنيته وحتخفي من اللي انت فيه علطول
موجودة في موقع www.6arab.com
وبالشفا

REEMOO said...

انا بجد مش عارفه ارد اقول ايه
ميرسى بجد لكل واحد كتبلى كومنت واهتم بيا سواء اعرفه او لا
انا كويسه الحمدلله
هى بس مرحله وهتعدى باذن الله
محتاجه بس شويه وقت
بجد انا مكنتش متخيله المسانده دى
من ناس معرفهاش شخصيا

وكل اللى بعتلى ميلات انا بجد مش عارفه اقولكم ايه
ميرسى بجد على تواصلكم ومساندتكم
بشكركم واحد واحد

أحمد رفعت
متزعلش انى مردتش عليكم
أنا كويسه اطمن
ربنا يكرمك

تحياتى للجميع

كراكيب عادل said...

وبعدين فيكي لية دة كلة

انتي صدقيني بتولدي جواكي الحزن

كلامك دة صعب

بلاش ياس واضحكي

ياريت الكلام دة يكون كلام وخلاص

لسة بدري علي الحالة دي

علي الألفي said...

لقد اصبح الصمت في حياتنا
هو اللغة التى بنعبر بيها عن كل حاجة و عمرها ما ساعدتنا في اننا نعمل حاجة

علي الألفي said...

ملحوظة كمان
شكرا جدا جدا جدا على تعليقك الاخير عندى
بجد فرحنى قوى
و خصوصا كلمتين اللي بيحسسونى انى مش لوحدي

شكرا تانى

dandana said...

حسنا...
انا الان قلقة...عليكى ...

اعلم كيف تشعرين...كيف يموج كل شئ بداخلك ولا تستطيعين التعبير عنه...
ربمالاننى كذلك...

ولكن فقط...
ارجو الاتستسلمى للصمت...
حاولى مرة...ااثنين...عشرة...
فقط استمرى فى المحاولة...

اذا كان الشعور الطاغى عليك هذا بسبب شئ يضايقك...فسوف يزيد الامر سوءا ان لم تتكلمى ...

ااقول لك شيئا...؟
تحدثى مع الله...

اواعتنى بنفسك جيدا عزيزتى

dandana said...

نسيت ان اقول...
حتى فى حزنك...
كلماتك جميلة....

...فقط تماسكى

BaTresYa said...

الصمت .. شعور صعب ولكني اعشقه ..الصمت ذلك الشعور الذي يجبرك على التفكير لا الكلام
في مره كنت اتحدث مع صديقتي فقلت لها " قعدتي لوحدي خلتني افكر في حاجات عمري ما فكرت فيها" ردت علي بضحكه عاليه ..وعلى كل حال في الغرفه المظلمه نافذه بدخل منها النور
ابتسمي فالابتسامه سر الحياة

siren said...

احيانا يجبرك الصمت على الكلام فيجبرك الكلام على الصمت ... دى جملة بتعبر اد ايه الانسان بيبقى حزين وهو مش لاقى حد بيسمعه ولا بيفهم مشاكله .. بس انت قولتيها بطريقة مختصرة ومفيدة ومعبرة جدا... وبرافو عليكى علشان انا متاكدة ان احزانك دى انتى اتعلمتى منها كويس وبقيتى اقوى اكتر من اى وقت عدى وكفاية كلامك دة بيعبر عن شخصيتك اد ايه قويه بكل المعانى الجميلة والحزينة اللى جواها

حسام مراد said...

بجد انا دى تقريبا تان مره ادخل هنا مش متذكر
بس انا قراءت بوستين بس
هما هواه الدمار
صمت
والاتنين تحفه
وانا علقت عن الاول هناك
صمت
أنا من يحاول الإستغاثه
فلا يلبى ندائى سوى هذا الصمت
بجد تحفه

سلاااااااااااااااام

OMA said...

an an

ana get met2a5r awy
3ayza a2olk sorry
begad z3lana men nafsy awy :(
bosy ana mosh 3arfa a2ol eh
ana hatesl beky malhash 7al tany
5li balek men nafsk kteeer
begd ba7ebk

Sharm said...

سأتزم الصمت

sydalany-وش مكرمش said...

احترم صمتك

shermen said...

ريمووووو
انتي فين يا قمر
حاولي تتخطي الحالة دي بسلام
وإن شاء الله
تكوني بخير
تحياتي القلبيه لكي

Horas said...

في اعتقادي أن الواحد منا لو في بعض الأحيان عندما طلبت منه نفس الصمت تكلم ولو طلبت منه الكلام صمت قد يكون مفيدا

REEMOO said...

أنا الحمدلله تمام يا شيرمين
سعيده جدا بتواصلكم
بشكركم واحد واحد
ربنا يكرمكم يا رب
تحياتى للجميع

~ Bato0ot ~ said...

أحيانا يجبرك الصمت على الكلام....فيجبرك الكلام على الصمت

no comment!! mot2leqa!!

Shiko said...

مش عارفه اقولك ايه لكن ياريت ما تستسلميش للحزن حاولى تتغلبى عليه
مهما كانت مشاكلنا لازم هتمر المهم اننا نخرج منها اقوى ونتعلم منها
اتمنى ليكى كل خير

قلوب حائرة said...

حبيبتي بلاش تكوني ضحية سهلى للاكتئاب وخلي في بالك دايما ان الناس الل زيك ياحبيبتي كتير

REEMOO said...

بطوط
ربنا يخليكى ليا يا حبيبه قلبى
قبلاتى
____________
شيكو
الواحد لما بيستسلم للحزن بيبقى مش بإرادته
بس الحمدلله انى احسن دلوقتى كتير
نورتينى
تحياتى
____________
قلوب حائره
والله بحاول كتير انى مستسلمش ليه
ساعات بنجح
بس ساعات تانيه هو اللى بينجح
نورتينى
تحياتى