Monday, March 26, 2007

مغفره وتسامح


الخطأ صفه بشريه والمغفره صفه الاهيه
أخذت تردد هذه الكلمات كثير
ا

وكأنها قد نسيت كل أبجديتها ولم تعد تتذكر منها سوى هذه الكلمات القليله

حتى ان صديقتها قد صاحت بها أنها تردد هذه الجمله منذ حوالى النصف ساعه

فلم تجيبها وظلت تنظر امامها بعيدا......
.0

هناك......
.0

الى ذلك الماضى البعيد........0

فى محاوله فاشله منها لاحصاء عدد من اخطأوا يوما فى حقه
ا

فكم اخطأوا وكم سامحت وغفرت

فها هى من كانت يوما صديقتها تنعتها بأسوء الصفات وتهينه
ا

ثم تعود لتعتذر منها وتطلب المغفره فتسامح

وها هو من كان يوما حبيبها يجرحها ويهجرها ولا يهتم لآلامها

ثم يعود ويطلب المغفره فتسامح

وها هى شقيقتها تخطئ فى حقها وتبكيه
ا

ثم تعود وتطلب المغفره فتسامح

وهاهى .....وهاهو......0

فكم اخطأوا وكم سامحت وكم اساءوا وكم غفرت

لكنهم لم يدركوا يوما أنها ليست الاها ولا ملاك
ا

وان كثره اخطاؤهم تتطلب منها مجهودا مضاعفا لتستطيع ان تغفر وتسامح

وانها لم تعد كما كانت فى الماضى فقد تخلت عن اجنحته
ا

ونزلت لتعيش بينهم وتخطأ هى الاخرى

وتنتظر من يسامح........0

21 comments:

maioya said...

عجبتني اوي اوي اوي
اخر جزء وبعدينفي انتظار من يسامح
مش دايما اي حد بيغفر او بيسامح
في اي غلط في حقه في ناس كده بتبقي قلوبها صافيه بجد وبتستحمل
وفي ناس بجد بيقولوا عليهم قلوبهم
من جوا سودا
اي نعم كل واحد بيبقي ليه طاقه تحمل
بعدها خلاص بيقول كفايه
بس بتلاقيه من نفسه بيرجع تاني يسامح
بس عمره مابينسي الاساءه او الغلط
بيسامح اه بس بيفضل فاكر ان الشخص ده
في يوم كذا عمل كذا وكذا
وخصوصا لما يكون قريب اوي
بس الخطا في طبع كل بني ادم ياريمو
احنا كلنا بشر ومحدش معصوم منه
فلازم نسمح ونغفر عشان الحياه تعدي
هيا هوا كده طبع البشر
جميل اوي البوست ياريمو
ومش تبقي تغيبي اوي كده

Reemo said...

زى ما توفعت يا مى اول كومنت يا قمر
انا معاكى فى ان ناس قلوبها صافيه وبتسامح وبتغفر على طول
لكن الناس دى مش ملايكه دول بشر برده
وليهم طاقه فى التسامح
ومع كتر اخطاء الاخرين بيجى عليهم وقت بيتعبو من كتر التسامح
لانه غالبا ما بيبقى على حسابهم هما نفسهم
بس هرجع واقول انا الدنيا كده
ناس تغلط وناس تسامح
ميرسى يا حبيى على مرورك على البلوج
وعلى الكومنت الجميل ده يا قمر :)

heba labeb said...

حبيبتى ريمو
بجد البوست دة عجبنى اوى
الاول الف سلامة عليكى يا حبى
وكنت قلقانة عليكى جدا
اما البوست دة بجد عجبنى اوى
لان فعلا فى ناس بتفضل تغلط تغلط وتحس ان الى قدامها دة ملاك
هيسامح فى اى وقت
وكانة معندوش احساس وبيزعل وممكن يغلط
هو اكيد لازم نسامح خاصة لو حد بنحبة اوى عشان الحياة تمشى
ولو مفيش تسامح كان تقريبا كل البشر مبيكلموش بعض دلوقتى
بس كل انسان لو طاقة بردة
وكل حد زى ما دايما بيحس ان لو حقوق على قدامة
يعرف بردة ان عليه واجبات
بجد بوست جامد جدا يا حبى
ويارب دايما منورة الدنيا
بكلامك وافكارك التحفة

sofinqoraso said...

الله عليكى يا بطوطة
بجد البوست هيلمس ناس كتير أوى
عارفة أن الأنسان دع غريب أوى
سبحان الله لما يلاقى حد بيسامح وكده مش يقدر فيه ده ويحاول قدر الامكان ميكررش غلطته ... لأ ده بيسوق فيها ويفضل يغلط
وساعات حتى بنستضعف الأنسان اللى بيسامح
لدرجة ان قدرته على التسامح بتتقلب تماماً

re7ab said...

بجد يا ريمو الكلام جميل اوى اوى
ويمكن دا فعلا اللى بيحصل
ناس كتير بتفضل تغفر للى قدامها لحد ما بتتعب من كتر ما بتغفر وبتسامح
صحيح كلنا بشر وكلنا بنغلط بس لازم الواحد يتعلم من الغلط ده
احنا مش ملايكة ومش معصومين من الخطأ ولازم زى ما بنسامح نلاقى اللى يسامحنا على اى خطأ
لكن اوقات كتير بتلاقى اللى بيستنالك غلطة ومش ممكن يغفرهالك
ياريت كلنا نتعلم نسامح لان التسامح ده شئ جميل جدا وبيخلى القلوب صافيه
وياريت اى حد ينسى اى اساءة ويغفر ويسامح
تسلمى يا ريمو على البوست الرائع
و الف سلامة عليكى يا حبيبه قلبى والحمدلله انى اطمنت عليكى يا قمر

Reemo said...

الله يسلمك يا هوبا ربنا مش يحرمنى من سؤال يا قمر
انا معاكى ان لو مفيش تسامح كان كل البشر تقريبا مش كلمو بعض
بس لازم نهتم بحقوق اللى بيسامحنا علشان يفضل يسامحنا على طول
ميرسى يا حبى لمرورك (K)
________

نونو بجد منورانى
انا بجد ببقى مبسوطه كتير لما بكتب حاجه وبحس انها عجبتك
فعلا المشكله دايما ان الناس بتفتكر الانسان اللى بيسامح ضعيف
فبتفكر ازاى تستغل الصعف ده بكل الطرق
لكنها بس لو تدرك ان مسير اللى بيسامح ده هيجى عليه يوم ويرفض انه يسامح
ميرسى يا قمر على الكومنت الجميل (F)

Reemo said...

رورو حبيبه قلبى الله يسلمك يارب
تسلميلى يا قمر وربنا مش يحرمنى من
سؤالك
فعلا يا ريت اى حد ينسى اى اساءه وكله يغفر ويسامح
لكن اكيد مش معنى كده ان الكل من حقه يخطئ
نسامح اه لو غلطه مش مقصوده لكن المقصوده اكيد مش مرغوب فيها
ميرسى يا قمر على مرروك (F)

Yassmina said...

ياه ياريم جيتي على الجرح قوي بجد
لما قريت كلامك حسيت اني بقرا حاجه عن نفسي
فعلا الناس مش بتقدر ابدا
انك بتنسي وتسامحي وتضحكي وتعدي
كل ده للحظات بيطير من دماغهم
وكأن الي قدامهم دي انسانه مفقوده الاحساس مش من حقها تزعل وتغضب وتاخد موقف
بس عارفا انتي عشان انسانه قلبك طيب وابيض فهتبقي احسن منهم
بس هما مش هيفوقو فعلا غير لما يجي اليوم الي ترفضي تسامحيهم فيه عشان يحسو بالي عملوه
هزتيني قوي بكلامك بجد

meroooo said...

بجد التسامح لازام يكون فينا
بس المغفره دي بتاعت ربنا
بس عندك حق اننا بشر
ومهما سمحنا ومهما عملنا
لينا حاجه اسمها طفح الكيل لما بنوصله ممكن ننسي ساعتها كلمه التسامح والمغفره
ولما بنكون في الاحساس ده بيجي علي بالنا تملي سؤال لو كنت انا مكانهم كانوا هيسامحوا ولا هيقسوا وتملي الجواب بيكون الصمت
تسلمنا ياام الموضيع الواقعيه

Diyaa' said...

مين قال إنها كان عندها أجنحة ..
ملاحظتيش يا ريم أسم مدونتي ايه..
تعريبها ممكن يبقي المنتمي للإنسانية ..
الإسلام في حد ذاته إنسانية كافية بس يمكن لأن ناس كتير ميعرفهوش كويس فقلت خليها كلمة يفهمها الناس كلهم بكل طوائفهم واللي ميحسهاش ميهمنش ..
فطرتنا اللي ربنا خلقنا عليها فيها الوحش وفيها الحلو ..
والطبيعي إننا مش ملايكة بس الطبيعي برضه إننا لازم نسامح عشان الله أعلم ممكن كل الغلطات اللي فاتت دي متساويش نص غلطة ممكن احنا نعملها في حق إنسان منعرفش قيمته إلا بعد رحيله
أنا دلوقتي بقعد زي المجنون أفكر ..لو مكنتش استفزيت روان أو ضايقتها في اللحظة دي أو ضايقتها بالكلمة دي أو شفتها أونلاين وعملت مش هنا عشان مليش نفس أتكلم ..
ندمت بجد علي كل الغلطات اللي حصلت مهما كانت تافهة ومهما كان عندي ليها مبررات
لأن روان راحت ..ملحقتش أعمل كل اللي كنت بحلم بيه ليها ..
فهمتي ليه لازم نسامح ؟!
حاولي والموضوع مش متعب لو بصيتيلها إنك بتسامحي عشان ربنا وبتدوري علي الانسان أو الانسانة الحقيقين مش المزيفين
ربنا يوفقك بجد
والبوست جميل
سلام عليكم

Reemo said...

ياسو
انا عارفه ان الواحد بيسامح علشان هو قلبه طيب
بس اكيد مش معنى كده انه مش بيحس
كتير من السماح بيبقى صعب على الواحد انه يعمله بس بيعمله رغم كل الضغوط اللى ممكن يبقى فيها نفسيا نتيجه التسامح ده
انا عايزه الناس تقدر التسامح ده علشان ميجيش اليوم اللى الواحد ميقدرش فيه انه يسامح بجد ساعتها هتبقى الدنيا وحشه اوى لو التسامح انتهى
ميرسى يا حبى منوره البلوج بجد (F)
______________

ميرو
هو ده السؤال اللى انا بفكر فيه
ياترى لو الوضع كانت بالعكس وكنت انا المخطئه وطالبه من الطرف التانى انه يسامحنى ياترى هيسامحنى ولا لا؟
ميرسى لمرورك يا قمر

Reemo said...

ضياء
فعلا بتثبتلى فى كل تعليق بتضيفه عندى ان عقلك واحساسك رائع بجد
اكيد الواحد بيعامل ربنا فى الاول والاخر واكيد اننا بنسامح علشان الله
بس كل انسان فينا له طاقه
وله حد معين مش بيقدر يتعداه وبيبقى السماح بعد كده على حسابه هو نفسه
انا متاكده ان روان كانت مسامحاك
وبجد جميل ان تندم على اللى ارتكبته يوم فى حقها من غلط
بس الندم مش بينفع بجد ومش هنقدر نرجع الماضى تانى
علشان كده ممكن بدل ما الواحد يندم يحاول يكفر عن خطاه ده بانك تدعيلها ربنا يرحمها
واللى انت فيه ده هو قصدى بجد من البوست ده ان الواحد لازم يفكر كويس قبل ما يرتكب خطأ فى حق اى انسان ويستنى انه يسامحه
علشان ممكن يجى يوم الانسان ده مش يبقى موجود معانا ويتمنى لو مكانش ارتكب الخطا ده
انا فعلا بسامح علشان ربنا قبل اى شئ
ميرسى لمرورك عندى بجد
ربنا يوفقك يارب (F)

3ashe2elro7 said...

من أكتر الصفات الجميله التسامح
الصفه دى عمرها ما كانت يوم بتقلل من شأن الانسان الا انها بتعلى من شأنه قدام نفسه قبل ما تعليها قدام الناس لان مش اى حد هيقدر الصفه دى
بس لما اللى قدامى يعرف الصفه دى فيا و يسوق الهبل و الاسعباط و الاستنطاع يبقى طز فيه و يخور فى الف سلامه
البوست حلو بجد

محمد صلاح العزب said...

جميل يا ريمو

yousef said...

لو حد غلط فينا مرة يبقا ده غلطه هو لكن لو غلط فينا مرتين يبقا غلطنا احنا
بوست اكتر من رائع
regards

Reemo said...

عاشق الروح
اكيد طبعا التسامح بيعلى من شان صاحبه
بس زى ما قلت لو اللى قدامى مش بيقدر يبقى مش له لازمه اصلا
منورنى مرورك على ابلوج عندى

Reemo said...

محمد انا مبسوطه اوى انك بتابع المدونه عندى
بس انا كنت اتمنى انك تدينى تعليق على الكلام
لانى بحس جميل دى مجامله
رغم كده ميرسى بجد على اهتمامك ومتابعتك

Reemo said...

عندك حق يا يوسف لا يلدغ المؤمن من جحر مرتين
وتانى غلطه تبقى غلطتنا احنا
نورنى وجودك فى البلوج عندى
ميرسى ليك

Anonymous said...

محدش بيسامح حد فى الزمن ده
قلبك ابيض

Anonymous said...

وان كثره اخطاؤهم تتطلب منها مجهودا مضاعفا لتستطيع ان تغفر وتسامح

انا نفسي اكتب الجمله ديه في ورقه و اوزعها على كل ناس...عشان يحسوا ان المسمحه ديه مش اننا نقعد نضحك مع بعض

Reemo said...

لا لسه فى تسامح فى الدنيا
ولسه فى خير فى بعض الناس
مع انك مش سيبت اسمك
ميرسى لمرورك

________

ارتعاشات
نا كمان نفسى اكتب البوست كله واوزعه على كل الناس
علشان بجد يحسو شويه
منورنى اوى بجد
ومبسوطه جدا انك قريت اكتر من بوست مش واحد بس
ميرسى