Thursday, March 15, 2007

حتى فى أثناء النوم


لا تدرى لماذا قررت الخلود للنوم مبكرا فى هذه الليله
اهو بسبب هذا الفراغ الذى تعيش فيه
ام بسبب تلك الكآبه التى يضيفها هذا الجو الممطر القارس البروه على حياتها
لم تطل التفكير فى اسباب هذا القرار كثيرا
وتوجهت الى غرفتها لتخلد للنوم
وما انا فعلت حتى راته
هو كما اعتادت انا تراه دائما
نفس التعبير والابتسامه, نفس تلك النظره التى طالما شعرت وكأنها تخترقها
لتغوص بداخلها وتسيطر على كل مشاعرها
كان جالسا معها فى هذا المقهى بعيدا
فى ذلك الركن الذى اعتادا الجلوس فيه
يتحدثان بصوت منخفض
كانت تشعر بسعاده بالغه بوجوده معها
لم تعرف يوما سبب هذه السعاده التى تسيطر عليها كلما كانت بقربه
اهذا ما يطلق عليه اسم الحب ام انه شعور بالامان يريحها
كل ما كانت تدركه جيدا هو انها فى غايه السعاده وهى بقربه
لم تدرى كم مر من الوقت
فدائما ما كانت تنسى الوقت ولا تشعر به
وكم تمنت لو توقفت كل ساعات العالم وهى معه
حتى لا يحين موعد الرحيل

ولكنه كان قد حان
وكان قد حل الظلام ووجدت نفسها فى صحراء مظلمه
لا يوجد بها اى شخص سواه معها
فاذا به يتركها فى هذا الظلام وحدها ليرحل
فنظرت اليه خائفه وقالت :استتركنى فى هذا الظلام وحدى
استتركنى وترحل , أرجوك لا تذهب , لا تتركنى وحدى , ليس بعد كل هذا
فلم يجيبها وذهب بعيدا
لم يجيبها سوى السكوت والظلام والخوف المسيطر عليها
لم تجد تفسيرا لهذا التصرف الغريب
أبعد كل هذا يتركها وحدها ؟ أبعد كل ما فعلته من اجله ؟ أبعد كل هذا يتركها وحيده لا تعرف مصيرها ؟
جلست على الارض وحيده
تنظر حولها وتبحث على اى بقعه ضوء تضئ لها لكنها لم تجد
أخذت تبكى وتبكى وتبكى حتى تعبت من البكاء
فقررت ان تمسح دموعها وتبحث عن طريقها بنفسها
وفجأه وجدتها كانت تقف هناك فى الظلام
كانت مبتسمه تمد لها يدها لتساعدها
فاقتربت منها وامسكت بيدها وسارا معا
لاتدرى كم من الوقت مر وهم يسيرون
فقد انشغلت بالنظر اليها
فكم اشتاقت اليها وكم انتظرت ان تعود لكنها لم تفعل ذلك يوما
وفجأه اذ بها تقف وتترك يدها وتشير الى بقعه ضوء بعيده قائله لها:اذهبى انت
فسألتها : ألن تأتى معى ؟ ألن تذهبى معى ؟ لقد انتظرتك كثيرا وتمنيت ان تعودى فى يوم
ألن تعودى معى ؟
فقالت :لا اذهبى انتى وحدك فأنا لا استطيع انا اعود مره اخرى ويجب ان تكملى الطريق وحدك
واعلمى انى دائما معك وبقربك لاساعدك
لكن ليس بدون ان تبدأئى انت أولا بمساعده نفسك
فقبلتها وتركت يدها واتجهت نحو بقعه الضوء
وعندما وصلت اليها نظرت خلفها لكنها لم تجدها
كانت قد ذهبت مره اخرى واختفت
....... وفجأه .......
استيقظت من النوم لتجد انها فى سريرها وان الضوء يحيط بها من كل جانب
فابتسمت وادركت بانها دأئما هنا تشعر بها
وان روحها تحيط بها
وتحميها اينما كانت
حتى فى اثناء النوم
..................



18 comments:

naryoma said...

بجد جمبله اوي ياريم
والاسلوب تحفه اوي وبسيط بس جواه كتير اوي
فعلا في ناس كتير اوي بتتخلي عننا في اوقات بنكون بجد محتاجينلهم فيها
بس دايما بيبقي في بديل واحسن منهم كمان
جميل البوست اوي ياريم:D

OMA said...

هزني اوي الحلم ياريمووو
عارفه لما قلتيلي انك كتبتيه في البلوج وادخل اشوفه تصورت انك كاتباه باسلوب عادي
بس انتي كاتباه باسلوب ياخد الواحد معاه..خليتيني قاعده متنحه للجهاز وبعد ماخلصت لقتيني فاتحه بقي ومبرقه عيني...متصوره منظر البلاهه :D
بجد هزني اووي اسلوبك
ومتغاظه من اللي سابها لوحدها في الضلمه ده هو ماعندوش دم ولا ايه !!
وفرحانه اووي عشان مامتك مش سابتك لوحدك...هي كده بتقولك انها معاكي دايماً وبتقولك خليكي قويه..اسمعي الكلام بقى :)
ربنا يخلي كل احلامك حلوه ويبعدك عن اي حلم وحش يدايقك ياحبيبي
خلي بالك من نفسك كتير :)

REEMOO said...

اكيد دايما فى البديل يا مى
واكيد دايما الحياه بستمر رغم تخلى ناس عننا وارتباطنا بناس تانيه
لازم واكيد الحياه هتستمر
انتى اللى جميله بجد يا فمر
وميرسى لمرورك يا حبيبه قلبى (F)

REEMOO said...

اوما حبيبتى اكيد مكنتش قصدى اعمل فيكى كده يا قلبى
انا بس كتبت الحلم زى ما حسيته بالظبط ولقيت ان االتعبير عنه بلغه عربيه هيوصله اكتر من انى اكتبه باسلوب عادى
ربنا مس يحرمنى منك يا قمر ومتقلقيش انا بدات اسمع كلام ماما فعلا وابقى اقوى وان شاء الله اقدر اغير اللى بيحصل بجد ومش استسلم تانى
انتى خلى بالك من نفسك كمان يا حبيبه قلبى
I LOVE U (F)

jasmine said...

جميله قوي ياريمو بجد
بس هوا ليه سابها ومشي لوحدها ليه
بجد حاسيتها قوي
واسلوبك جميل فالتعبير
تعرفي كنت حاسا انها مامتك ولما قريت كومنت وئام اتأكدت
اكيد فعلا هيا روحها جانبك وحوليكي فكل مكان

REEMOO said...

enty agml bgd ya jasmine
howa sabha l2no fe nas keda mahma te3mly lehom bardo mesh by7afzo wla by7so wla byra3o msha3r ely 2odamhom
3lshan keda 5osara en el wa7d yefkr homa 3amlo keda leh aslan
ana mot2keda en ro7 mama 7walya we da mn el 7agat elly mtmnany bgd
merci ya 2mra 3la mrork
nice to meet u :)

محمد صلاح العزب said...

مدونتك مثيرة عاطفيا
ابقي زوريني
عاوز أتكلم معاكي

REEMOO said...

ميرسى يا محمد على مرورك على مدونتى
انا زرت مدونتك وعجبتنى
انا مبسوطه ان مدونتى عجبتك
nice to meet u :)

محمد صلاح العزب said...

ابعتيلي إيميلك
إيميلي
mohamedal3zab@gmail.com

REEMOO said...

محمد انا اميلى موجود فى المدونه لو تحب تراسلنى
اضغط على الصوره هتلاقيه
mail me
ميرسى لاهتمامك

Diyaa' said...

تعرفي ...لوهلة حسيت اني ماشي في الحلم ده وبتفرج علي بطلته وبخمن أحاسيسها دي
وفعلاً الدنيا مش بتقف علي حد ..وربنا بيعوضنا ..أهم حاجة الايمان بيه
بالنسبة للحب
مع احترامي هو مرة واحدة بيدوم للأبد والباقي مشاعر حلوة بس
سلام وبحييكي

محمد صلاح العزب said...

إيميلك مش على المدونة
أو أنا مش لاقيه
ابعتيهولي على
mohamedal3zab@gmail.com

REEMOO said...

اكيد الدنيا مش بتقف عند حد يا ضياء
الحياه بتستمر بناس راحت وناس لسه هتيجى
اما بالنسبه للحب ان شايفه ان الحب حاله استعداد للمشاعر وممكن تيجى فى اى وقت لو كانت مشاعر الواحد مستعده لتقبل الحاله دى
وكل مره بنقابل فيها حب جديد بننسى فيه القديم ويبقى مجرد ذكريات
وساعتها بنتأكد ان القلب ممكن يحب مره واتنين وتلاته وفى كل مره بيبقى اللى فات ذكرى حلوه وبقايا حب مضى ومشاعر حلوه
منورنى يا ضياء :)

REEMOO said...

انا بعتلك الايميل يا محمد
اهلا بيك صديق جديد :)

Diyaa' said...

بنورك يا ريمو
أنا عن تجربة
وكلمة أول مرة أقولها عالملأ كده
بس أنا في بنت حبتني وأتوفت وكنت شايل ليها مشاعر جميلة بس كانت رد فعل وامتنان لمشاعرها ليا ولأنها فيها مميزات تخليها متفكرش تسلم علي انسان عادي زيي ومع كده حبتني ..
واللي حصل حصل ..ومن أهدافي برضه إني أعمل حاجة تخلد ذكراها ..ويمكن لو الدنيا ضاقت بيا فهعمل حاجة واحدة لكل اللي راحوا مني وخلاص..بس صدقيني كل أحساس حسيته ناحيتها وكل لحظة واحساس الامتنان والشكر وكل الكلام ده منسيتهوش وروان كانت عارفة كده ولو كان ربنا أذن وأنا وروان كنا بقينا زوجين كانت هتسمحلي في يوم أتكلم عن الانسانة دي
عموماً أنا قلبت علي نفسي اللي فات مش عارف ليه ..بس أنا متأكد إن اللي بيتنسي ده بيكون مجرد محاولة حب..
مفيش إلا روان واحدة حبتها ..معتقدش ده ممكن أصلاً

REEMOO said...

انا ادركت انت قد ايه بتحبها يا ضياء لما قريت كلامك عنها ووصفك ليها ولكل كلمه قالتها
بس صدقنى انا اكبر منك وخبرتى اعتقد ممكن تكون اكبر منك فى يوم هتفتكر كلامى ده وهتقول ريم قالت
الحياه بتنسى يا ضياء والدنيا تلاهى ظروف وضغط الحياه بتخلى الانسان بينسى الماضى
وبعد سنين هتفتكر الايام دى وتفتكرها وتلاقيها ماضى جميل وذكرى حلوه ربنا مكتبلهاش انها تكمل
ويمكن ساعتها تكون بتحب او حتى اتجوزت وعندك اولاد
انا عارفه احساسك كويس لانى انا كمان فقدت اغلى انسانه فى حياتى وهى ماما
بس علشان نعمه ربنا علينا النسيان الانسان بيقدر يستمر فى حياته وبيقدر يكملها
لكن اكيد الناس دى بيبقى ليها مكانه فى قلبنا مش ممكن تروح ولا اى شئ يضيعها
ربنا يرحمها ويرحم جميع موتانا يا رب

Diyaa' said...

ya rab
bs u must remember one thing
u wont have another mam
i wont know rawan again
it wont be fair to let any1 try to prove that she can be my partner till the grave
+ i'm not dia2 anymore
i'm just his ghost
trust in ur expirence but u didnt know enough :(
ربنا يغفر لكل الناس اللي سابت الدنيا وذكراها مبتجيش إلا مصحوبة بالخير
ويجمعهم بكل اللي بيحبوهم في الجنة بإذن الله
سلام عليكم

REEMOO said...

i`m sure that 1 wont have another mam
there one mam for me here beside me
thanks diyaa`
regards