Sunday, December 09, 2007

كل عام وأنتِ حبيبتى

ترددت كثيرا قبل الكتابه عنكِ
فطيله الأيام الماضيه ومنذ بدء الشهر وأنا أعلم أن عيد ميلادِك الأول قد حان
وكنت مابين الاحتفال به أو تركه يمر مرور الكرام
وبعد تأملى لكِ مره أخرى منذ بدايه تكونك وحتى الآن
وجدت أن هناك ما يستحق أن احتفل به
فيكفينى أنكِ قد عاصرتى معى الكثير من الأحداث التى مرت بى
وعانيتى من تقلباتى المستمره
وشهدتى الكثير من انهزاماتى
وفرحتى للكثير من انتصاراتى
كما أنكِ وعلى مدى عام كامل عرفتى الكثير من حكاياتى
منها ما قررت البوح به ليشترك معكِ آخرون فى معرفه ذلك السر عنى
ومنها ما لم يخرج أبدا لدائره النور واحتفظتى به بداخلك
ليكون سرنا المشترك أنا وأنتِ
لتظلى أنتِ ابنتى وكاتمه اسرارى
ورغم انى قد أتيتك فى منتصف هذا العام بأبناء آخرون
إلا أنكِ حظيت بمكانه تفوقهم فى قلبى
فأنتِ ابنتى الكبرى التى تحمل بداخلها أرشيف حياتى

مدونتى الغاليه
كل عام وأنتِ حبيبتى

30 comments:

الطائر الحزين said...

كل عام انت بخير

وبارك لك فى طفلتك و داوم عليها فكرها و أرائها و جعل ساعات سنينك طاعة وقرب

من الله


تحياتى

Mohamed A. Ghaffar said...

التعليقات مفتوحه هيييييييييييييه

كل سنه وانت طيبة

dead man said...

كل سنة واكبر بناتك وانتى بخير

:)

كراكيب عادل said...

كل سنة وانتي طيبة

دة مدونتك ومدونتي من نفس الجيل

لا نفس الشهر

انتي حاجبة نفسك كدة لية من فترة

افتحي يا شيخة الشبابيك خلي الهوا يدخل

:)

مبرمج حر said...

كل سنة وأنتِ طيبة يا ريمو

:)

Amr Ahmed said...

كل سنة وانتي طيبة

وحمد الله علي السلامة وفتح الكومنتتات

تتربي في عزك

heba labeb said...

كل سنة وانتى طيبة ياحبيبتى
وكل سنة ومدونتك وبنتك دايما مفتوحة ودجايما احسن
ومليانة بافكارك الى بموت فيها

مـحـمـد مـفـيـد said...

كل سنه وانتي ومدونتك مبدعه ومتألقه ومن تقدم الي تقدم

اسكندراني اوي said...

كل عام وانتي ومدونتك بالف خير
ودائما من حسن الى احسن

ودايما كده منوره سماء المدونات

تحياتي ليكي
وعقبال 100 سنه تدوين

esraa said...

كل سنة وانتي طيبه ويارب عقبال 100 سنة تدوين

(:

Gid-Do - جدو said...

ريمو

سنة حلوة ياجميلة ـ شئ جميل ان نشعر ان المدونة كائن حى يحتفل بعيد ميلادة ـ وليه لاء ـ وهى همزة الوصل مابين صاحبها والعالم الخارجى

واللى اسعدنى انى لقيت بابك مفتوح علشان اقول كل سنة وانت ومدونتك طيبين وعبقال سنين كتير جاية وانت وهى دايما بصحة وسعادة

شيماء زاهر said...

كل سنة وأنت طيبة يا ريمو

وإن شاء الله السنة الجاية تكون المدونة برضوا جزء عزيز منك فيه يشهد على كثير من اللحظات الحلوة و المشاعر الطيبة.

وكل التحية والورد و الياسمين

:)))

OMA said...

kol sana w enty w heya tayben ya remo ya gamila
wa7shany awyyyyyy enty feen ? take care

A.SAMIR said...

كل سنة وانتي ومدونتك بالف خير وسعادة
مبروك كمان عودة التعليقات للمدونة ويارب ماتكونش عودة مؤقتة
التدوين يا ريم مشاركة ناس بتعبر عن افكارها وناس بتشاركها فيها
BLOGGING IS NOT A ONE WAY COMMUNICATION.
تهنئتي ليكي مرة تانية ومنتظر تعليقاتك ومشاركاتك في مواضيعي التدوينية
كل سنة وانتي طيبة

تسـنيم said...

كلنا بدأنا التدوين في نفس الفترة

:)

كل سنة وانت أرق مدونة عرفناها

zordeak said...

كل سنة وانتى طيبة

انتى ومدونتك العزيزة

وكل سنة وكلنا سوا

اصحاب

واخوات

:)

smraa alnil said...

سيدي يا سيدي

كل سنة وبنتك طيبة يا ريمو
وربنا يخليهالك
ومش تنسي اني انا خالتها
:))

واطلعي بقي واظهري
يرضيكي بنتك تطبع معقدة عشان قافلة عليها
وحشاني يا مفعوثة

dandana said...

كل سنة وانتى وهى اجمل واحسن...

لسا قايلة عند حنين ان المدونة ..صدفة جميلة تحولت لابنة غالية...
ربنا يخليلك حيبتك...

عقبال لما تكبر شبر ونص السنة الجاية

قبلاتى

Yassmina said...

كل سنة وانتي وهيا طيبين
مدونتي ومدونتك قد بعض على فكرة :)
بس انتي اكبر بشهر بقى
:D
كل سنه هي طيبه تاني ياقمر

ادم المصري said...

كل عام وانت بخير
.
.
كل عام

e7na said...

كل سنه وهى طيبه
وانت كمان

ايوه كده
اوعى تقفلى التعليقات تانى
ارجوك

dandana said...

عيد سعيد يا ريم

سبقتينى وبعتى رسالة ع الموبايل

بس دا مايمنعش انى اهنيكى فى عالمنا الافتراضى كمان


وعيد سعيد مبارك لكلماتك

العراف said...

كل سنه وانتوا طيبين رائع الاحساس مليان دفىء وصدق فى المشاعر

أمــانــى said...

كـل سنة وانتى طيبة وبالف خير وعافية يارب آمـــــين واعاده الله علينا وعلى الامة الاسلامية بالخير واليمن والبركات

Dr-Online said...

كل سنة وانت طيب انت وبنت حضرتك الكريمة
ومدونتك الحميلة
ويارب يكون احلي عيد عليكم وعلي الامة الاسلامية كلها
واحب اهنيك علي امتلاكك لمدونة كهذة المدونة لها طابع خاص اكيد مش غريب علي ذوق صاحبها

واتمني ان اري لك تعليقا في مدونتي المتواضعة
(الصيدلي المطحون)

رينـــــــــــا said...

السلام عليكم ورحمه الله
كل سنه وانتى با الف خير يارب
والسنه الجايه فى عرفات قولى امين

shayma said...

كل سنه وانت وحبيتك بخير
ودايما متواجدين وفاتحين الكومنتس
:))))))))))

كراكيب نـهـى مـحمود said...

كل سنة وانتي طيبة

Mustafa Şenalp said...

very nice a blog :)

وينكى said...

كل سنه وانتم طيبين
وحبيت أعزمكم على حفل افتتاح دار الكتب بتاعت صاحب البوابه , زميلنا البلوجرى الفظيع
ودا هايكون يوم الخميس 10 يناير الساعه 6 مساءا فى مكتبة البلد , 31 شارع محمد محمود بالتحرير
عاوزين تواجد مكثف هناك
مستنيينكواااااااااااا