Wednesday, July 25, 2007

لو كان بإمكانى


فى تدوينه لدى صديقتى إيبتاف
تمنت فيها ان تكون وساده وثيرةً
بإيحاء من الجميله ندا التى وودت لو تكون ملاكا كى ترتاح من عقلها
تساءلت فيها ماذا اتمنى ان اكون لو كان بامكانى؟؟
.
.
لو كان بامكانى أن أكون شهرا فى السنه لكنت مارس ــ قدومى يعلن بدايه قدوم الربيع
.
لو كان بامكانى أن أكون يوما فى الأسبوع لكنت الأثنين ــ صله ربط ما بين البدايه والنهايه
.
لو كان بامكانى أن أكون وقتا فى اليوم لكنت الشروق ــ بدايه يوم جديد وأمل جديد
.
لو كان بامكاني أن أكون كوكباً لكنت الزهره ــ كوكب حواء
.
لو كان بامكاني أن أكون مخلوقاً آخراً لكنت قطه ــ ناعمه دائما لكن حذارى ان تؤذيها
.
لو كان بامكاني أن أكون جهة لكنت جهة الشرق ــ بكل ما يحمله من سحر
.
لو كان بامكاني أن أكون شيئا لكنت نجما ــ عاليا لامعا فى السماء
.
لو كان بامكاني أن أكون سائلاً لكنت مياه شلال ــ متدفقه وقويه دائما
.
لو كان بامكاني أن أكون شجرة لكنت شجر الزيتون ــ بكل ما تحمله أغصانه من سلام
.
لو كان بامكاني أن أكون طائرا لكنت حمام ــ لأصل برسائل الغرام بين العشاق
.
لو كان بامكاني أن اكون آلة موسيقية لكنت الناى ــ يدخل القلوب ويستأثرها بشجنه
.
لو كان بامكاني أن أكون نباتاً لكنت وردا أحمرا بين صفحات كتاب عاشق
.
لو كان بامكاني أن أكون طقسا لكنت ربيعيا ــ يحمل بين نسماته رحيق تفتح أزهاره
.
لو كان بامكاني أن أكون ظاهرة طبيعية لكنت برقا ــ خاطفا , مشعا وغامضا
.
لو كان بامكاني أن أكون ثمرة لكنت ثمره الفراوله ــ شهيه دائما
.
لو كان بامكاني أن أكون شخصية خرافية لكنت سندريلا
.
لو كان بامكاني أن أكون أسطوره, لكنت فينوس ــ رمزا للجمال
.
لو كان بامكاني أن أكون صوتا لكنت صوت الكروان ــ مخترقا لسكون الليل ومصاحبا لليالى العشق الطويله
.
لو كان بامكاني أن أكون رنينا لكنت كرنين دقات الساعه ساعه الأنتظار
.
لو كان بامكاني أن أكون عنصرا لكنت الشمس ــ بعيده منيره دائما
.
كان بامكاني أن أكون عنصرا في جدول ميندلييف لكنت الأكسجين ــ سر الحياه
.
لو كان بامكاني أن أكون أغنية لكنت أغنية من أغانى فيروز
.
لو كان بامكاني أن أكون مكاناً لكنت بحرا وقت الغروب
.
لو كان بامكاني أن أكون طعما لكنت طعم السكر ــ أتمتع بحب كل الأطفال
.
لو كان بامكاني أن أكون رائحة لكنت عطرا مثيرا
.
لو كان بامكاني أن أكون كلمة لكنت كلمه السعاده ــ غايه كل الناس
.
لو كان بامكاني أن أكون موضوعاً لكنت الحب ــ مكانى دائما فى القلوب
.
لو كان بامكاني أن أكون جزءا من الجسد لكنت العينين ــ لغه الكلام الأولى
.
لو كان بامكاني أن أكون شكلا هندسيا لكنت دائرة ــ نهايتها هى بدايه جديده لها
.
لو كان بامكاني أن أكون لوناً لكنت الوردى ــ بما يحمله من رقه وعذوبه
.
لو كان بامكاني أن أكون رقما لكنت رقم اثنين ــ بكل ما يجمعه من ربط بين وحدتين

......................

62 comments:

Diyaa' said...

كل حلم فيهم محتاج كومنت
هتعبك يعني
بس مبدأياً...أحب أضيف خاتمة للحلم...ولكني قد شرفني الله بأن أكون إنساناً أحس بالربيع والطقس الربيعي واستخدم الحمام الزاجل لإيصال رسائل تبث عشقي لمحبوبتي ...وأحنط وردة حمراء بعد أن أشم رائحتها الفواحة...استمتع بضوء الشمس..وأستفيد منه أيضاً..أتأمل النجم العالي في السماء محلقاً بأجنحة ذكرياتي...أستمد السلام المفقود في العالم من شجر الزيتون وأظل أحلم....أحتضن القطة الجميلةو أري بعض البراءة المفقودة في عينيها ..وأبثها حب مشتعل بداخلي _ده للبنات فقط دي :)) _
أستمتع بلحن الآلة الموسيقية ...أنبهر بالبرق ويختطف بصري معه...وأقول سبحان الخالق...
والكثير من النعم التي أنعم الله بها علي ..فبالتالي...أعتقد إني مهما كان موقفي سيئاً فعلي الأقل ما زلت أحس ببعض هذه النعم
وأتمني أن أظل كما أنا
تحياتي لرومانسيتك المغرقة البوست دي...والله مستخسر تعليقي فيها

Ert3ashat said...

جميله اوي اجاباتك يا ريمو :)

عارفه..اكتر حاجه عجبتني

البحر وقت الغروب

Anonymous said...

so lovlely, so dreamy, so wild!!!

:)

Amyra said...

اجابتك ترسم شخصيتك...الرومانسية الحالمة...المسالمة... المحبة

دمت بكل خير
:)

Amany said...

ياه حلو اوى
حلو الاحلام

Reemo said...

ضياء
انا عجبتنى الخاتمه اللى ضيفتها للحلم
واكي طبعا ان ربنا اكرمنى بانه خلانى انسان اقدر استمتع بكل الاحلام دى
بس ده ميمنعش ان يكون فيه مساحه من التخيل ولو صغيره
تحياتى
-----------
ارتعاشه
ميرسى ليك بجد
دايما رافع من روحى المعنويه
تحياتى
-----------
epi
i think u got wt i mean
right my sweety
luv u (F)
-----------
ندا
بحس كتير ان فى تشابهه بين شخصياتنا
واذا كانت شخصيتى بكل الجمال اللى قلتيه ده فشخصيتك اكيد اجمل
محبتى يا جميلتى
:)
-----------
sokoothansawat
حالا هشوفه
تحياتى
-----------
أمانى
انتى احلى يا قمر
محبتى

BinO said...

السلام عليكم
الأخت ريمو
الكلمات ظريفة
ولكن من باب التناصح أعتقد انه لا يجوز هذه الجملة
لو كان بامكاني أن أكون آلهة, لكنت فينوس ــ رمزا للجمال
وجزاكم الله خيراً

Reemo said...

الأخ بينو
انا أكيد مقصدش من الجمله دى زى ما فهمت ده كان موضوع عند صديقه وانا اقتبسته وغيرت التمنيات من وجهه نظرى بس تجنبا للشبهه انا هغير الكلمه
وشكرا للتناصح
نورتنى بالزياره
تحياتى

خيرالدين said...

احييك على الفكره الجميله
والرومانسيه الواضحه فى الاجابات


لو كان بامكانك أن تكونى
شخصيه تاريخيه

شخصيه سنمائيه

بلد
تختارى ايه؟؟
تحياتى

Hannoda said...

كلها معاني جملة و أكتر حاجة حسيتها قريبة مني هي شهر مارس
والورده الحمرا في كتاب عاشق

وأعتقد لو كان بإمكاني أن أكون شيئا ما أعتقد بأني لن أعثر على ما يقبلني و أقبله غير ما كنت عليه .. ولكن الأمنيات دوما تبعث في أرواحنا أمل كالطاقة

تحياتي

شيماء الجيزى said...

تعرفين

لو كنت اريد ان اكون انسان ..لكنت ريم

بكل ما فيها من جمال وحب للحياة
وحب للاخرين
بكل ما فيها من رقة وعذوبة وهدوء وعقل
بكل ما فيها من رومانسية وعاطفة جميلة رقيقه

ابدعتى صغيرتى وصديقتى العذبة
فلقد تمنيتى كل الجمال فى هذا الكون
لتكونى انت
كل ما يطوق حياتنا من جمال

.......................

وحشتينى يا بنتى انتى فين
ريم مش لاقياكى ليه؟
ياريت تكلمينى

سلاماتى وقبلاتى

Noony said...

لو كان بإمكاني أكتب تعليقاً... كنت كتبت كلام كتير..بس يعجز لساني عن الكلام
:$
بس اشمعنا سندريللا؟ أنا مش بحبها بحس انها خدامة عديمة الشخصية وجت معاها كدة ان حبها أمير عبيط...ازاي خدامة تتجوز أمير وتبقى في يوم من الأيام ماسكة حكم بلد!؟

بصراحة..انتي رقيقة أوي
بجد وحشتني رقتك
ويلكم باك يا حبي

:)
نوني

سندباد said...

اعتقد مفيش تعليق مناسب للجو الجميل اللي عشت فيه وانا بقرا البوست
وكل امنية انتي بتتمنيها بقول لنفسي طب وانا عايز ابقي ايه
تحياتي للحظات الجميلة اللي عشتها
مشكورة للغاية

LAMIA MAHMOUD said...

كوني كما تمنيتي

او على الاقل حاولي

heba labeb said...

remmoo
miss u so much
bgd elpost da to7fa m3 eno comment so late
bs bgd elpost da wd7 2d eh ente ra2e2a wgamela awii mn gwa
wenk mosh fe zmnk asln
w7shtene 3la fekra
wtmnen 3leke
luv u
big hug& big kiss(k)

Mohsen Abouzeid said...

Thanks,

Really great post,simple and very touchy.
Thanks for enhancing our immagination skills to fly way up and far reading your words.

رينـــــــــــا said...

ايه يابنتى الرقه والعذوبه فى الكلام والوصف دا
بجد رقيقه زى ما انتى
تسلم احلامك الى ودتنى دنيا تانيه بعييييييييييدة

حزيــــــــــــــــــن said...

لو بطلنا نحلم نموت

إبـراهيم ... said...

لوكنتي ،،، لو بصـراااحـة إنتي كده أحلى من دول كلللهم يا ريموو ...... ولا إيه يا جمــاعة ؟
إنتي مثلاً أحلى من الشروق، لأنك ممكن تدي الأمل ف الغروب كماااان،، و أكــيد أحسنمن قطـة بكثييير ، و برضووو أحسن من النجم اللي عالي مش بنعرف نطوله،،،، ...

إلخ

نورتيني ، وحبيت أعدي أرمي ســلامي

خااااالـــص تحياتي ريمووو

الطائر الحزين said...

ياليتنىى فكرا ينشر الخير والحق والجمال
تحياتى

حصان بري said...

لو كان بامكاني أن أكون كلمة لكنت كلمه السعاده ــ غايه كل الناس
.
لو كان بامكاني أن أكون موضوعاً لكنت الحب ــ مكانى دائما فى القلوب
.
لو كان بامكاني أن أكون جزءا من الجسد لكنت العينين ــ لغه الكلام الأولى
.
لو كان بامكاني أن أكون شكلا هندسيا لكنت دائرة ــ نهايتها هى بدايه جديده لها

طيب يعني انا اعلق اقول ايه؟
رومانسيه وصفاء و جمال
لو كان بامكاني ان اكون كومنتا لقلت احلي كلام
بجد حلو يا ريم-

تــسنيـم said...

_ابتسامة كبيرة_ بسبب ضيق وقتي لم اقرأ بوستك هذا إلا بعد تدويني لبوستي وكم سعدت كثيرا بتشابه أحلامنا والمثير للدهشة أنني رأيت في نفسي الفراولة ولكن غلبني البرتقال وممزهوة أنا بشجر الزيتون ولكن أخذتني شموخ الصفصافة وتخيلات نفسي دائرة لابداية أو نهاية لها ولكن أسرني الوضوح في الخط المستقيم
وكم روادتني فكرة أن أكون حمامة ولكن حلم السنونو في الحصول على الدفء غلبني في النهاية..

سعيدة أنا جدا لتشابه أحلامنا وأفكارنا وأسبابنا أيضا وفي النهاية لسنا إلا بشر نملك فقط الحلم


محبتي وقبلاتي ووحشااااااااني كتير

محمد حمدي said...

فى تدوينات تعليقى بيفسد جمالها

ودى واحدة منهم .. عشان كدة مش هقول تعليق

سلام

احساس لسه حى said...

عزيزتى
لو كان بامكانك ان تختارى بين كل هذه الاشياء وبينك
ستختارين ان تكونى انتى ولم تختارى غيرك
بيديك ان تكونى كل هؤلاء
بان تكونى انسانة شفافة
بكل معنى للشفافية
سلام

رفقة عمر said...

عارفه كل اختيارتك جميله
وانا كنت هاختار مثلك نفس الاختيارات
ولكن الاختلاف هايكون فى البرق لانه احيانا يكون مدمر احب اكون سحاب لانه يحمل الخير وشكله جميل فى السما
او انى اكون قطه لانه بها غدر
لكنى احب اكون غزال فى طيبته ورشاقته وعدم مبادرته بالهجوم على احد

vision said...

فظيييييييييييييييعه بجد بجد والله جميله اوى المدونه كلها اصلاا انا مبسوطه جدا انى لقيت مدونتك فعلاا دخلتنى فى حاله جديده

إنسان || Human said...

جميل جدا انا مسرور جدا للزيارة الأولى

Ali Mahdi said...

الله الله علي الكلام الجميل ده
بس احلى حاجة عجبتنى انك اخنرتى الفراولة كثمرة الاختيار

بس اللى مش فاهمه حكاية يوم الاتنين والربط بين حاجتين
بس عموما فكرة مبتكرة ورائعة
تحياتى

smraa alnil said...

يااااااااااااااااااااه
يا ريمو

عارفة اللي بامكانك تكونيه دة
والله العظيم بيعبر عن انسانة من الدرجة الاولي

انا كدة كدة عارفاكي من جوة
وحاساكي اوي

بس انتي رسمتي مين ريم في كلامك دة

اصبري انت بس وبرةتقولي انوج قال
فاهماني يا قطة
:))

Anonymous said...

جميل جميل جميل
خدتينى وراكى على بساط الريح وسافرت معاكى لحلم جميل كونته الكلمات
كلمات فى منتهى الرقه والعذوبه وان دلت فهى تدل على شخصيه صاحبتها جدا
تحياتى ليكى يا رقيقه
:)

ابو العربى said...

رائع رائع اكثر من رائع والله

لو كان بامكانى

لكنت صاروخ كاتيوشا فى ايدى المستضعفين

لكنت رغيف فى ايدى الفقراء

لكنت ابتسامه على وجه طفل يتيم

تحياتى

Reemo said...

e7na
ميرسى اوى على
الكلام الحلو ده
لو كنت شخصيه تاريخيه
ممكن احدى اميرات العصور الوسطى
لو كنت شخصيه سينمائيه
كنت احب اكون سعاد حسنى
فى جمالها وشقاوتها
ولو كنت بلد كنت
اتمنى اكون فرنسا
:)))
ميرسى لمرورك
تحياتى
-------------
هنوده
فعلا الامنيات دائما ما تبحث عن الطاقه الخفيه بداخلنا
مبسوطه اوى بزيارت يا قمر
وحشانى جدا
محبتى
-------------
شيماء
ايه يا بنتى الكلام ده
انا بجد مش عارفه ارد عليكى
انتى بجد حبيبه قلبى
وعلشان انتى جميله بجد
شايفانى بالجمال ده
ربنا يخليكى ليا يا حبيبتى
معلش النت عندى بايظ اليومين دول
هبقى اكلمك
قبلاتى
-------------
نونى
بالعكس سندريلا اكبر دليل على ان نقاء القلب وصفاءه والطبيه ليها جزاء خير فى النهايه
بعدين سندريلا كانت فى الاصل اميره مش خدامه والظروف هى اللى جعلت منها خدامه لكنها رجعت تانى كما كانت اميره متوجه على عرشها
:)))
انتى اللى جميله اوى بجد
قبلاتى

Reemo said...

سندباد
ربنا يكرمك يارب
انا كمان بسألك انتى نفسك تكون ايه
ياريت تكتب البوست عندك بأمنياتك
اعتبره تاج منى ليك
:))
تحياتى
-------------
لومى
بجد بحاول
انتى عارفه كل حاجه
ربنا يقدرنى بس
واقدر اكون زى ما بتمنى
قبلاتى
-------------
هوبه
انتى كمان جميله اوى
وبحسك قريبه ليا اوى
وشبههى فى حاجات كتير
انا كمان بحبك اوى
وحشانى كتير
kiss
--------------
محسن
انا اللى ميرسى على
الكومنت الجميل ده
مش عارفه بجد اقولك ايه
ربنا يكرمك يارب
تحياتى

Reemo said...

رينا
بجد لو كنت انا رقيقه
تبقى انتى الرقه نفسها
ربنا يكرمك يارب
ويتمملك على خير
واشوفك احلى عروسه فى الدنيا
قبلاتى
--------------
حزين
أكيد الانسان طول ما هو عايش بيحلم
وكل ما بيخلص حلم بيبدأ تانى
تحياتى
--------------
ابراهيم
ربنا يخليك يارب
ياريتنى اكون شايفه نفسى
بالجمال اللى بتقول عليه ده
سلامك وصل
وميرسى اوى على مرورك
تحياتى
--------------
الطائر الحزين
اكيد لو قدرت توصل فكرك
وكلامك وأراءك حتى لو لمجموعه قصيره
تبقى اكيد نجحت انك تكون الفكر اللى عايزه
سعيده بالزياره
تحياتى

Reemo said...

حصان برى
بجد من غير ما تكون الكومنت
انت فعلا قلت احلى كلام
ربنا يكرمك يارب
سعيده بمرورك
تحياتى
-------------
تسنيم
هقولك زى ما قلت فى التعليق
تشابهنا فى اختياراتنا
واختلافنا فى اسبابنا
وفى النهايه اجتمعنا فى رقم واحد
انتى كمان وحشانى كتير
قبلاتى
-------------
محمد
مرورك بس احلى من كل التعليقات
من غير ما تقول تعليق
اسعدتنى بكلمك اللى مقلتوش
:)
تحياتى
-------------
احساس لسه حى
متفقه معاك تمام
لكن فى بعض الاحيان
نتمنى الأحلام
ونترك العنان لخيالنا
لنسرح فى دنيا الامنيات
نورتنى بالزياره
تحياتى

Reemo said...

رفقه عمر
البرق جماله فى انه خاطف وغامض
لانه مش بيستمر لوقت طويل
وده اللى بيشد كتير اوى ليه
وبيستنو يشوفوه لو للحظات
اما القطه فمبتغدرش غير باللى يأذيها
وساعاتها أكيد هيكون يستاهل الغدر
انا سعيده جدا بزيارت بجد
ربنا يكرمك يارب
محبتى
--------------
camera_girl
أنا اللى سعيده اوى بزيارتك
وياربت تتكرر كتير
ميرسى على الكلام الحلو ده
تحياتى
--------------
Human
ميرسى للزياره الأولى
اتمنى تتكرر
نورتنى
تحياتى
--------------
أحمد مغازى
يوم الاتنين ربط ما بين
بدايه الأسبوع ونهايته
ورقم الاتنين جمع مابين واحدين
يعنى برده ربط بين اتنين
ميرسى على الكلام الحلو ده
ربنا يكرمك يارب
تحياتى

Reemo said...

نوجا
فاهماكى يا قطتى
وصابره اهو
بس انتى عارفه اللى جوه شكله ايه
برغم الدرجه الأولى دى
بس....
انتى فاهمه
قبلاتى
-----------------
وينكى
كتير اوى بجد عليا الكلام الحلو ده
بساط الريح بستمده من جمالك كلماتك
والأحلام جزء من شخصياتنا
ميرسى يا قمر على كلامك الحلو ده
قبلاتى
-----------------
ضد الظلم
كلماتك بتدل على اسمك بجد
وبتعبر عن الشخصيه الجميله
اللى جواك
ربنا يكرمك يارب
ميرسى لمرورك
تحياتى

غمض عينيك said...

ايه ياعم بس الكلام الجامد ده
لو كان بامكاني اني اكتب كنت كتبت تعليق جامد جدا

لكن قدام الروعة والحساس الجميل ده مش اقدر اقولك غير بجد
جميل جميل

تحياتي ليكي
محمد سمير

Reemo said...

محمد سمير
مفيش تعليق أجمد من اللى كتبته ده
ميرسى على الكلام الحلو ده
ربنا يكرمك يارب
تحياتى

3abdo me7tas said...

كلامك جميل فعلا
وعشان كده يعجز لسانى بجد انى اقول اى كلمة
اكتر جملة عجبتنى اوى هى
لو كان بامكاني أن أكون مخلوقاً آخراً لكنت قطه ــ ناعمه دائما لكن حذارى ان تؤذيها
فعلا هى دى الحقيقة

دينا فهمي said...

هو انتى قررتي تقاطعيني؟؟؟ ):

يا مراكبي said...

أحلامك كتيرة قوي يا ريمو .. كل واحد فيهم عايز حياة منفصلة علشان يقدر يعيشه

تصدقي إني أعرف ناس كتير وأنا منهم ممكن يشتركوا معاكي في الأحلام دي؟

لو كان بإمكاني .. كنت بقيت كل دول مع بعض

Unknown said...

امنيات جميله

بس احنا في الأخر بشر

والأجمل انك ريما (:

أميرة said...

حلوة اوى الفكرة دى ممكن تبقى تاج على فكرة وتلف على الناس ونشوف بيتمنوا يبقوا ايه

بحييكى

سلامى

أُكتب بالرصاص said...

الفكرة حلوة قوي ،
وحاولت اعملها مع نفسي...
بس لاقيت النتائج لا تسر عدو ولا حبيب

قضية عم أحمد Ahmed Case said...

صدق القائل تكلم حتى اراك
وانا رايتك بكلماتك الجميلة
رائع با ريمو

No Fear said...

السلام عليكم
أنا بحب الصورة اللي أنت حاطها في البروفيل بتاعك
أنا علي ما أعتقد دي أول مرة أعلق عندك و أنا سعيد أنها جت في البوست الرائع ده
أنت جبتي الحاجات دي كلها منين
شكل دماغك مش ممكن
ياريت نكون أصدقاء بس شكلك هتتعبيني
سلام

كراكيب عادل said...

كل دي احلام وامنيات

طيب خلي شوية للباقي

بس اجابات زي العسل وكلها فلسفة وعمق وتفكير مش مجرد اجابات

دي كل اجابة بتعمل مية اجابة بعدها

انتي عسل

زى الهوا said...

تخيل رائع والبلوج حاسة انه بينطق اصلا , وجميلة اوى الخاتمة اللى كتبها ضياء , والاغنية رائعة اوى على فكرة

truelove said...

ميل قوي اننا نكون اجمل في كل شي واننا نكون اساس للجمال شعور اكيد بيخلنيا في حالة سعيدة جدا

micheal said...

هذا البوست بأمانه من أروع ما قرأت...و يا سلام لو يجي اليوم اللي نبطكل فيه كلمه لو و تتحول لامر واقع
تحياتي

بسمه عبدالباسط said...

بجد موضوع مهم قوى
وأحلام جميلة جدا
يارب تحققى كل أحلامك وأمنياتك
تحياتى لكى

دينا فهمي said...

انتى يا بنتى
مختفية فين؟؟

shermen said...

hi remoo wa7ashteny awy el post da gameel gedan w 3agany awy
men zaman mada7àltesh my friends blogs plz forgive me bye

فى القلب said...

أنتى انسانه عاليه المشاعر
الرمانسيه الحالمه ألى مليه النص غرقتنى معها

Reemo said...

3abdo me7tas
ميرسى لزوقك بجد
هى فعلا القطه دايما ناعمه ومحبه
بس لو اذيتها
بتخربش على طول
سعيده جدا بمرورك
نورتينى
تحياتى
----------------
امرأة تقول الذي لا يقال
لا طبعا أنا اقدر يا قمر
قبلاتى
----------------
مراكبى
اتفضل معانا
الأحلام كتير
وتساع كل الناس
ياريت نقدر نكون غيرما احنا
:)))
منورنى دايما
تحياتى
-----------------
اسراء
والأجمل انك انتى
اللى كاتبه الكلام الحلو ده
قبلاتى

Reemo said...

أميره ويلز
فعلا هو ممكن يكون تاج
أقولك
اعتبريه تاج منى ليكى
وجاوبى عليه
:))
ايه رايك ؟
تحياتى
-----------------
أكتب بالرصاص
ليه بس كده
صدقنى انت بس جرب
وهتلاقى النتايج حلوه
منورنى
تحياتى
-----------------
أحمد رفعت
بجد مش عارفه اقولك ايه
ربنا يكرمك يارب
تحياتى
-----------------
no fear
اهلا بيك فى أول مره تعليق
وياريت تتكرر
الحاجات دى كلها جوايا
:))
منورنى
تحياتى

Reemo said...

عادل
احنا قدامنا ايه غير الحلم
وبعدين مفيش اسهل منها
اللى عايز يتفضل
ربنا يخليك
يا رافع من روحى المعنويه دايما
:))))
تحياتى
------------------
زى الهوا
فعلا خاتمه ضياء كملت البوست
اسعدنى مرورك جدا
ميرسى
تحياتى
------------------
truelove
أكيد طبعا
الله جميل يحب الجمال
بس مش مهم اننا نكون الأجمل
المهم نكون مرتاحين
:))
تحياتى
-------------------
micheal
ياريت كانت الأحلام تتحول حقيقه
بس للأسف فى بعض الأحلام
استحاله تكون حقيقه
ومع ذلك لا يسعنا الا الحلم
منورنى
تحياتى

Reemo said...

bosbos
يارب تحققى كل الى بتحلمى بيه
طول ماحنا عايشين لازم نحلم
لو بطلنا نحلم نموت
نورتينى
تحياتى
-------------------
امرأه تقول الذى لا يقال
انا هنا اهو يا قمر
بس كنت مشغوله شويه
اناجيت خلاص
ميرسى لسؤالك :))
محبتى
-------------------
شيرى
انتى وحشانى أكتر يا حبيبتى
فينك؟؟
ولا يهمك يا قمر
اهم حاجه انك تكونى بخير
قبلاتى
-------------------
فى القلب
ربنا يكرمك يارب
ميرسى بجد على الكلام الحلو ده
تحياتى

maioya said...

I THINK IF I HAVE TO CHOOSE THE WOUNDERFUL BLOG ILL CHOOSE UR SURE!!
SO NICE WORDS SO NICE DREAMS
FOR NICE PERSON

طارق هلال said...

حلو أوى أوى
انتى أكثر من رائعة ومدونة جميلة جدا

أفكارك مستحيلة وجميلة

kafrawy said...

لو كان الامر امرى

..............


مكانتش جيت الدنيا دى اصلا



تحياتى