Saturday, July 14, 2007

مفتاح شفاه


حاول مرارا

وامتنعت تكرارا

وبعد عده محاولات عابثه

ما بين رغبه ومقاومه

واشتياق اجساد واشتعالها

التقت شفتاهما

واستطاع ان ينالها

وان يذوب من حراره قبلاتها

ويستمتع بلهفه جسدها

فما ان ذاقها

حتى رفضها

واعرض عنها وزهدها

ظاننا بانه قد امتلكها

ونجح فى اختراق اسوار قلبها

والسيطره عليها وترويضها

لكنه لم يدرك يوما

بأن مفتاح قلبها

لم يكن ابدا فى شفاهها

................

61 comments:

Epitaph said...

never firey passion is the way to win a heart of gold!

wtg ReeMo, a powerful return!

the key to one's heart (especially women) is so hard to get and is never by desire, but rather care and love and warmth :)

كراكيب عادل said...

انا مفتاح قلبي معدتي اكلة جميلة متسبكة ابصم بالعشرة

دة عني اما عن المرأة معرفش شوفيهم

:)

hosnysoliman said...

العزيزة ريمو
انا على فكرة اول مرة ادخل البلوج ده ولكن واضح انى لازم حاكمل باقى البوستات السابقة..فكرة البوست جميله وطريقة عرضها اجمل وفلسفة الموضوع اقوى وجراءة التناول الذ

may said...

انا مفتاح قلبي معدتي اكلة جميلة متسبكة ابصم بالعشرة

دة عني اما عن المرأة معرفش شوفيهم

اه اخرهم بردو اكله حلوه في مطعم شيك:D


عوده بقوه ياريمو
كلماتك وتعبيراتك اكتر من روعه
يروضها يمتلكها يذوب
تحفه عجبتني اوي
وفعلا عمر ماكان مفتاح قلب المراه في شفاه
ومش اي حد ممكن يلاقيه
بدليل مثلا العلاقات العابره واللي احيانا غير شرعيه
مش نستمر ولابتدوم
الاهتمام وانها تلاقي حد يسمعها دايما وجمبها في كل وقت محتاجاله
حد حنين معاها حاجات كتير اوي مش بس كده زي مافكر اللي في البوست ده
نايس بوست ياريمو
regards

LAMIA MAHMOUD said...

مش عارفة اقولك غير ان كلامك صح اوي اوي

Mohamed Hamdy said...

طول عمرى بحب الكلام المختصر المفيد .. وبجد البوست دة مختصر ومفيد , كمان مصرحتيش انو باسها .. اكتفيتى بالتلميح , ودة ممتاز ..

ريم .. بالإضافه إلى أنك ديزاينر ممتاز إنتى كمان إنسانه وكاتبه موهوبه جدا

تحياتى لقلمك المرهف

Amr Ahmed said...

البوست حلو وجرئ


كنت كاتب بوست قبل كده زيه

والصورة معبرررررررررررررررررة

ههههههههههههه

Mohamed A. Ghaffar said...

ولماذا اعطته كل ذلك وهو لم يعرف مكان مفتاح قلبها بعد

Diyaa' said...

إيه الجمال ده
الجمال مش في الأسلوب ولا في الصورة ولا أي حاجة
يكفي إن الفكرة عششت في دماغي بعد ما خلصت قراية ..وكل ما أقرا تاني ..تعشش أكتر وتخليني أفكر أكتر

وأحس إني عايز أقول
لو مسكت نفسها عنه واحترمت اللي خلقها ومنحها نعمة الإحساس..أكيد مكانتش هتسمح لشيطانه ولخسته بالظهور
لأنهم كده كده موجودين بس في اللي مش بيستعد للتصرف بالشكل ده بسهولة وفي اللي مستحيل يعمل العملة ويهرب..وفي اللي من أول قبلة بيراجع نفسه ويكتشف إنه خلاص وصل بدري ومتنفعوش

وأقول برضه
الأنثي رغم ضعفها وقت الجرح وضعفها وقت الفراق وضعفها في أوقات كتيرة جداً في العلاقة دي..بس هيا الأقوي لأن مستحيل التذوق يتم من غير رغبتها ..وبالتالي ..للأسف تتحمل مسئولية اعتقاده إن المفتاح يكمن في شفاهها ..

ربنا يبعد بنات المسلمين عن اللحظة دي أصل المتأمركات منهم زادوا أوي ومبقاش في أهل يفكروا البنت بحدود وضعها ليهم ربنا عز وجل

المهم نورتي مدونتك ونور جامد أوي ويكفي إني فكرت ييجي نص ساعة قبل ما أكتب
ومصدقت أرغي بقي

وأتفق معاكي إن عمر مفتاح عاطفة الأنثي هيكون في شفاهها مهما كانت
سواء مثقفة أو غير ..تافهة أو ذات قيمة ..باردة أو بتحس..بتفهم أو مش بتفهم ..وحمار اللي يفكر كده...سلام عليكم

طولت جداً

كراكيب عادل said...

محمد عبد الغفار

دايما بتجاوب عني يا صديقي الغائب

انا اهرب وانت تواجه

ازيك ياريموووووو؟؟

:)

بحاول اكون said...

ازيك يا ريمو وحشتيني جداً وحمدلله على السلامة يا قمر نورتي عالم المدونات
كلامك رائع ومعبر جداً اما بالنسبة لمفتاح قلبي فاهو الحنية والتفاهم والاهتمام بيا لو حصل ده ابصم بصوابعي كلها انه مش هيملك قلبي بس ده هيملكني كلي
تحياتي ليكي يا جميل
سلام
منى

Ert3ashat said...

جمييييييييييييييييييييييييلههه
انتي رائعه
والله دي من اجمل القصايد للي قريتها
بجد احييكيييييييي

حمدلله على السلامه يا ريمو
وبجد قصيده حلوه اويييي

احمد رفعت said...

مش عارف اعلق اقول ايه .

بس اظنك فهمتي ماذا اقصد بسكوتي عن التعليق

محمد العنانى said...

ههههههههههههههه
هل هو كان يبحث عن المفتاح
نصيحتي له ان لا يبحث عن مفتاح امرأ
تحياتي لملكه جمال المدونون

sendbad said...

كنا مفتقدين هذا الاحساس من فترة طويلة
مفتاح القلب الاحساس بيه
دي وجهة نظري

بيسوو said...

ريمو..بجد اصبت كبد الحقيقة زي مابيقولوا

مع العلم ان الموضوع جرئ بس انت ناقشتيه بطريقة رائعة

طيب تفتكري الست مفتاحها ايه؟؟
عايزاكي تردي عليا

يمكن الست لما بتحب بتكون اضعف مخلوقات الله..يمكن هو ده سبب انها ممكن تغلط
كل شئ جايز
من الاخر البوست عجبني موووت

reri said...

عود أحمد
وحمد الله علي السلامه يا ريم
أما عن البوست
فهو صح أوي
وواقعي أوي
بس بإسلوبك الجميل

سلاماااااااااات

ahmEd_H said...

رائع

e7na said...

بس اللى يسيبها بالطريقه دى يبى مش محتاج مفتاح قلبها

البوست اسلوبه جميل وكلماته رشيقه جدا

zordeak said...

انا جاى اقولك حمد الله عالسلامة

مع انها متأخرة شويتين

هيا متأخرة كتيير صراحة

بس انتى عارفة بقى ظروف الامتحانات وعدم التواجد الكتير فلسه مكتشف حكاية رجوعك دى دلوقتى


عودة قوية

ومبروك عالنيو لوك

:)

حزيــــــــــــــــــن said...

ازيك
انا سألت عليكى كتير حمد الله على السلامه
بقى اغيب فترة الامتحانات ارجع الاقيكى قافله وكمان شيلتى اللينك بتاعى من عندك
بس عموما انا مش هشيل اللينك بتاعك حتى لو مش هتيجى عندى تانى
انا فاكرلك معايا جميل انك اول حد علق عندى
حزين
على فكره الراجل دا اللى بتحكى عنه فى البوست اغبى راجل سمعت عنه فى حياتى

حزيــــــــــــــــــن said...

دخلت عشان اعلق تانى اصلى بصراحه مستغبى الواد دا واى اللى البنت دى عملت معاه كل حاجه وهو طلع حيوان مبيفهمش

بس الكلمات جريئه شويه
اتمنى يكون الغياب كان سببه خير

~ Bato0ot ~ said...

bgd gamil awy el post ya reemo w 7a2e2y gedan .. alb ay bnt msh fe shefaha!!
gamila gamila el mokhtsar el mofeed f3ln

Ahmed Moghazy said...

اولا حمد الله على السلامة
وعودة قوية ان شاء الله
ومش عارف ليه حاسس ان فيه علاقة بين البوست الذيذ ده وفترة الغياب اللى مريتى بيها
مجرد احساس

خير الكلام ما قل ودل

لكن انا عاتب عليها انها تسلمه شفتاها قبل ان يتسلم مفتاح قلبها

بوست جميل بجد ويستحق القراءة اكثر من مرة
تحياتى

إبراهيم محسن said...

روعة جداً
وبتنقل المرأة من المساحة المحدودة التي يظن فيها البعض ان المرأة جسد
وان الوصول لقلبها يأتي بالجسد

كنت دائماً موقن أن الروح أقوى
وهي التي تنتصر في النهاية

فيه كلام كتير عاوز أقوله
بس مش هينفع في التليفون
:)

لأ بجد انت هايلة جداً
تحياتي

Nada said...

لا في شفتيها و لا في جسدها

هو لا يرى و لا يفهم

و لن يفهم

و ا
ل
إ
م
ت
لا
ك

مرض لكنه منتشر جدااااااااا

دمتي بخير يا صديقتي

Baher said...

الله جمييييييييييييل اوى اوى اوى

BaTresYa said...

ذكاء المرءه انت توهم الرجل بأنه امتلكها ...ولكنه ليس كذلكـ

يا مراكبي said...

عودة من أقوى ما يمكن

فكرة في منتهى الرقة .. حقيقي من أروع ما كتبتي

تصفيق حاد

The Alien said...

كتير من الولاد بيفتكر فعلا إنهم ممكن يمتلكوا المرأة عن طريق جسمها
بس فعلا الحقيقة مش كدا
ودا اللي لازم الولاد يفهموه

حلو جدا عرضك للموضوع
وكلماتك سهلة وجميلة
تحياتي

شيماء الجيزى said...

ريم

العزيزة دائما

لم يكن ابدا مفتاحها هو الشفاه
لم يكن ابدا المغزى منها هو الشفاه

هذا ما نحاول ان نقوله دائما

احسنتى عزيزتى

ولتعذريننى ..فلا توجد كلمات تناجى ما قلتى
وما كتبتى

احسنتى بالفعل

تحياتى

Reemo said...

جوجو
اكيد ارغبه مبتملكش اى حد وخاصه المرأه
الحب والمشاعر والاحتواء
هى المفتاح الوحيد لقلب المرأه
القوه دى انا جيبتها منك يا قمر
;)
----------------
عادل
لو على اكله جميله متسبكه
تبقى سهله
أظن كل مرأه عبرت عن احساسها بنفسها
اقرى الكومنت وانت تعرف
:D
-----------------
حسنى سليمان
زيارت ليا ده يسعدنى جدا يا فنان
ومبسوطه بجد ان الموضوع عجبك
وشجعك تقرى باقى البوستات
تحياتى
-----------------
مى
ربنا يخليكى يا قمر
فعلا متفقه معاكى
العلاقه اللى بتكون اساسها جسد
مش ممكن تدوم فى يوم
لو مكانش فى حب اكيد مفيس استمرار
محبتى

Reemo said...

لميا
ياريت بس هما يفهمو انه صح
متقوليش حاجه يا قمر
لانى حاسه بكل كلامك من غير ما تقوليه
محبتى
-----------------
محمد حمدى
خير الكلام ما قل ودل
وميرسى جدا لمجاملتك وكلامك الحلو ده :)
تحياتى
-----------------
عمرو
الصوره هى سطر اخير فى نهايه كل بوست فيه خلاصه الكلام :)
تحياتى
-----------------
محمد عبد الغفار
الرغبه جزء من الحب
ومش معنى انه ضيع المفتاح انها مش بتحبه
الرجل دائما ما يبدا حبه بمشاعر لكنه دائما ما ينتهى برغبه
الرجل حبه مادى لكن المراه حبها معنوى
المرأه لما بتحب بتتفانى فى الحب ده
بس رجال كتير مش بيفهمو كده
وبيتخيلو انهم ممكن يملكو المرأه طالما انهم امتلكو الجسد
ويبداو فى اهمال احساسها وده غلط
مفتاح المرأه فى المشاعر والاحاسيس والاحتواء
واهماله معناه ضياع مفتاح القلب
اتمنى اكون قدرت اوصل وجهه نظر كثيرات :)
تحياتى

Reemo said...

ضياء
بعض ما عندكم :))
أكيد طبعا انا متفقه معاك فى كلامك
بس ساعات الطبيعه الانسانيه بتتغلب علينا
والحب لما بيسطير على المرأه بيخليها تتنازل
لان اللى بيحركها بيكون دافع الحب وارضاء الحبيب وده كتير بيفقد الواحده القدره على التفكير واحكام العقل
انا مش بدافع عن اكيد عنها التصرف ده بس انا بشرح احساس بيتملك كتير جدا هو اكيد مش عذر بس للأسف انه حقيقه بتحصل كل يوم وكل ساعه
انت كمان تعليقك دايما بيخلينى ارغى :))
أخر سطرين حاسه انى عايزه اكتبهم بوست لوحده لكل حمار يفتكر كده :))
طول براحتك البلوج بلوجك :)
تحياتى
-------------------
عادل
طيب وليه تهرب
ما تتشجع وتقول كده وتناقش زى محمد عبد الغفار
ولا هى المناقشات متنفعش غير على الميل ;)
انا فل انتى عامل ايه ??
:)
-------------------
منى
ازيك انتى يا قمر
وحشانى اكتر :)
مفتاح قلبك هو مفتاح قلب كل البنات يا جميله
محبتى
-------------------
ارتعاشه
ميرسى اوى لمرورك ولكلامك الجميل :)
الله يسلمك يارب
تحياتى

Reemo said...

احمد رفعت
انا مفهمتش سكوتك
مش عارفه هو سكوت بسبب اتفاق فى الرأى ومش لاقى إضافه
ولا هو اعتراض على الموضوع وعلى الفكره
بس فى الحالتين اتمنى توضح لانى فعلا مش فاهمه
المناقشه احسن كتير من السكوت
تحياتى
-------------------
محمد العنانى
مفتاح المرأه سهل جدا
بس هو محتاج ان الرجل يكون على درايه باحاسيسها ومشاعرها
ميرسى لزوقك :)
تحياتى
-------------------
سندباد
وجهه نظرك سليمه جدا
مفتاح القلب الاحساس بيه
تمام
تحياتى
-------------------
بيسو
سؤالك انا جاوبت عليه بين سطور البوست
بس هجاوب عليه تانى
مفتاح المرأه الاحساس
الحب
الاحتواء
الدفء
الأمان
حتى لو المرأه ضعيفه فى حبها
حتى لو حبها ممن يخليها تغلط
لكن عمر ما حبها يستمر من غير الحاجات دى ابدا
اسعدنى مرورك
محبتى :)

Reemo said...

ريرى
الله يسلمك يارب
مبسوطه ان البوست عجبك
وميرسى لسؤالك عليا يا قمر :)
محبتى
------------------
أحمد
بشكرك
------------------
e7na
أكيد مش محتاجه ولا يستاهل حبها
ميرسى لمرورك
تحياتى
------------------
أحمد
الله يسلمك يارب
ربنا يكون فى عونك فى الامتحانات يارب
الله يبارك فيه :)
بالتوفيق ان شاء الله
تحياتى

Reemo said...

حزين
الله يسلمك يارب
معلش الغياب كان لظروف خارجه عن ارادتى
اللينك بتاعك لسه موجود زى ماهو
تحت اسم
حزين ... مزاجه
تلاقيك مخدتش بالك
انا مقصره فى زيارتك
لكن اكيد هزروك انا مقدرش مجيش عندك تانى :))
بالنسبه للراجل اللى فى البوست
فللأسف ان النوعيه الغبيه دى منتشره جدا
تحياتى
-------------------
بطوط
أكيد قلب البنت مش فى شفايفها
واللى يعتقد كده يبقى مبيفهمش
انتى اجمل يا قمر
ميرسى بجد لتعليقك وتشجيعك
محبتى :))
--------------------
أحمد مغازى
الله يسلمك يارب
ميرسى لسؤالك عليا فى غيابى
ربنا يكرمك يارب
البوست مجرد خواطر يا احمد
فعلا ملهاش علاقه بالغياب :)
هو تسلم مفتاح قلبها لكن اعتقد انه امتلكها لما امتلك شفايفها ونسى مشاعرها وده خلاه ضيع المفتاح للأسف
اسعدنى مرورك
تحياتى
--------------------
ابراهيم
اكيد طبعا الروح اقوى من الجسد وبتنتصر فى النهايه
والفئه اللى بتحصر المرأه فى المنظور الضيق ده
بتفشل دائما فى امتلاك قلب اى مرأه
انا بقول برده الكلام الكبير ده مينفعش فى التليفونات نخيلها لما نتقابل بقى :))))
تحياتى

Reemo said...

ندا
لا يفهم ولن يفهم
هى دى خلاصه الموضوع فعلا
ا
ل
إ
م
ت
لا
ك
مرض العصر يا عزيزتى :)
محبتى يا احلى صديقه
--------------------
باهر
ربنا يخليك
ميرسى لمرورك
تحياتى
--------------------
BaTresYa
بس فى رجال يقدرو يمتلكو فعلا
لو اهتمو بالحب والاحساس
وخلو الجسد نتيجه له
مش اساسى
تحياتى
--------------------
مراكبى
كلامك بيسعدنى جدا
ده من زوقك
:)سعيده بزيارتك
تحياتى

Reemo said...

The Alien
ماهو ده اللى بحاول اوصله فعلا
ان طريق المرأه سهل
بس محتاج نركز فى شويه مشاعر وننسى الرغبه
سعيده بزيارتك
تحياتى
--------------------
شيماء
عزيزتى ابدا لم ولن تكون المرأه مجرد شفاه للاستمتاع
كلماتك القليله دى فى حد ذاتها بتسعدنى دائما
ووجودك كصديقه فى حياتى بيشجعنى دائما
تحياتى
--------------------

دينا صلاح said...

الست دايما ضعيفه فى حبها وبتتنازل كتير بس فى رجاله مبتقدرش ومبتعرفش تحافظ على الواحده معاه
الرجل اللى كده ميستاهلش اصلا ان الواحده تحبه لانها هتفضل طول عمرها متعذبه بالحب ده
الموضوع تحفه بجد
برافو عليكى
حمدالله على السلامه
باى

صاحب البوابــة said...

هذا لأنه لم يكن يبحث عن مفتاح قلبها اصلاً

الرجل الذكي هو من يجعل حبه للمرأة صكاً لإستلامه مفتاح قلبها

لا ان يقبلها أولاً ليبحث بعد ذاك عن مفتاح قلبها !!!

تحياتي

رينـــــــــــا said...

يمكن هو دا السبب اللى خلاه معرفش قلبها؟؟؟

Ma-3lina said...

انا بحب جدا ما قل و دل يعنى كلمتين بس فى الجون

بس هيا غلطتها انها سمحتله بالقبلة قبل ما تتاكد منه

micheal said...

مدونتك جميله أوي يا ريموو و البوست هايل بجد
تحياتي

saad said...

ah ya kalby gamda gedn
the love not in body but in haert
,i think he leave her when he take kiss he think she not good girl ,so, he leave her.
if he real fall in love he was relaze she do that to give him the seance of her love ,not to take the enjoye for her self

مروة جمعة said...

صباح الفل يا ريموووووو
حمد الله ع السلامة يا سكرة
البوست فكرته حلوة زي ماقال ضياء تمام وفكرني بحاجة كنت قريتها لإحسان عبد القدوس ..هايلة وربنا يوفقك ..وهيييييه مبروووك العودة والإنطلاق

محمد said...

ما اروع هذه الكلمات التى لا تخرج الا من اديبه متمكنه
ان الاحاسيس والمشاعر فى هذه الكلمات واضحه و مؤثره جدا فى النفس
تحياتى لكى

حصان بري said...

جميل بجد يا ريم
وعجبتني النهايه
مفتاح قلبها لم يكن ابدا في شفاهها

فعلا لكل منا مفتاحه والحبيب وحده من يعلم مكانه.
قد يكون في العقل او في الشفاه او في القلب نفسه
واعلم من دخل قلب امرأه عبر طفلها.
عوده موفقه يا جميل

lockash said...

يخرب بيت كده.. ايه الكلام الجميل ده بجد.. تعبيرك عن اللحظة دي ووصفها بجد رائع و تفكير الأنثي من اللحظة دي.. فيه حاجات كتير الواحد بيحس انه خلاص امتلكها او وصلها و هو في احوال كتير بتضيع منه او تنسرق كمان. الصورة كمان اختيار رائع..وحشتني الحركات والأفكار..

وينكى said...

عارفه الواحد لما تعدى عليه لحظه خاطفه سريعه تفضل معلمه جوا عقله لمده طويله
الكلمات دى تأثيرها جوايا كده بالضبط
كام جمله يبعثوا على التفكير
تحياتى

علي الالفي said...

رغم صدمتى من جراة الرمز
بس بجد جامد جدا جدا جدا

inksarat said...

انا اتابع المدونة منذ فترة ولكن هذا اول تعليق لى
انطباعى عن المدونه انها تحمل رؤية انسانية ومثقلة بالمشاعر والاحاسيس وقادرة على تناول الافكار بطريقة اكثر جاذبية
تحياتى لكى

Hannoda said...

دقيتي باب عاوز شجاعة للكلام فيه يا ريمو

سر الحب يبدأ منين .. عندها و عنده
ده موضوع كبير ومليان

بس تناولتيه إنت بإسلوب بليغ فعلا و سهل قوي في وصوله ليّ

تحياتي

Reemo said...

دينا صلاح
متفقه معاك دايما المرأه لما بتحب بتتنازل عن كل شئ مقابل الحب ده
بس طبعا لازم قبل ما تتنازل تتأكد ان الشخص اللى اتنازلت علشانه ده يستاهل
علشان متندمش فى يوم
ميرسى لمرورك
نورتينى
---------------
صاحب البوابه
هو فعلا لم يكن يبحث عن مفتاح قلبها
هو اوقعها فى الحب لغرض آخر
اسعدتنى زيارتك
تحياتى
---------------
رينا
السبب انه مكانش عايز المفتاح اصلا
هو كان عايز الاتسمتاع
مش أكتر
وهى بلعت الطعم واستسلمت
محبتى
---------------
مرام
خير الكلام ماقل ودل
بعدين المرأه كتير بتتنازل بهدف ارضاء الحبيب وكتير جدا هو مش بيقدر ده
نورتينى ووحشتينى جدا
قبلاتى

Reemo said...

micheal
ميرسى ليك جدا
اسعدتنى بزيارتك
تحياتى
---------------
saad
هو بالظبط زى ماقلت
لو هو كان حبها بجد كان عرف ان القبله دى تعبير عن حب
ملهاش ابدا علاقه بأخلاق الشخص
نورتينى
تحياتى
----------------
مروه
مساء الفل يا جميله
الله يسلمك يارب
وحشتينى جدا
مبسوطه ان البوست عجبك
محبتى
----------------
محمد
ميرسى بجد على كلامك الجميل ده
كلك زوق
ربنا يكرمك يارب
تحياتى

Reemo said...

حصان برى
فعلا لكل منا مفتاحه
لو الشخص حب بجد
هيقدر يعرف مفتاح الحبيب
اسعدنى مرورك
تحياتى
-----------------
لوكاش
مش مهم الامتلاك لانه سهل ان الواحد يمتلك
بس الصعب انه يحافظ على الامتلاك ده
نورتينى بزيارتك
تحياتى
-----------------
وينكى
لو دققنا فى حياتنا شويه
هنلاقى فيها لحظات كتير بتدعو للتفكير
ولقطات كتير بتترك جوه عقولنا أثر
محتاجين بس نركز شويه ونكون صادقين مع نفسنا
ياريت تكونى فاهمانى
قبلاتى
-----------------
على
الجرأه مطلوبه ساعات فى مناقشه بعض المواضيع
بس المهم انها تكون جرأه بدون خدش حياء أو اباحيه
مبسوطه جدا ان الكلام عجبك
تحياتى
-----------------

Reemo said...

inksarat
سعيده جدا بأول تعليق ليك عندى
وأسعد بمتابعتك ورأيك فى المدونه
اتمنى تتابعنى دايما
نورتينى
تحياتى
----------------
هنوده
وحشتينى جدا
احنا بندون علشان نفتح الابواب المغلقه
ونقدر نفهم مشاعرنا واحاسيسنا من جوه
ونعبر عنها باسلوب يوصل فكرتنا بطريقه سهله وكويسه
مفتاح الحب صعب جدا الوصول ليه
وكل الناس بتبحث عنه
ومناقشته أمر لابد منه
نورتينى يا قمر
قبلاتى
--------------

غمض عينيك said...

خير الكلام ماقل ودل

جميلة اوي ياريم

محمد سمير

وينكى said...

حفلة أيامنا الحلوه يوم 27 يوليو الساعه 8:30 فى ساقية الصاوى
اكبر تجمع بلوجرى اوعى يفوتكو
Blogger Radio Station

Mohsen Abouzeid said...

So meaningful,

If it’s to happen then its not a serious feeling, to be categorized never love, Love is loyalty, commitment, equity, communicating in harmony, both partners honesty in expressing feeling and not limited to share responsibilities and to accept all the consequences not just take away or hit & run love style.

meroooo said...

الست ممكن تيدي اي شخص اي حاجه بس انه ياخد قلبها دي بيبقي بالنسبالها كلام تاني
الراجل ممكن يديلك قلبه علشان يوصل للي هو محتاجله او عايزه بس هي ممكن تديك اي حاجه ومش شرط تديك قلبها الان قلب المراءه هو كيانها
كلامك تحفه ياريم وديما في تقدم isa