Wednesday, April 18, 2007

تضاد


لمن لا يعرف التضاد هى قاعده لغويه
تنص على ان كل كلمه تقابلها اخرى مضاده لها فى المعنى
اذا ما اجتمعتا فى جمله واحده
فان كلاهما تبرز وتوضح معنى الاخرى
كثيرا ما كنت شديده السرعه فى حل مثل تلك الاسئله ايام دراستى
وكثيرا ما كنت اتساءل
ما فائده ان ان اجمع كلمتين متضادتين فى جمله واحده
فيكفينى انى اعرف المضاد فقط
وان جمعها معا فى هذه الجمله لن يفيدنى بشئ فى حياتى
ولكنى اكتشفت مؤخرا ان الحياه تتمحور على نظريه التضاد
فلو لم اكن ادرك معنى التضاد
ما شعرت بيوم بعتمه اللون الاسود ... الا اذا قارنته بمضاده الابيض
وانى لكى اشعر بفرحه النجاح ... فيجب ان اشعر حزن الفشل
وان شعورى بنشوه الحب لن تكتمل ... الا اذا عانيت الام الجراح
واحساسى بسعاده اللقاء تنحصر ... فى مدى صعوبه الفراق
وأنى لو لم اخطأ فى يوم ... ما تعلمت ابدا ماهو الصواب
ولو لم احس يوما بالحرمان ... ما تذوقت الان طعم الشبع
وان تمسكى بالحياه دائما ما يقترن ... بخوفى من الموت
فالابيض والاسود
والفرح والحزن
والنجاح والفشل
والحب والجراح
واللقاء والفراق
والخطأ والصواب
والحياه والموت
كلها متضادات تجتمع لتوضح كلاهما معنى الاخرى
وان ادراك المعنى دائما ما يتوقف على مدى الشعور بمضاده
فالحياه ماهى الا تضاد كبير اذا اجتمعت مع الموت برز معناها
.....................................

78 comments:

heba labeb said...

طبعا اول كومنت كالعادة يا حبى
بس بجد البوست دة عجبنى اوى
لانة فعلا انا بفكر فى الموضوع دة دايما
بجد طبيعة بشرية غريبة اوى
دايما لازم نتعب عشان نفرح
ولو الفرح جة سهل بيروح سهل اوى
حاولت افهم لية
بس معرفتش
بس اكيد عشان نحس بطعم الحلو ونفرح بية
بجد البوست دة كلة تحفة يا ريمو
تسلم دماغك

بس عجبنى اوى الجزء دة



ما شعرت بيوم بعتمه اللون الاسود الا اذا قارنته بمضاده الابيض
وانى لكى اشعر بفرحه النجاح فيجب ان اشعر حزن الفشل
وان شعورى بنشوه الحب لن تكتمل الا اذا عانيت الام الجراح
وان سعاده اللقاء تنحصر فى مدى صعوبه الفراق
وأنى لو لم اخطأ فى يوم ما تعلمت ابدا ماهو الصواب
ولو لم احس بيوم بالحرمان ما تذوقت الان طعم الشبع

لان التعبيرات الى فية فظيعة بجد
وحقيقة 100%

بوست جامد يا حبى
ودايما كدة بوستات احلى من بعض
uv u so much(k)

REEMOO said...

هوبا حبيبه قلبى
اكيد طبعا اللى بيجى سهل بيروح سهل
بس احنا اصلا لو مش عرفنا ايه هو الحزن مش هنقدر نفهم ان ده فرح
علشان تعرفى الحلو لازم تجربى الوحش
والا لو عشتى طول عمرك فى الحلو عمرك ما هتعرفيه لانه مش موجود غيره اللى يخليكى تفضيله وتبقى عايزاه
اول كومنت كالعاده يا حبى
انت اجمد يا قمر
luv u too (K)

3ashe2elro7 said...

و بالضد تعرف الاشياء
وجهه نظر الى حد كبير اتفق معاها
سعيد جدا ان الكتابه اخدت شكل تانى و مواضيع تانيه

MoHaMeD HoSSaM said...

انا اول مرة ازرو مدونتك وان شاء الله مش حتكون اخر مرة
فكرتك صح واهنا فعلا مبنعرفش اى حاجة غير لما بيكون ليها تضاد فى الحياة

مفيش خير غير لان فى شر ومفيش نور غير لان فى ظلام
والعكس صحيح

Mohamed A. Ghaffar said...

هكذا سنه الله فى خلقه

تصحيح بسيط لو سمحتيلى

التضاد تعبير وأسلوب بلاغى وليس نحوى

أمــانــى said...

لولا التضاد ما عرفنا معنى ولا قيمة النعمة بس التضاد فى الحياه موجعة لما نراه من آلم وحزن
اخرجى اختى العزيزة من اى آلم ولا تنظرى الى الخلف لان هذه هى الحياه

raspoutine said...

بوست جميل جدا احييكى عليه
انتى فيلسوفة بقى

تحياتى

Horas said...

نعم يا ريمو ألم تسمعي القول بالضد تتضح الأشياء

احمد رفعت said...

بجد بجد بجد رائع
اتفق تماماً معاكي واؤيد رأي heba labeb اننا فعلا بنحس بحلاوة الدنيا لما نشوف مضاد الاشياء .
فلولا الظلام لما فرحنا بالنور ولولا الحزن ما احسسنا بنعمة الفرح فسرعان ما ننسى قسوة اناس عندما يفيض علينا الحب ممن نحب .

احييك بشدة على هذا الموضوع فعلا عجبني جدا جدا .

احمد رفعت said...

كتبت مشاركة مش عايزة تظهر :(

re7ab said...

ريمو حبيبة قلبى بجد بوست رائع
التضاد فى حياتنا بيعرفنا حاجات كتير
مش هانعرف الحاجة الا لما نعرف التضاد بتاعها مش هانعرف الفرح الا لما نحس بالحزن مش هانعرف الابيض الا لما نشوف الاسود التضاد موجود من بدايه الخليقه
موجود الخير والشر و مش ممكن نعرف قيمة الخير الا لما نشوف الشر
مش هانعرف قيمة الصحة الا لما نحس بالمرض
وهاتفضل حياتنا كده على طول
بجد يا ريمو كلامك جميل اوى اوى والبوست بجد اكتر من رائع
تسلملى يا حبيبة قلبى (k)

A.SAMIR said...

جميلة فكرة التضاد دي
فعلا محدش بيحس بقيمة اي حاجة الا لما يفقدها
علشات تحسي بقيمة الصحة...لازم تسألي مريض
علشان تحسي بقيمة الأم...لازم تسألي يتيم
فعلا هو التضـــــــــــــــــــــاد
في قاعدة نحوية شهيرة بتقول:
وبتضادها تتميز الأشياء
انا ماحستش بقيمة الوطن والناس والاهل...الا لما سافرت برة لسنتين
ريم:
بوست اكتر من مميز
تحياتي ليكي

ert3ashat said...

جميل البوست يا ندى و الله العظيم...

حلو اوي الحته اللي قاارنتي بيها الشعور الحلو بالشعور الوحش...

بجد اسلوبك روعه..

اشكرك اوي على التاج و بجد فرحان بيه بس هياخد وقته شويه عشان عندي تاجات قد كده...شايفه :)

اجاباتك حلوه اوي و دمها خفيف

shermen said...

بضدها تعرف الأشياء

ody911 said...

ريم


أقولك إيه؟؟

بصى من الآخر كدة أحنا فعلا مبنبقاش واخدين بالنا من حجات كتيير أوى

لما توضح الرأية أمامنا بنحس بفرق فى الشعور

إنتى حسستينى بحجات كتير

يمكن أكون حاسسها بس مش قادر أعبر عنها

كفاية تعبيرك

وعادى بقة
أودى

شــهــروزة said...

فى اللحظة اللى انا فيها دى كنت محتاجة أشوف أى معنى يواسينى
أو على الأقل يحسسنى بقيمة الألم والحزن اللى انا فيه
قعدت ادخل من هنا لهنا لهنا
وصلت عندك هنا
وتذكرت معانى وكلمات كنت انصح بها من قبلى..وفى غمرة ما أعانيه تناسيتها رغما عنى
فذكرتيّنى بها ثانية
كأنك صديقتى اللى تواسينى
وتربت بكفيها على كتفى

أشكرك

smraa alnil said...

عارفة

بحب اوي اللعب بالتضاد في كتابتي

وبحب التضاد برضه ايام دراستي
كان بيخليني احس بحلاوة لحاجة اللي بعملها
او باللي بفهمها
نظرية بتخليكي بجد تعرفي قيمة الشئ اللي انت فيه
وتتمسكي بيه
يعني مثلا لما تتالمي من جرح هتبقي حريصة اوي انك لما تلاقي الحب انك تمسكي فيه بديلك وسنانك
عشان انتي عارفة قيمة الجرح

بوست جميل اوي يا ريمو بجد

dandana said...

ريمو.....
اهنيكى...ادركتى الحقيقة يابنتى.....
انا كنت لسا بكتب فى يومياتى عن الموضع دا...بس اكيد مش بطريقة اجمل منك

shayma said...

جدعه والله يا بت يا ريمو
حلو البوست جدا واكيد عندك حق.... انك تختبرى مضاد الحاجه يخليكى تحسى بطعمها
حلو اوى :)

REEMOO said...

عاشق الروح
انا مش فاهمه انت تقصد ايه بان الكتابه اخدت شكل تانى
بس انا سعيده باتفاقك معايا فى وجهه النظر
منورنى
تحياتى
_______________

محمد حسام
انا سعيده جدا بزيارتك ليا
واتمنى انها تتكرر ومتكنش اخر زياره
اكيدطبعا لو مكناش نعرف النور عمرنا ماهنعرف ايه هو الظلام
منورنى
تحياتى

_______________

جعفر
انا بختلف معاك فى انه اسلوب بلاغى وتعبيرى
لانه ببساطه كان بندرج تحت اسئله النحو اثناء دراستى وليست اسئله البلاغه
بس اوعدك انى ابحث فيها ولو طلعت اسلوب بلاغى هصحح المعلومه
ميرسى ليك فعلا
نورتنى
تحياتى

REEMOO said...

امانى
للاسف ان هى دى طبيعه الحياه
الحزن فيها مقترن بالفرح
ولا يكتمل معناه الا اذا اجتمعا معا
نورتينى يا قمر
تحياتى
_______________

raspoutine
الحياه بتعلم الواحد يبقى فيلسوف غصب عنه
نورتينى بمرورك
تحياتى

______________

horas
فعلا سمعت المقوله دى
وعلى اساسها كتبت البوست ده
اسعدنى مرورك
تحياتى

_______________

احمد رفعت
الكومنت مش ظهر علشان بس عامله moderation
بس ظهر دلوقتى اهو
فعلا الواحد مش بيحس بحلاوه الدنيا
غير لما يعانى قسوتها
نورتينى واسعدنى مرورك
تحياتى

REEMOO said...

رورو حبيبه قلبى
فعلا التضاد موجود فى حياتنا من بدايه الخليقه
ومنقدرش نعرف الحاجه غير لو قارناها بعكسها
ميرسى يا حبيبه قلبى (K)
_________________

سمير
اكيد طبعا لو الانسان اتغرب هيحس بقيمه الوطن
وزى ما قلت
وبتضادها تتميز الاشياء
اسعدتنى بمرورك
تحيات مقابله
_______________

ارتعاشه
انا ريم مش ندى
اللى واخد عقلك :)))))
اعمل التاج براحتك
بس مستنياه منك اوعى تنسى
ميرسى لمرورك
تحياتى
________________

شيرمين
اتفق معاكى تماما
بضدها تعرف الاشياء
ميرسى يا قمر
تحياتى

REEMOO said...

اودى
فعلا احنا كتير جدا مش بناخد بالنا حاجات كتير
غير لو قارناها بمضادها
ساعتها بس ممكن نفهمها ونحسها
منورنى يا اودى
وعادى بقه :))
_______________

شهروزه
انا سعيده جدا لكلامك ده
وسعيده اكتر انك لقيتى فى كلامى مواساه ليكى
احنا اكيد منعرفش بعض
بس انا يشرفنى اكيد انى اكون الصديقه اللى بتواسيكى وكتفها بتكفك
اهلا بيك يا قمر
نورتينى واسعدتينى بتعليقك جدا
تحياتى ليكى
________________

سمرا
اتفقنا مع بعض فى حبنا للتضاد
وفعلا الواحد لما بيعانى الام الجراح
لازم لما يجيله الحب يتمسك بيه اوى
علشان هو عارف قيمته كويس
منورانى يا انوج
تحياتى يا قمر
__________________

دندونه
اخجلتم تواضعنا بجد
توارد الافكرا واضح بينا :)))
كل انسان ليه طريقه تعبيره اكيد
وانتى معرفو عن قلمك انه رائع بجد
انا مستنيه اقرى بوست عندك بنفس الموضوع
ميرسى اوى لكلامك يا حبى
تحياتى

________________

شيماء
اكيد يا قمرى
لما نختبر الضد نعرف قيمه الاشياء
خليكى انتى كمان جدعه وعايزه اشوف التاج يلا
نورتينى يا حبى
تحياتى

Rania said...

موضوعك حلو قوى يا ريمو بردة زى العادة
طبعا التضاد دة مشكله فى حياتنا
حياتنا فعلا كلها عبارة عن تضاد كبير
زى الدنيا مسرح كبير كدة :))
تحياتى ليكى يا سكر

مبرمج حر said...

التضاد , الاختلاف , تحسى فعلا أنهم سنة الله فى الخلق

ert3ashat said...

ana asef awyyyy ya reeemo...asef begaddd...:$...yalahwy...begad asef awyy awyy awyyy

deh Nada el gazyrya m3lesh asly koont fe blogha w ana fate7 el saf7a bt3tek..m3lesh ana 3aref dh msh 3ozr bs wlahy asef..:(
sam7enyyy

Amany said...

حلو اوى البوست بتاعك انا سعيدة انى قراته

Nada said...

جميل البوست يا ريمو
تحيات

Sampateek said...

الضد يظهر حسنه الضد

فعلا المضادات في كل حاجة حولينا

جميلة يا ريمو

كراكيب عادل said...

الله بوست رائع انا دايما بقول لو مكانش فية سواد لليل مكنتش استمتعت بجمال القمر ولو مشوفتش الويل مكنتش عرفت معني دفء الوطن انتي جيتي علي الوجع بجد

لو اي حد فقد الضد بالنسبة لي حتي لو بقدر قليل بيكون زي فاقد كمية من الجينات هيكون مش متمرس في مدرسة الحياة

تحياتي

Diyaa' said...

perfect
& i like ur mood ...i pray it will last forever isa
the smile is wounderful in the pic :))
by the way i always loved contradiction ...but this in the old days when i liked studying ...lama kan fy nefs :D
but u know...when humans need contradiction to understand the real meanings in our lives..this means that they dont learn...they r not smart enough to realize those meanings wizout passing bad ex, wiz the opposite feelings
nice post
w sorry cuze i dont write in arabic now but there is a silly person sittin beside me :(

~ Bato0ot ~ said...

tab3an mawdo3 to7fa w fe3lan de el 7a2e2a b dalel en nearly kol el nas mbt7sesh b 2emet el 7aga ela lama tfqedaha!
bas gamila awy bgd .. kal3ada y3ni :D

OMA said...

سبحان الله بجد
تعرفي اني بفكر في الموضوع ده كتير جداً
ومع اني مش بوصل لنتيجه بس بردو غصب عني برجع افكر تاني
واكتشفت اننا بجد لازم نشوف الاسود عشان نقدر نحس ان الابيض ابيض بجد
يادماغك الرايقه يابنتي
عجبني البوست جداا

Hannoda said...

فكرتك و ماتوصلتي اليه حقيقي جدا

وهي حقيقة جميلة.. تجعلنا لانحزن عندما نصاب

ولا نيأس عندما نفشل

فالحياه مليئة عثرات توقعنا

فنقوم أشد و أقوي و أقوى نظرا فنرى ما لم نكن نراه

جميلة الحياه عندما تفتح أمامنا أبواب فتعلمنا كتلاميذ

بنحني لاسلوبك الرائع الخفيف السهل
وآسفة اني ماجيتش من زمان

shayma said...

ريموووووووو
رديت على التاج يا قمر والباقى جى فى السكه
لا وايه الفتلك واحد كمان :)
ردى عليه بقى

REEMOO said...

رانيا
فعلا الحياه تضاد كبير
انتى اللى عسل يا قمر
تحياتى يا حبى
_____________

احمد
اكيد هى سنه الله فى خلقه
ربنا اى شئ وجده فينا فى خلقه اكيد له حكمه فيه
نورتنى
تحياتى
_____________

ارتعاشه
محصلش حاجه والله
عادى يعنى كتير بنلغط فى الاسم
ولا يهمك انا مش زعلانه خالص
_____________

امانى
انا اللى سعيده لمرورك
ولانك قريتى البوست
نورتينى
تحياتى

REEMOO said...

ندا
انتى اجمل اكيد
ميرسى ليكى
تحياتى
_______________

سمباتيك
اكيد طبعا الضد بيظهر حسنه الضد
واهميته بتكمن فى كده
نورتينى ياقمر
تحياتى
_______________

عادل
عجبنى جدا كلامك
لو اي حد فقد الضد بالنسبة لي حتي لو بقدر قليل بيكون زي فاقد كمية من الجينات هيكون مش متمرس في مدرسة الحياة
ميرسى ليك اوى
نورتنى
تحياتى
_______________

ضياء
ان شاء الله يستمر
بس الانسان لازم يحتاج الضد علشان يعرف معنى الحياه
وده مش معناه انه مش ذكى او مبيتعلمش
لانه ادراك المعنى مش بالضروره معناه المرور بالتجربه
انا ممكن ادرك معنى او احسه من غير ما امر بالتجربه بس بيكون من خلال تجارب لناس تانيه حصلت قدامى
مفيش مشكله خالص من الكتابه
نورتنى يا ضياء
واسعدتنى بمرورك
تحياتى

REEMOO said...

بطوط
فعلا كتير ناس مش بتحس بقيمه الحاجه غير لما تفقدها
او تعانى من الحاجه الضد
ساعاتها بس بتحس بقيمه اللى كان معاها
اسعدنى مرورك يا قمر
نورتينى
تحياتى
_________________

اوما
انا عارفه ان كتير تفكيرنا بيبقى متشابهه
وفعل الواحد علشان يعرف قيمه الاابيض لازم يشوف الاسود
ادعيلها بس تفضل رايقه كده على طول
وحشتينى يا حبى
luv u
_________________

hannoda
فى مثل بيقول الضربه اللى متموتش تقوى
واكيد لو الواحد مر بظرف صعب
مش لازم ابدا يستسلم
ولازم يقوم اقوى من كل مره
انا سعيده بجد لزيارتك
اتمنى انها تتكرر
تحياتى

Diyaa' said...

أنا أسعد ومنورة بأصحابها ..
وعايز أعترض لأن الانسان دلوقتي مش هو الانسان اللي علي فطرته ..أو علي الأقل ده الغالب واللي بيزيد مع الوقت بصورة منقدرش نتجاهلها
عرفت ناس كتير أوي قربت منهم أو أعتقد كده..فمتهيألي دلوقتي البني آدم غالباً أغبي من إنه يتعظ بتجارب أحيانا بتحصله شخصياً لكن يفضل يلف في دواير ...زي ما قلتلك في ردي علي تعليقك عندي
عموماً ربنا يسهل للناس اللي قلوبها صافية ...بتخنق أوي لما أشوف حد منهم بيتضايق من نفس المشكلة تاني
الكلام هيطول وأنا عايز أنام وأنتي أكيد مش مجبرة تقري كل الرغي ده ...مرة جاية ...سلام عليكم وبجد أنا اللي بتبسط لما بعلق عندك

kimexlilo said...

احم

رائع

:D

كنت من فترة عمال اقرا في كتاب اسمه دراسات في النفس الانسانية للدكتور محمد قطب

و ارتكز تفاصيل الكتاب على طبيعة الانسان المزدوجة بين جسد ينتمي للأرض و صفاته و الروح تنتمي للسماء و صفاتها و تقابلها

و تقابل الخطوط المتقابلة في حياة الانسان من خوف امام رجاء و فردية امام جماعية و واقع امام خيال و غيره

فعلا حياتنا قائمة على التقابل

و ننال احلى ما فيها عندما نوازن بين كل التقابلات

بوست جميل

يا مراكبي said...

اإنسان لا يمكن يشعر بقيمة ما لديه دون أن يجرب عدم وجودها

هكذا هي الحياة .. لابد من التضاد الذي يبرز المعنى .. وقيمة الأشياء

كلام لوجيك said...

طبعا انا جيت متأخر
ولقيت ان كل الكلام اللى انا عاوز أقوله سبقنى الاخرون وقالوه

على العموم لول التضاد ما استطعنا ان نحس بالفرق
ما استطعنا ان نقيم ما نملكه دون ان نفقده

ولا يجب ان انسى ان احييكى على تصميم مدونتك الفريد وعلى تنسيقها وجمالها
خالص تحياتى
ودمتم جميعا بخير

ahmed taher said...

العزيزة ريمو
عجبني فكرة البوست وما تضمنه من امثلة مختلفة من التضاد ....
وانا اتفق معكي تماما في اننا لن نشعر وان نحس بقيمة الاشياء الا بمعرفة تضادها
احسنتي صراحة
تحياتي لك ايتها الرومانسية

الأرمـوطــي said...

معاكى حق فعلاً بوست هايل

Nothing To Lose said...

بصى بئا ياريمو يا جميله
البوست رائع جدا
وفعلا عى دى الطبيعه البشريه
بس فعلا علشان تحسى بالنور لازم يكون فى ضلمه قبلها


بصى بئا
بجد البلوج بتاعك رااااااااائع شيك جدا
واختيارك للاغنيه
والصور
والاستيل
وكل حااااااااااااجة
عجبنى اوى اوى يا ريمو..حتى اسمك عاجبنى
هاتى بوسه

حــلم said...

تعرفى
كلامك معبر جدا

كفاية ان احنا نعرف المعانى المتضادة
ونبروزها قدامنا
ونختاااار

علي الألفي said...

بوست جلو قوي

و بجد با حييكي على المدونتيت لان اهم سمة ليهم
الجمااااااااااااااااااااااااااااااااال

بجد
واحدة عن الفاشون و التانية مواضيع معانيها جميلة
قشطااااااااااااااااااات

esraa said...

اها بجد التضاد مهم جدا, وفعلا المعاني مش بتظهر غير لما تتحط مع ضدها
تحياتي

ذو النون المصري said...

طبعا قاعده لغويه و فكريه معروفه وقالها كثير من الشعراء
و بضدها تتميز الاشياء
و الضد يظهر حسنه الضد
تحياتي

صاحب البوابــة said...

بإختصار

تعرف الاشياء بضدها

ان التضاد سنة كونية من سنن الله عز وجل

تحياتي لهذا البوست الجميل

وتحياتى لقلمك المبدع

yasmina said...

ايه الجمال ده
فعلا ياريمو الانسان مش بيحس بمعنى الحاجه او طعمها الي لما بيحس بعكسها الاول
ساعاتها بيقدر قيمه الحاجه دي ويحسها اكتر
اتكلمتي عن حاجه فعلا معبره قوي

على فكره اغنيه حبو بعض بتاعت فيروز اول مره اسمعها وخلتني عيطتت
ربنا يسامحك بقى
:(

buffy said...

3ndk 7a2 asln e7na kolna motna2dat mtgm3a fe b3d

حزيــــــــــــــــــن said...

وقالت سوف تنسانى
وتنسى اننى يوما وهبتك نبض وجدانى
وتعشق موجة اخرى
وتهجر دفئ شطآنى
ترى ستقول يا عمرى بانك كنت تهوانى
فقلت هواك ايمانى ومغفرتى وعصيانى
ولو انساك يا عمرى حنايا القلب تنسانى
ولو خيرت فى وطن لقلت هواك اوطانى
اذا ماتهت فى درب ففى عينيك عنوانى
فارووق جويده

ياسمين said...

ريمو
صحيح لا يدرك معنى الشىء الا من يجرب عكسه أو المضاد له
بوست له مغزى كبير فى حياتنا
بس أعذرينى وتقبلى تصويب الخطأ منى التضاد قاعدة لغوية وليس قاعدة نحوية
عجبنى البوست جدا لذلك قلت اقولك عشان تصلحى الكلمة بس عشان البوست أكثر من رائع
تحية كبيرة وتصفيق حاد

REEMOO said...

ضياء
انا بجد ببقى سعيده جدا بمتابعتك ليا وردى عليك ومناقشتك دى
مش كتير بيعمل كده احييك بجد
فى ناس لسه على الفطره والله ومش قليلين
هو اه اكيد الوحش منتشر بس الكويس والله لسه موجود
واللى ميتعلمش من تجارب اللى حواليه قبل تجاربه بجد يستاهل اللى بيجراله
نورتنى بجد ومنورنى دايما
تحياتى
______________

kimexlilo
اكيد طبعا حياتنا قايمه على التضاد
وشوقتنى اقرى الكتاب اللى بتقول عليه
اسعدنى مرورك
تحياتى
______________
مراكبى
دايما لما بنفقد الاشياء بناعنى من قيمتها لاننا بنجرب عكسها
اكيد التضاد اساس كل شئ
اسعدنى مرورك
تحياتى

REEMOO said...

كلام لوجيك
اسعدنى مرورك جدا
وسعيده اكتر باعجابك بالمدونه
اتمنى تتكرر الزياره
تحياتى ليك
______________

احمد طاهر
اسعدنى كلامك جدا
وسعيده اكتر بمرورك
ربنا يخليك
نورتنى
تحياتى
_______________
ارموطى
ميرسى ليك جدا
تحياتى
______________

Nothing To Lose
مش عارفه اقولك ايه بجد
يارب الاستايل الجديد كمان يعجبك
وبجد البلوج بتاعكم من احلىالبلوجات اللى لفتت نظرى
وحريصه جدا على متابعتها
انا سعيده اوى بكلامك
يارب تكررى الزياره على طول
بجد نورتينى
تحياتى ليك يا قمر

REEMOO said...

العزيزه حلم
انا بجد سعيده جدا بزياتك ده اولا
ثانيه بجد انا بعتبر كتابتك من انضح واروع الكتابات اللى بحب اتابعها
واكيد التضاد بيبرز الماعنى ويخلينا نختار بطريقه صحيحه
نورتينى فعلا
تحياتى
_______________

على الالفى
انا مبسوطه لكلامك ده جدا
مع انى زعلانه منك فى تاج عليك ومش عملته لسه
ياريت تعمله
نورتنى
تحياتى

_______________

اسراء
التضاد بيبرز المعانى فعلا
اسعدنى مرورك
تحياتى

REEMOO said...

ذو النون المصرى
هى فعلا قاعده لغويه معروفه
والضد دائما ما ابرز معانى كثيره
سعيده بمرورك
تحياتى
_____________

صاحب البوابه
اكيد هى سنه كونيه من الخالق
سعيده لزيارتك
اتمنى انها تتكرر
نورتنى
تحياتى

_____________
ياسمين
اسفه بجد يا حبى لو كنت خليتك تعيطى
يارب يسععد كل ايامك
انا غيرت الاغنيه
يارب مش تعيطى تانى ابدا
ميرسى يا حبى لمرورك
تحياتى

REEMOO said...

buffy
فعلا احنا مجموعه من المتناقضات
مجتمعه لتكوننا
اسعدنى مرورك
نورتنى
تحياتى
________________

حزين
انا عارفه القصيده دى كويس
نزلت عنها بوست سابق
انا مش عارفه ايه علاقتها بالموضوع
بس فى كل الاحوال زيارتك اسعدتنى
وهشوف التاج عندك حالا
نورتنى
تحياتى
_________________

العزيزه ياسمين
انا اسفه جدا لخلطى بين القاعده اللغويه والنحويه
انا فعلا صححتها
بس انا خلطت لانها اثناء دراستى
كانت تندرج تحت بند الاسئله النحويه
لكن تم تدراك الخطأ وتصحيحه
سعيده جدا لمرورك
نورتينى
تحياتى

Shower-Mirror said...

ااختلف معاكى فى حاجه ... ن االتضاد الوحيد الذى لا يبرز المعانى هو الموت و الحياه

حيث ان الموت هو حقيقه مطلقه منفرده لا يمكن ان نقرانه بشئ و لا حتى بالحياه

و لكن التضاد بين هذه الحاله هو بين الحياه و بين الحياه الميته ...الخاويه ...التى بلا معنى

هنا يمكن ان ترى التضاد و اضحا


و لكن الموت انه الحقيقه الوحيده المؤكده و المطلقه

لا يمكن ان نكون متأكدين من حدوث اى شئ فى المستقبل ابدا ....

و لكننا متأكدين ان كلنا سنموت

اللهم احسن ختامنا جميعا .....


تحياتى

و مستنيكى تزورينى تانى و تقرى القصه بعد ما انتهت ...و تكتبى تعليق مفصل زى ما وعدتينى

إبـراهيم ... معـايــا said...

طيب ، فكـرة إدارة المدونة للتعليق دي أنا ما بحبهاش !!!
.
.
لأني فاكر إني علقت هنا ؟!!

dandana said...

النيو لوك جامد جدا.....
تحفش يعنى....
مبروك يا عم الرقيق انت

may said...

كلها متضادات تجتمع لتوضح كلاهما معنى الاخرى

وان ادراك المعنى دائما ما يتوقف على مدى الشعور بمضاده

فالحياه ماهى الا تضاد كبير اذا اجتمعت مع الموت برز معناها

....
بوست جميل اوي ياريمو كالعاده يعني
في نظريه عندنافي البلاغه اسمها
تعرف الاشياء باضدادها
مش كنا هانعرف اللون الابيض طبعا لو مفيش اسود

عمرنا ماهانحس بحلاوه النجاح الااا دوقنا مراره الفشل
وهكذا زي ماانتي قلتي الحياه كلها تضادات
نايس بوست ياريمو

إبراهيم محسن said...

على فكرة انت جامده جدا
كلامك جامد ودماغك واضح انها فاهمة
احييكي
عارفة أنا كنت سمعت مناظرة بين اتنين قايمة كلها على الموضوع ده
التضاد
البروفيسير سألأ الطالب
يعني إيه الله؟
الطالب ملقاش رد
لأن الله لا يوجد له مضاد فبالتالي عقل الطالب المحدود لم يجد التعريف المناسب

عارفة يا ريمو ان اصلاً فيه حاجات ملهاش تعريف
زي الظلام
الضلمه
مفيش حاجة اسمها ضلمة
الضلمة هي انعدام النور
والموت مش موجود
الموت هو انعدام الحياه
والموضوع كبير قوي
بجد كانت أقوى مناظرة قريتها في حياتي عن التضاد
هي عندي ممكن أبعتهالك في إيميل
بس انا مش معايا المايل بتاعك
hima_mohsen@hotmail.yahoo.com
ضيفيني عند سعادتك
لو تحبي
عامة انا استمتعت جداً بقراية البوست بتاعك
واحييكي على دماغك

---------
انا على فكرة عملت تعديل للتاج عندي
وجاوبت على اسئلة الموقع الغريب
وعرفت ان اجاباتي كانت احسن
:)

سلام يا ريموووووووووووو

Noony said...

ربنا سبحانه وتعالى خلقنا عشان نموت
وبعد ما نموت ربنا يبعثنا من جديد
عشان ندخل الجنة أو النار على حسب ما عملنا من حسات وسيئات وهنعيض يا إما في نعيم أبدي أو جحيم أبدي

متهيألي دة أول وآخر قصة وجود الإنسان على الأرض

قمة التضاد
الذي يبرز المعنى ويوضحه

بوست جمييييييييييييييييل

نوني

THE BIG LOSER said...

ريمو
مش محتاجة اقولك الموضوع رائع وجامد وحلو اوى كفاية اللى الناس قالوة بس اكتر حاجة عجبتني في البوست
انو قال حاجات كتير من غيرها ماتنفعش الدنيا ممكن نكون عارفينها بس ساعات مابنبقاش قادرين نصيغها في كلام
وانتى عبرتيلنا عنها بطريقه حلوة اوى
ميرسي ليكي

Lama said...

فالحياه ماهى الا تضاد كبير اذا اجتمعت مع الموت برز معناها

لازم يكون في فشل عشان يبقى في نجاح

لازم يكون في تعب عشان الواحد يرتاح بعدها

لازم يكون في غلط عشان نعرف الصح

لازم يكون موجود العكس عشان نعرف منها الايجابي
واكيد دي حقيقه جدا في حياتنا

عجبتني تشبيهاتك والكلمات ومضادها

بوست جميل بجد يا ريمو

REEMOO said...

Shower-Mirror
اسمحلى اوضحلك فكره التضاد ما بين الحياه والموت
الموت فى حد ذاته حقيقه مطلقه اتفق معاك فيها
ومحدش يعرف ايه هيحصله فى المستقبل الا انه هيموت كمان اتفق معاك
بس ده ميمنعش ان فى تضاد واضح ما بين الحياه والموت
وان الانسان كل ما شعر برهبه الموت واقترب منه
ده بيخليه يحسن دنيته حتى يحسن خاتمته
المقارنه هنا بتكون ما بين رهبه الموت والحساب بعده ومابين متعه الحياه
وده اللى بيخلى التضاد ده اصعبل انواع التضاد اللى ممكن يمر بيها الانسان فى حياته
نورتنى واكيد هكرر الزياره
تحياتى
_____________

ابراهيم
انا مش بمسح اى تعليقات بتجيلى خالص
الا لو كانت خارجه
وانا متاكده انك مسيبتش كومنت وانا مسحته
اداره التعليقات دى كانت بسبب انى قابلت اكتر من كومنت خارجين خلونى لجأت للموضوع ده
نورتنى
تحياتى
_______________

ميويه
انا مبسوطه ان النيولوك عجبك
ميرسى يا حبى

REEMOO said...

مى
فعلا انا عارفه النظريه دى
انا كنت فى الاول فاكراها نظريه نحويه
لكنى اكتشتفت مؤخرا بانها نظريه لغويه او بلاغيه
واكيد التضاد يبرز الاشياء
نورتينى يا حبى
تحياتى
________________

ابراهيم
عجبتنى جدا فكره المناظره اللى قولتلى عليها
واتمنى انك تنزلها فى المدونه عندك واقراها
انا هشوف التاج عندك واسيبلك تعليق
نورتنى
تحياتى
________________

نونى
فعلا انتى وضحتى التضاد باختصار لكن فيه كل الفكره
هى دى عباره عن حياه الانسان فعلا
نورتينى اوى
تحياتى

REEMOO said...

احمد
انا سعيده جدا بكلامك ده
وسعيده اكتر بمرورك
وفعلا التضاد ده هو اللى قايم عليه حياتنا كلها ومن غيرها ماتنفعش الدنيا ممكن نكون عارفينها بس ساعات مابنبقاش قادرين نصيغها في كلام
نورتنى جدا
تحياتى

__________________

سلمى
لازم يكون موجود العكس عشان نعرف منها الايجابي
واكيد دي حقيقه جدا في حياتنا
اتقف معاكى جدا
عجبتنى الجمله دى
لخصت الموضوع
نورتينى يا حبى
تحياتى

طهقان said...

فعلا... تضاد المعاني
تظهر كل منهاما الاخر
وممكن ..كمان يحصل لعب بالكلمات والجمل...
صباحو إشطة

حصان بري said...

وانى لكى اشعر بفرحه النجاح ... فيجب ان اشعر حزن الفشل
وان شعورى بنشوه الحب لن تكتمل ... الا اذا عانيت الام الجراح
واحساسى بسعاده اللقاء تنحصر ... فى مدى صعوبه الفراق
وأنى لو لم اخطأ فى يوم ... ما تعلمت ابدا ماهو الصواب
ولو لم احس يوما بالحرمان ... ما تذوقت الان طعم الشبع
وان تمسكى بالحياه دائما ما يقترن ... بخوفى من الموت

لما نتعلم من فشل ونقف تاني وننجح
ساعتها بس الذكري السودا بتبقي في لون السما

بوست اكثر من رائع يا ريم

REEMOO said...

طهقان
التضاد اساس الحياه
ميرسى لزيارتك
نورتنى
تحياتى
_______________

حصان برئ
لولا الفشل ما كان فى نجاح
انا سعيده جدا بكلامك ده
وسعيده اكتر بزيارتك
نورتنى
تحياتى

saso said...

عجباني الفكرة
يمكن كانت اكتر حاجة حسيتها في بوستاتك اللي قريتها النهاردة لاول مرة

ريمو .. انا مبسوطة اوي اني عرفت صفحتك الحلوة دي

ياســــــــــر مدنـــــــــــــي said...

يوم القيامة إن شاء الله كلنا قبل ما نخش الجنة ...ربنا يشاور لنا علي النار ويقول انظر هذا مكانك في النار لو لم تكن تؤمن ..ولكن مادمت مؤمنا فهذا مكانك في الجنة ....وده عشان نشعر بقيمه الجنه الحقيقيه ونفرح بها كتيييييير ...أنا أول مره أدخل عل مدونتك لكن شكرا علي المعني الجميل ده

REEMOO said...

ساسو
انا اللى سعيده بجد بمرورك
اتمنى زيارتك تتكرر كتير
نورتينى
تحياتى
________________

ياسر
ردك بجد عجبنى
واتفق معاك فيه
سعيده بأول زياره
اتمنى تكررها
نورتنى
تحياتى

siren said...

الى بيعرفك بيعرف اد ايه الصداقة معاكى شئ جميل وممتع ودى مش مجاملة بس بجد انا مبهورة بتمعنك فى كل الاشياء الى حواليكى وانا عن نفسى لو مكنتش جربت غدر الاصدقاء مكنتش قدرت اعرف مدى قيمة صداقتنا مع بعض وكم الوفاء الذى تتمتعين به ..وبجد رساله معبرة ...بجد برافو عليكى يا باربى(ريم)0

REEMOO said...

دودو
واللى يعرفك بجد يا حبى
هيعرف قد ايه ان ربنا كرمه لما خلى فى حياته ملاك جميل وانسانه رائعه وصديقه مخلصه زيك يا حبيبه قلبى
ربنا مش يحرمنى منك ابدا يا حبى
love u (K)