Friday, March 09, 2007

بــــــــراءه


بمنتهى البراءه
سألتنى الصغنتوته نور
فى اربع خمس امور
قالتلى بابا يا بابا
مش انت يا بابا
بتكتب اغانى
وتقول اشعار
انا سمعت الشيخ يا بابا
بيقول انك يا بابا
هتروح النار
زى الناس الوحشين
الحراميين الكفار
قوللى يا بابا
يعنى ايه استعمار
يعنى ايه نيل
يعنى ايه هرم
ومين اللى حط النسر ده
فوق العلم
يعنى ايه يا بابا
استفتاء
ويعنى ايه انتخاب
ويعنى ايه حر
ويعنى ايه نصاب
وايه هو الاغتصاب
ويعنى ايه اختلاس
ويعنى ايه هجاص
ويعنى ايه خصخصة
وايه هو الدستور
يعنى ايه معارضه
ويعنى ايه مظاهرة
وليه النهارده
خدنا اجازة من المدرسة
قوللى يا بابا
يعنى ايه قهر
وفين بيقع خط الفقر
ويعنى ايه حظ
ويعنى ايه زهر
يعنى ايه يا بابا
حريه
يعنى ايه انسان
وايه هو السرطان
يعنى ايه يا بابا
خربوها
ومين دول يا بابا
ولاد القطقوطه
ومين دى
سماره يابابا
وازاى يا بابا
ضاعت من قلبك
وكنت فين لما خربوها

يا بابا
بابا
انت معايا
فيه يا بابا ناس
بتقول كفايه
وفيه عساكر

ماسكين عصايه
وبنات متعورين
وتانيين ماشيين بيضحكوا
يابابا .. هما دول اسرائيليين
قولتلها
نور
ممكن اسألك سؤال
قالتلى
اتفضل يا بابا
قلتلها
هيه قناة سبيس تون

رقمها كام
واخدتها....علشان تنام

............
.....

بقلم سازمند
sazmnd

9 comments:

sofinqoraso said...

تحفة بجد يا سازمند
تجن يعنى وفيها اسقاط رائع
عجبتنى أوى وقريتها أكتر من مرة
بحييك بجد على أسلوبك

REEMOO said...

sazmnd mn a7sn el nas ely shoftha btktb bgd
ana 3n nafsy b7b eslobo gdn
merci ya nono 3la morork ya 2mr :)

re7ab said...

اولا تسلم ايدك يا ريمو انك نزلى الكلام الجميل ده
وبجد يا احمد تسلم ايدك
على فكره الكلام كبير اوى اوى
وجميل جدا
ويمكن احنا نفسنا نسأل نفس الاسئله اللى بتسألها نور
بس هى عبرت عن كل الاسئله اللى جوانا
واكيد مش هايكون فى رد للاسئله ده
تسلم ايدك يا احمد على الكلام الجميل والجاامد ده

REEMOO said...

aked el 2s2la de fe mnha kter awy gowana ya roro we mesh la2yen leha egaba
merci leky enty ya roro 3la morork ya 2mr
love u (F)

REEMOO said...

merci ya ahmd 3la post el hedya da rabna mesh ye7rmny mnk wla mn ktabatk el7elwa de (F)

heba labeb said...

ريمو بجد بجد
الكلمات تحفة
والاجمل منها معناها
بجد سازمند عبر عن حاجات كتير بكلام فى منتهى البساطة
واسالة كلنا بنسالها
بس بجد تسلم ايدك يا سازمند
وربنا يخليكو لبعض يارب وتفضلو اصحاب لاخر العمر(k)

REEMOO said...

merci ya hoba 3la el da3wa el 7elwa de we rabna mesh ye7rmny menk wla mn mrorl ya 2mr
love u (F)

naryoma said...

bgd gamila awy kalmato
3br 3n kol 7aga gwana
w mosh gedida 3lih
thanxs yareemo 3la elbost da

REEMOO said...

mnwrany ya may bgd we mnwra el blog kolo
aked ahmad tool 3omr klamo bgd to7fa by3by 3n 7agat kebera be2slob bset
merci ya 2my lmrork
we yarb tenwary elblog keda daymn(F)