Thursday, February 08, 2007

سذاجه ولا حظ.....!!

من كام يوم كنت على الماسنجر ودخلت نهير عندى لقيتها كاتبه فى النيك نيم بتاعها هى سذاجه ولا حظ
انا متكلمتش معاها علشان اعرف هى قصدها على ايه
بس انا فكرت فى الكلمه من وجهه نظرى انا
فكرت فى المواقف اللى حصلتلى وبينى وبينى نفسى لقتنى بسال نفسى السؤال ده
هو اللى بيحصلى ده سذاجه منى ولا حظ وحش ؟؟
انا مش من النوع اللى بيؤمن بموضع الحظ ده
وفى نفسى الوقت مقدرش اقول انى ساذجه مثلا
لانى بشهاده الجميع عاقله جدا وذكيه لابعد الحدود
يبقى اللى بيحصل ده ليه
بعد تفكير طويل فى الموضوع لقيت ان الموضوع مش سذاجه ولا حظ وحش
هو سوء اختيار مع اندفاع وعدم تفكير
ساعات الواحد مبيفكرش هو بيعمل ايه
او بيبقى مش عايز يفكر هو بيعمل ايه اندفاعه بيخليه يلغى عقله
مش عارفه ايه اللى بيحصل بالظبط لكن فى النهايه النتيجه بتبقى فشل
مش سذاجه ولا حظ وحش
هو الاكيد انه نصيب فى الاول والاخير
والله اعلم المستقبل لسه مخبى ايه؟؟؟؟

2 comments:

sofinqoraso said...

أولاً عايزة أقولك واحشانى جداً جداً
يا رب تكونى كويسة وبخير
وزعلانة إنى ملحقتش أكلمك

ثانياً أنا كنت كاتبه سوء إختيار ده ولا سذاجة ولا ايه
ودى حتة من اغنية محى فى فيلم مطب صناعى شدتنى اوى معانيها

وزى ما انتى قلتى
هو نصيب
فى الأول والأخر نصيب
ودى الكلمة اللى بنطمن أو بنسكت بيها نفسنا لما تحصلنا حاجة مش عجبانا

خدى بالك من نفسك

NAME : remo said...

انتى وحشانى اكتر يا نونو بجد
انا الحمدلله عايشه اهو
الظاهر انى مقرتش اللى كاتباه كويس بس فى كل الاحوال هو طرح عليا سؤال فكرت فيه كتير
انا مسمعتش الاغنيه اصلا اصلى مش متابعه اوى
بس هو اكيد فى الاخر نصيب ومكتوب وكل واحد مش هياخد غير نصيبه

ميرسى يا نونو على سؤالك يا قمر
انتى كمان خدى بالك من نفسك