KLMATY

رسم قوس قزح

2008-06-13T17:45:00.029+02:00

فى رؤيه مسبقه لدندنه تزحقلت فيها على قوس قزح
ووفقت فى نقل مدلولات الوانه لديها
دعتنى لرسم قوس قزح كما أحب ان أراه ... وقد كان

أبيض : ملائكه ... أجنحه ... مولود جديد ... فستان أبيض فى حلم ليله عمر

بمبى : مفضلى ... ملابسى ... نظرتى للحياه ... حلم بنوته صغيره مازال يسكن بداخلى

أحمر : قلب وورده انتظرتها طويلا تحمل معها رساله تقطر حروفا من العشق

أخضر : حديقه تزدهر بنباتاتها الصغيره فى فصل ربيع فى دعوه مفتوحه للطبيعه

بنى : صوره قديمه من الماضى ... تحمل بداخلها ما لا يمكن نسيانه ابدا

أصفر : شمس ... صباح جديد... بدايه جديده لحياه جديده

لبنى : سماء صافيه ... وأنا وانت ... وتحليق فى عالم من الأحلام

بيج : نسكافيه باللبن فى لحظه مع النفس وموسيقى فيروز

أزرق : بحر وأمواج ... بروده وشتاء ... توتر وقلق

أسود : ملك ... ثقه وقوه ... جاذبيه وسحر ... استخدام صالح لكل الأوقات

****************

تلك كانت رؤيتى الخاصه

تحمل فى نهاتيها دعوه مفتوحه

لكل من يرغب فى رسم قوس قزح والتعبير عن رؤيته لألوانه

عبث

2008-05-09T18:32:00.006+02:00

تلك عبثية الحياه
التي يكفي لمصادفة رفيعة كشعرة
أن تأتيك بالسعادة والحب والحظ الذي لم تكن تتوقعه
...
ولكن
عندما تنقطع تلك الشعرة الرفيعة
فهي تكسر معها كل السلاسل التي كنت مشدوداً إليها
معتقداً أنها أقوى من أن تكسرها شعرة
!!!!

========
أحلام مستغانمى - ذاكره الجسد

كانت أنا وكان قلبى

2008-04-23T23:49:00.006+02:00

,كنت أقول لامرأة كانت أنا ؛
لا تمري عندما تشعل الحياة أضواءها الحمراء
تعلمي الوقوف عند حاجز القدر
عبثًا تزوّرين إشارات المرور
لا تؤخذ الأقدار عنوة

وكنت أقول لقلب كان قلبي ؛
حاول أن لا تشبهني
لا تكن على عجل
أنظر يمينك ويسارك، قبل أن تجتاز رصيف الحياة
لا تركب هذا القطار المجنون أثناء سيره
الحالمون يسافرون وقوفًا دائمًا
لأنهم يأتون دائمًا متأخرين عن الآخرين بخيبة

=============
أحلام مستغانمي - فوضى الحواس

when picture talks

2008-04-13T19:13:00.013+02:00

فى تاج جميل عند ايبى
فكرته عجبتنى جدا وقررت استلفه من عندها واجاوبه

الحاله الاجتماعيه

الحاله المزاجيه

المطرب او الفرقه المفضله

حيوان اليف تمتلكه

محل الاقامه

مكان العمل

كيف تصف شكلك

ماذا تقود

عملت ايه امبارح

البرنامج التليفزيونى المفضل

هتعمل ايه النهارده

اسمك

الحلوى المفضله

أى حد يعدى من هنا ويحب يستلف التاج
اهلا وسهلا يتفضله :)

ورده سمائى

2008-03-15T17:17:00.007+01:00

كورده روز مهداه من السماء

لعيون أمست مغرقه بالدموع

لتكون ملاذى ومرفأ أمانى

لأكتشف أنى كثيرا ما تغرقنى همومى الى الحد

الذى أعجز معه فى رؤيه باقات الورود المحيطه بى

لون حكايتك يا قلبى

2008-03-09T18:10:00.005+01:00

قلوب

وألـــــــوان

......

ومع كل لون يا قلبى حكايه

2008-03-07T21:24:00.008+01:00

هل أخبرتك يوما بأنك حلو بطعم الشيكولاته

Mood

2008-03-05T22:22:00.002+01:00

Its Time To Back

"again"

to Butterfly Dreamy World

Happy Valentine Day

2008-02-14T02:10:00.002+01:00

لأرانى

2008-01-29T21:00:00.000+01:00

ربما أستطيع أن أخطو خارج ذاتى ولو للحظات من الزمن
احتاج الى زمن ميت لاترهقنى توالى لحظاته وساعاته وأيامه
برهه من السكينه أبتعد فيها عن أديم جسدى
والقضبان التى تكونها عظامى وتأسر روحى
أرانى كما لم يرنى أحد

=============
قمر على سمرقند .. محمد المنسى قنديل

when u love a mask

2008-01-29T11:55:00.000+01:00

هى : بما انك فاضى بقى ممكن تفهمنى مبتردش على تليفوناتى ليه؟؟
هو : ما قلتلك كنت نايم
هى : مش مصدقاك
هو : انا مش عايز اتكلم
هى : لا هتتكلم علشان انا بقى عايزه افهم

هو : انا مش عايز أكمل اتخنقت ... مش هقدر ابقى بطل الفيلم بتاعك ... مش عايز اتعبك معايا اكتر من كده ... صدقينى انا حاولت بس حاسس ان انا بزوق فى حيطه... كده أحسن

هى : طبعا ... كفايه عليا كده احسن تفوتك حاجه احسن مش كده ... على فكره انت مبتفكرش غير فى نفسك ... انت عمرك حبتنى؟؟عمرك حبيت اى حد؟؟ اللى مجننى ان كل الناس كانت عارفه حقيقتك الا انا مصدقتش ودافعت عنك

هو : أنا مضحكتش عليكى ... يمكن كنت فى الأول ... بس لو كملنا مع بعض ممكن مبقاش مخلص وانا مش عايز اعمل كده معاكى وعمرى ما فكرت

هى : لا برافو مكنتش اعرف انى حاجه كبيره بالشكل ده ... على فكره انت صعبان عليا اوى ... انت قعدت تجرى ورايا شهور علشان توصل لحاجه واحده بس مع انك عندك كل حاجه ... على فكره انا مش ندمانه علشان الحب اجمل حاجه فى الدنيا وانا استمتعت بكل لحظه حب فيها ... انا كنت حاسه انى طايره وكنت فرحانه انت كنت كل حاجه فى حياتى ... بس علشان تبقى فاهم بقى انا هخرج من هنا وهلاقى حد احبه واديله كل حبى وهيقدرنى ... بس انت بقى قدامك سكه من اتنين يا هتموت لوحدك يا هتعيش مع واحده مش طايق تبص فى خلقتها ... بس اللى انا متأكده منه بقى انك عمرك ... عمرك ما هتعرف الاحساس اللى انا عيشته

===============

من فيلم السلم والثعبان

عندما تحين اللحظه

2008-01-21T01:36:00.000+01:00

دائما ما تعقب النهايات أحداث أخرى
أحداث يمكن أن تلقب ببدايات غير جيده
لكنها لا تلقب ابدا بالبدايات الجديده
فالبدايات لاترتبط بتوقيت معين او بحدث معين
وليس بالضروره ان تكون ردا على ما سبق
هى فقط تنتظر اللحظه المناسبه
لحظه ولاده أمل جديد
عندها فقط
تشعر بانه قد حان الوقت
حان وقت البدايه
حان وقت حياه جديده
حان وقت أمل جديد
فاسترخى اذن وانتظر
هناك دائما أمل
لكنه ينتظر

فقط
عندما تحين اللحظه

2008-01-12T02:03:00.000+01:00

لو قلنا فى البعد ارتحنا ... نبقى بنضحك على روحنا

لعنتك الأبديه

2008-01-11T01:13:00.000+01:00

أى إثم ذلك الذى ارتكبه القلب حين قرر يوما ان يبنى لك بيتا بداخله؟
أى لعنه تلك التى حلت عليه حين تحول بيتك لقبرك
فاستحققت الخلود بداخله حيا كنت أو ميتا
أهو غضبا من الالهه ؟
أم هى لعنه الحب الأبديه قد فرضت عليه؟
ليظل يعانى بها وبال الأمرين
عذاب جفاءك ونار وصالك
فرفقا أيتها الألهه
رفقا بالقلب
رفقا به من خلود القبور داخل القلوب

عيد سعيد

2007-12-18T11:05:00.000+01:00

كل عام وأنتِ حبيبتى

2007-12-09T02:04:00.000+01:00

ترددت كثيرا قبل الكتابه عنكِ

فطيله الأيام الماضيه ومنذ بدء الشهر وأنا أعلم أن عيد ميلادِك الأول قد حان

وكنت مابين الاحتفال به أو تركه يمر مرور الكرام

وبعد تأملى لكِ مره أخرى منذ بدايه تكونك وحتى الآن

وجدت أن هناك ما يستحق أن احتفل به

فيكفينى أنكِ قد عاصرتى معى الكثير من الأحداث التى مرت بى

وعانيتى من تقلباتى المستمره

وشهدتى الكثير من انهزاماتى

وفرحتى للكثير من انتصاراتى

كما أنكِ وعلى مدى عام كامل عرفتى الكثير من حكاياتى

منها ما قررت البوح به ليشترك معكِ آخرون فى معرفه ذلك السر عنى

ومنها ما لم يخرج أبدا لدائره النور واحتفظتى به بداخلك

ليكون سرنا المشترك أنا وأنتِ

لتظلى أنتِ ابنتى وكاتمه اسرارى

ورغم انى قد أتيتك فى منتصف هذا العام بأبناء آخرون

إلا أنكِ حظيت بمكانه تفوقهم فى قلبى

فأنتِ ابنتى الكبرى التى تحمل بداخلها أرشيف حياتى

مدونتى الغاليه

كل عام وأنتِ حبيبتى

Ur Hug

2007-12-04T22:18:00.000+01:00

Just Miss Ur Hug

كالطيور

2007-11-23T16:46:00.000+01:00

أرواحنا كالطيور تنتقل هربا من عش لآخر

باحثه عن لاشئ

وربما كانت باحثه عن كل شئ

لكنها أبدا لا تعود

وإن عادت

تعود مهيضه الجناح

فهى لم تعد ذات الطائر الذى غادر العش يوما

الطائر الذى يفر لا يعود وحتى وإن عاد سوف يكون مهيض الجناج وربما لا يكون نفس الطائر

===================
الجمله باللون الروز من روايه قمر على سمرقند

وبدأ المطر

2007-11-23T16:01:00.000+01:00

أخيرا دق الشتا البيبان ..... وبدأ المطر

جزء ناقص

2007-11-12T01:10:00.000+01:00

لا توجد فضيله كامله

ولا عربده كامله

ولا زهو كامل

ولا نشوه كامله

ذلك الجزء من نفسى الذى لا استطيع أن أتخلص منه

يجعل كل شئ ناقص

تحديث

أجزاء أخرى من الروايه تركت أثرها بداخلى

ماذا تعنى الفضيله؟؟

إنها ليست مقاومه الغوايه ولكن التعايش معها

يجب على الفضيله أن تجاور الغوايه دون صراع

فلا أحد يستطيع أن يقاوم طوال حياته

عش معها ولكن لا تستسلم لها

---------
جميعنا أسرى زمن مبهم من المتعذر أن نجد فيه أى إجابه صادقه

---------
هل تعرف ماهو الخوف إنه يقتل أفضل مافى نفسك

تعيش طوال عمرك آمنا ثم تكتشف أنه أمان زائف

وأن الخوف كامن مثل أشباح

لا تهدأ فى الظلام أو فى الضوء

============================
قمر على سمرقند
محمد المنسى قنديل

تفاصيل القلوب

2007-11-07T04:50:00.001+01:00

إن استطاع الزمان يوما أن يستخدم أثاره فى محو تفاصيل العقول

فكيف السبيل للقضاء على تفاصيل القلوب

إن كانت تحيا بنبضاته؟؟

أكثر من الكلمات

2007-11-07T03:41:00.000+01:00

من ذا الذى يستطيع أن يفصح عن مكنون نفسه بمجرد الكلمات؟؟

============================

قمر على سمرقند

محمد المنسى قنديل

Valentine Again

2007-11-03T23:53:00.000+01:00

With Or Without

Happy Valentine Day

هى ترقص

2007-10-23T04:07:00.000+02:00

كلما رقصت
ظنوا أنها رقصتها الأخيره
لكنها ما أن تنتهى
حتى تبدأ فى أخرى جديده
أشد جذبا وامتاعا
حتى باتوا يعتقدون بأنها
خلقت فقط لترقص

لم

2007-10-21T07:33:00.000+02:00

لا ادرى لم عبرنا الطريق الفاصل
لم تخطينا ذلك الضباب
بعد ان كان يخفى التفاصيل
لم سعينا للبحث عما وراءه
ألنظل نعانى ألالام الحقيقه ونحارب الذكريات
أم لنقضى باقى العمر فى تضميد جروح عبور الطريق ؟؟

ربما لأنه الغصب

2007-10-20T02:40:00.000+02:00

بالرغم من تعليق الصديق العزيز محمد عبد الغفار على تدوينتى السابقه صمت على الفيس بوك بتلك الجمله "إن جالك الجبر اعمله جوده"0

وبالرغم من جمله صديقتى تسنيم التى كانت تدفعنى الى التفكير بلا حدود كلما دخلت أو خرجت من الماسنجر"اللي يجيلك بالغصب خده بالرضا "0

وبالرغم من ردى على إحدى أسئله ليلى بأن الأدوار المرسومه كثيرا ما نكون مجبرين عليها مهما تحدينا واعترضنا

وبالرغم مما تحمله تلك الكلمات من معانى واقتناعى بكل تلك المعانى

لكن مازال بداخلى ذلك الجزء الذى يرفض الاستسلام لتلك الأدوار المرسومه أوالرضوخ لذلك الغصب ومازال يسعى وراء الاختيار

صمت

2007-10-18T02:06:00.000+02:00

أحيانا يجبرنا الصمت على الكلام

فحين نبدأ بالتحدث

يجبرنا الكلام على الصمت

عيد سعيد

2007-10-12T22:12:00.000+02:00

تحذير هام

2007-10-11T20:08:00.000+02:00

فى ناس بتستخدم اسماء المدونين ولينكات البلوجات أو البروفايل ليهم

فى نشر مواقع اباحيه عن طريق اضافه تعليقات عند باقى المدونين

وصلنى العديد من الكومنتات باسماء مدونين محترمين تدعو لزياره تلك المواقع

كما وصل للعديد من المدونين كومنتات باسمى وبأسماء مدونين اخرين

ارجو من الجميع مسح تلك التعليقات واضافه صوره رمزيه

حيث ان الصوره لا تظهر فى الكومنتات المزيفه

وهذا ما يوضح الفرق بين الكومنت الأصلى من المدون

والكومنت المزيف من اصحاب تلك المواقع

التعليقات المزوره تكون بلا صوره رمزيه

وترسل على الايميلات والبلوجات بلينكات البلوجات الاصليه او بلينكات البروفايل

أنا غير مسؤوله عن اى من تلك التعليقات

وليس لنا فروع أخرى سوى مدوناتى المعروفه

KLMATY
REEMO FASHION
Special Moments

2007-10-07T16:58:00.000+02:00

It`s Not What You Look At,

It`s What You Look For.

كلنا فى الأسم ليلى

2007-09-17T03:18:00.000+02:00

عدت سنة علي ليلي , كانت فيها مجهوله بالنسبالى
وفى السنه التانيه سمعت عنها وقريت عنها وعجبتنى الفكره فققرت انضم لأسره ليلى

وأجاوب على اسئله ليلى واللى مررتهالى صديقتى ابيتاف

.
.
هل انتِ سعيدة كفتاة وبدورك فى الحياة؟
سعيده جدا بكونى فتاه وبحس انى فعلا مكنتش اقدر اكون ولد فى يوم ولا أعيش غير كفتاه وبالنسبه لدورى فى الحياه انا بحاول أكون راضيه عنه بحاول على قدر المستطاع لكن بالنسبه لدور الفتاه عامه فأنا من رأيى انه اساسى فى الحياه ده لو مكنش هو الحياه نفسها
.
.
ما الذى لا يعجبك فى المجتمع اتجاه نظرته لليلى ؟؟
ان كتير جدا بينظر لليلى على انها تافهه وسطحيه,وده غير صحيح بالمره ليلى عندها عقل متميز وشخصيه تستاهل التقدير كمان نظرته لان ليلى دائما عوره يجب سترها من يوم ولادتها وان اختلاطها وخروجها للمجتمع من الممكن ان يكشف العوره لذا يجب استبعاده وللأسف ان النظره دى مازالت موجوده ومنتشره رغم كل ما يقال من رفض واستنكار وبرغم الإطار الظاهرى بأن المراه اخدت فرصتها واللى فى الباطن مختلف هو ببساطه قشره سهله الكسر صنعها البعض
.
.
ما رايك فى دور الاعلام فى ترسيخ صورة نمطية عن المرأة؟ ومعالجات قضايا المرأة؟ وتأثيره؟
الاعلام مهتم بالمرأه كجسد مثير ووجه جميل ...قليل من الاعلام اللى بجد بيناقش مشكله تهم المرأه ده لو مكنش منعدم تقريبا المرأه فى الأعلام مكمل , جسد متحرك او جزء اضافى للأساسى ..أكيد فى استثناءات فى الموضوع لكن زى ما قلت قليله تكاد تكون منعدمه ...باختصار الأعلام ظلم المرأه وحصرها فى اطار معين
.
.
ما رايك فى يوم ليلى ؟؟
مبادره تستحق الاحترام وفكره تستوجب كثير من الاهتمام
.
.
أول خطوة.. اقتراح لتغيير مشاكل معينة ؟؟
أول خطوه تغير النظره على ان البنت عوره وعيب , نبطل كلمه انتى بنت فى مجتمع شرقى , نبطل كلمه الولد حر لكن البنت مينفعش تكون حره , نعترف بان ظاهره المرأه المتحديه القويه اللى اخدت فرصتها دى وهم صنعه الاعلام وصدقه المجتمع وان حقيقه الحال فى بيتى وبيتك وبيت كل واحد انه غير كده وان لسه فيه لا وممنوع وان البنت تبقى مينفعش , ميصحش , وعيب
.
.
هل تحبين نفسك أم تتظاهرين بالقوة؟
بحبها جدا وبعتز بيها أكتر... كتير بتظاهر بالقوه لاننا كتير بنحتاج فى دوامات الحياه اننا نمثل القوه حتى لو كنا مفتقدينها
.
.
هل تعرفين دورك في الحياة أم تتسابقين وتلعبين أدوارا مرسومة وفقط؟
أكيد عارفه دورى ... لكن مش هقدر اقول انى بنفذه كامل لأن الأدوار المرسومه كتير بنكون مجبرين عليها مهما تحدينا واعترضنا
.
.
هل مستعدة أن تدافعي عن وجهة نظرك عموما أم تجبنين عند المواجهة؟ وهل ترين جبنك سمة شخصية أم يغذيها من حولك؟
لا بدافع عنها كتير حتى لو عارفه انى مش هكسب الجوله بيكفينى انى قلت وجهه نظرى أما جبنى فكتير بيكون ناتج عن مؤثرات خارجيه وخوف من رد فعل معين وده بيضطرنى انى انى احتفظ بوجهه نظرى لفرصه تانيه لأنى مدركه تماما قوه وجهه النظر الأخرى المترسخه فى عقول أغلبيه المجتمع ونظرته للبنت
.
.
ما مشاكل ليلى الملحة في المجتمع من وجهة نظرك؟ ما مصدرها؟ هل يمكن حلها؟ وهل عندك موقف شخصى من واقع الحياة؟
أول مشكله واللى انتشرت بشكل كبير جدا

مشكله العنوسه وتأخر سن الزواج وكلمه عانس اللى بقت خطر يهدد كل بنت عدت سن ال25وملازمه لكل من تعدت ال30 مصدرها فكره ان البنت دورها الاساسى فى المجتمع هو الزواج والانجاب واللى جعل كل من تفقد الجزء ده فى حياتها انها ناقصه فقدت معنى حياتها أما حلها بيكمن أولا فى الثقه بأن كل ترتيبات الحياه ماهى الا نصيب مكتوب من عند الله ولا ذنب لليلى فيها وثانيا تغير الأفكار ومحاوله الانصاف فى النظرإلى ليلى وان كان جزء من حياتها فقدته من حقها انها تكمل الجزء التانى بدون اى ظلم او نظره مقلله من شأنها

وطبعا لا يمكن التغاضى عن مشكله التحرشات سواء الجسديه او اللفظيه او حتى تحرشات النظر واللى اصبحت شامله كل البنات بغض النظر عن التزام او احتشام او شكل او جمال فكفايه انها تكون انثى ده كفيل بتعرضها لجميع انواع التحرشات الممكنه من أول النظر الى اللمس وأكيد مصدرها نظره الكثير للمرأه على انها جسد للتمتع فقط وان كل ممنوع مرغوب أما حلها فأعتقد انه بيحتاج لثوره على عقول المجتمع لتصحيح الأوضاع
.
.
هل ترى المرأة أقل من الرجل في أي مستوى من المستويات؟ و إن كان فعلا، فما هي هذه المستويات؟
مش أقل ولا أكثر , المرأه والرجل متكاملان كل واحد فيهم بيكمل التانى وكل واحد فيهم مهم زى التانى بالظبط ...المستوى واحد للأتنين ...ومستوى كل واحد فى الاتنين لا تقل أهميه على مستوى الآخر
.
.
بعد مرور سنة من يوم ليلى الأول ماذا تغير في وضع ليلى؟
أولا ماذا تغير حولها في الشارع، كالظروف و المشاكل في مصر بالنسبة للبنات والسيدات صارت أحسن أم أسوأ؟
ثانيا هل تغير شيء شخصيا بالنسبة لك أو بداخلك؟ هل أصبحت شخصية أكثر انفتاحا أم انغلاقا؟ ثقة أم عدم ثقة؟ ولماذا؟
بدايه من سنه لم اكن قد تعرفت على ليلى وان كنت عرفت الكثير من بنات ليلى أما الوضع أصبح اسوأ بالنسبه لليلى واصبحت مشكلاتها أكثر تعقيدا ونظره المجتمع تغيرت واصبحت أشد قسوه ...بالنسبالى شخصيتى بحسها بتتغير كل يوم مش كل سنه , كثره العلاقات والقراءه والسمع بيغير حاجات كتير جدا جوايا ...وأعتقد انى شخصيتى معتدله نوعا ما مبتحبش الانفتاح الكبير ولا بتفضل الانغلاق الشديد برده ...بس بالنسبه للثقه فأنا اصبحت أقل ثقه بالمجتمع لانه اصبح من سيء الى اسوأ والثقه بقت صعبه جدا فى ظل تغيرات وتقلباته السيئه
اما ما تأكدلى هو انه باختلاف طبيعتنا الشخصيه والعرقيه والطبقيه والشكليه

لكن كلنا بنات حواء نندرج تحت إسم واحد
"ليلى"
.
.
للتعرف أكثر على ليلى تابع مدونه كلنا ليلى

اللهم تقبل منا رمضان

2007-09-13T01:27:00.000+02:00

وجوه بلاستيكيه

2007-08-31T04:34:00.000+02:00

أن تفقد احترامك لشخص ما
هو أسوأ ما يمكن أن يحدث فى علاقتك بأحد الأشخاص
فالحب والكراهيه هى مشاعر لا اراديه
تحدث بدون اى ترتيب او قصد شخصى
ولا نملك الا مقاومتها فى حاله عدم رغبتنا فيها
اما التحكم فيها فهو خارج عن الاراده
بعكس الاحترام فهو احساس ارادى
ينتج من خلال التعامل الشخصى مع الأخرين
وفقدان ذلك الاحترام دائما ما يصاحبه تلك الصدمه
الناتجه من انهيار احد التماثيل المحببه لديك
التى قد تكون قد شكلت جزء مهما فى حياتك
وكمحاوله لاستعادته مره اخرى
تبحث عن ذلك المعنى الذى قد جذبك ناحيته
فلا تجد سوى معان اخرى لا تمت بصله لما رأيته فى داخله
او بمعنى أصح لما تخيلت ان تجده بداخله
فتقرر التحاور مع تلك المعانى الاخرى
لعلك تجد ما يجذبك اليه مره اخرى
فلاتجد سوى تشوهات نفسيه
تختبئ وراء شخصيه مهزوزه منعدمه المعنى
فاقده الثقه بنفسها مما يفقدك الثقه فيها
فتعود لتبحث عن تلك المعانى المفقوده
لتجد انها كانت وهما صنعه ذلك الوجه البلاستيكى المتقن
الذى ابتدعه صاحبه لتغطيه ما يحمله بداخله من اشباه افكار
وساعده عليه وهم البحث عن المثاليه بداخلك
وانبهار الناس وانجذابهم نحوه
مما ساعده على خلق تلك الهاله المحيطه به
المليئه بتلك المعانى المزيفه
والتى بهرتك انت ايضا لتجذبك نحوه
لتكتشفها عند أول شعاع حقيقه يسلط عليها
فتصطدم بواقعه المزيف
لتنتهى الروايه بوجه بلاستيكى آخر
ينضم لسابقيه ممن قد مروا بك
وفقدان احترام واشمئزاز سبقه له غيره
وسيعقبه فيه آخرون

**************

waiting

2007-08-25T10:10:00.000+02:00

رغم حرصى على اولويه الدفع

مازلت بقائمه الانتظار

احتراق

2007-08-04T04:26:00.000+02:00

قبل اتخاذ القرار

قررت أن تستمع لنصيحتها

بضع دقائق أخرى قبل تدمير كل شئ

بضع دقائق تراهم فيها يحترقون

تماما كما تحترق أمامها

تشاهد النيران وهى تلتهمهم بشراسه

تزيد أنفاسها فهى وسيلتها لإحتراقهم

فكلما زادت كلما اشتدت النيران

وكلما أحرقت ما تبقى منهم بداخلها

لتتركهم رمادا متناثرا

متطايرا

يسقط أرضا فتدهسه قدماها

فى محاوله أخيره لسحقهم بداخلها

تماما كما فعلوا من قبل

وما أن انتهت منهم

حتى وجدت أنه لا فائده من اتخاذ القرار

فقد التهمت النيران كل شئ

فلم تعد تعلم إن كانت قد أحرقتهم بداخلها

أم أحرقت ما تبقى بداخلها

...............

لو كان بإمكانى

2007-07-25T03:23:00.000+02:00

فى تدوينه لدى صديقتى إيبتاف
تمنت فيها ان تكون وساده وثيرةً

بإيحاء من الجميله ندا التى وودت لو تكون ملاكا كى ترتاح من عقلها

تساءلت فيها ماذا اتمنى ان اكون لو كان بامكانى؟؟

لو كان بامكانى أن أكون شهرا فى السنه لكنت مارس ــ قدومى يعلن بدايه قدوم الربيع

لو كان بامكانى أن أكون يوما فى الأسبوع لكنت الأثنين ــ صله ربط ما بين البدايه والنهايه

لو كان بامكانى أن أكون وقتا فى اليوم لكنت الشروق ــ بدايه يوم جديد وأمل جديد

لو كان بامكاني أن أكون كوكباً لكنت الزهره ــ كوكب حواء

.
لو كان بامكاني أن أكون مخلوقاً آخراً لكنت قطه ــ ناعمه دائما لكن حذارى ان تؤذيها
.
لو كان بامكاني أن أكون جهة لكنت جهة الشرق ــ بكل ما يحمله من سحر
.
لو كان بامكاني أن أكون شيئا لكنت نجما ــ عاليا لامعا فى السماء
.
لو كان بامكاني أن أكون سائلاً لكنت مياه شلال ــ متدفقه وقويه دائما
.
لو كان بامكاني أن أكون شجرة لكنت شجر الزيتون ــ بكل ما تحمله أغصانه من سلام
.
لو كان بامكاني أن أكون طائرا لكنت حمام ــ لأصل برسائل الغرام بين العشاق
.
لو كان بامكاني أن اكون آلة موسيقية لكنت الناى ــ يدخل القلوب ويستأثرها بشجنه
.
لو كان بامكاني أن أكون نباتاً لكنت وردا أحمرا بين صفحات كتاب عاشق
.
لو كان بامكاني أن أكون طقسا لكنت ربيعيا ــ يحمل بين نسماته رحيق تفتح أزهاره
.
لو كان بامكاني أن أكون ظاهرة طبيعية لكنت برقا ــ خاطفا , مشعا وغامضا
.
لو كان بامكاني أن أكون ثمرة لكنت ثمره الفراوله ــ شهيه دائما

لو كان بامكاني أن أكون شخصية خرافية لكنت سندريلا

.
لو كان بامكاني أن أكون أسطوره, لكنت فينوس ــ رمزا للجمال

.
لو كان بامكاني أن أكون صوتا لكنت صوت الكروان ــ مخترقا لسكون الليل ومصاحبا لليالى العشق الطويله

لو كان بامكاني أن أكون رنينا لكنت كرنين دقات الساعه ساعه الأنتظار
.
لو كان بامكاني أن أكون عنصرا لكنت الشمس ــ بعيده منيره دائما

كان بامكاني أن أكون عنصرا في جدول ميندلييف لكنت الأكسجين ــ سر الحياه

.
لو كان بامكاني أن أكون أغنية لكنت أغنية من أغانى فيروز
.
لو كان بامكاني أن أكون مكاناً لكنت بحرا وقت الغروب
.
لو كان بامكاني أن أكون طعما لكنت طعم السكر ــ أتمتع بحب كل الأطفال
.
لو كان بامكاني أن أكون رائحة لكنت عطرا مثيرا
.
لو كان بامكاني أن أكون كلمة لكنت كلمه السعاده ــ غايه كل الناس
.
لو كان بامكاني أن أكون موضوعاً لكنت الحب ــ مكانى دائما فى القلوب
.
لو كان بامكاني أن أكون جزءا من الجسد لكنت العينين ــ لغه الكلام الأولى
.
لو كان بامكاني أن أكون شكلا هندسيا لكنت دائرة ــ نهايتها هى بدايه جديده لها
.
لو كان بامكاني أن أكون لوناً لكنت الوردى ــ بما يحمله من رقه وعذوبه
.
لو كان بامكاني أن أكون رقما لكنت رقم اثنين ــ بكل ما يجمعه من ربط بين وحدتين

......................

Special Moments

2007-07-23T00:28:00.001+02:00

فى زمن طغت عليه المصلحه واستولت عليه الماده

وتاهت فيه أرق المعانى للمشاعر وأسماها

حاولنا البحث عن بعض اللحظات الخاصه

التى نستعيد فيها بعض من تلك

المعانى الجميله والمشاعر المرهفه

فى محاوله لإنقاذ قلوبنا من التحجر

محاوله نستعيد فيها زمن مضى

ونحارب فيها واقع قاسى

قد تكون بكلمات بسيطه

أو بموسيقى هادئه

تأخدنا إلى عالم جميل

ملئ بالأحاسيس

قد يكون خيالى

لكنه يخلق لدينا تلك اللحظات الجميله

الصافيه

إنها

استعاده للمشاعر

بلحظات خاصه

...................

مدونه جديده تدعوك لاستعاده بعض لحظات المشاعر

Special Moments

مفتاح شفاه

2007-07-14T22:18:00.000+02:00

حاول مرارا

وامتنعت تكرارا

وبعد عده محاولات عابثه

ما بين رغبه ومقاومه

واشتياق اجساد واشتعالها

التقت شفتاهما

واستطاع ان ينالها

وان يذوب من حراره قبلاتها

ويستمتع بلهفه جسدها

فما ان ذاقها

حتى رفضها

واعرض عنها وزهدها

ظاننا بانه قد امتلكها

ونجح فى اختراق اسوار قلبها

والسيطره عليها وترويضها

لكنه لم يدرك يوما

بأن مفتاح قلبها

لم يكن ابدا فى شفاهها

................

عدنا بعد الفاصل

2007-07-11T03:06:00.000+02:00

كنت قد قررت الابتعاد لفتره

والعوده الى شرنقتى واغلاقها

فى محاوله اخيره

لاستعاده سيطرتى المفقوده على بعض الأمور

كانت وقفه لا بد منها

رغم محاولاتى الكثيره فى عدم الابتعاد

الا اننى لم استطع المواصله فى وقت ما

اعتذر لكل من دخل المدونه ووجدها مغلقه

واشكر كل ترك لى تعليقا

او ارسل ايميلا

شكرا جزيلا

سعدت جدا بتواصلكم

ها قد عدنا من جديد

(^_^)

جنين

2007-06-04T08:30:00.000+02:00

أشعر به بداخلى

كجنين ينمو ليعلن عن قدومه

يتحرك بداخلى ليحرك معه قلبى

ويداعب أوتار خيالى

يكبر ويكبر

ليغزو كيانى

فيعلن عن اقتراب وصوله

وبدء إعلان وجوده

وبرغم خوفى من مخاضه

ومحاولاتى الكثيره لإجهاضه

فهو يسيطر على كل جوانحى

وأشعر بضعفى أمامه

ورغبتى فى مولده

طفلا صغيرا ينام بين أحضانى

أغلق معه عيونى

فيختبئ بين جفونى

أضمه بين ضلوعى

فتتحقق معه أحلامى
.................

حالة تشاؤم

2007-05-27T04:13:00.000+02:00

صباح جديد

وإستيقاظ جديد

لا أدرى سببا له

هذا إن صح إعتباره استيقاظا

بعد ليله من النوم المتقطع المقلق

المحمل بتلك الأحلام الغريبه

التى عاده ما تجمع أرواح كل من قابلتهم فى حياتى

فى جو من الرهبه والسكون

تجعلنى فى حاله ذهول

من كيفيه تجمع كل هؤلاء فى ذلك الجو والمكان

وبعد عده محاولات فاشله فى الهروب من تلك الأحلام

والبحث عن نوم مريح

ألجأ للإستيقاظ مبكرا

لأجده صباح صافى السماء مشرق الشمس

فأقرر الاستمتاع به

وبفنجان قهوتى الصباحيه المفضل

وما أن أبدأ

حتى أسمع صوته

ينعق كما يفعل دائما معلنا وجوده

مفسدا استمتاعى بتلك اللحظات القليله

مكملا ذلك الجو الغريب الذى بدأ معه صباحى

تاركا لى تشاؤم ورغبه فى الإمساك به وكسر عنقه

فكم كرهت صوته

وكم كان نذير ليوما محملا بكثير من التعب والضيق والإرهاق

بالرغم من أنى لست أؤمن بمثل تلك الرموز

التى توحى بالتشاؤم والتفاؤل لدى كثيرين

وبالرغم من محاولاتى العديده فى التخلص من ذلك الإعتقاد

إلا إنه كان الرمز الوحيد للتشاؤم فى حياتى

فقد كان سماعه نذير شؤم ليوم سئ

ما أن أسمعه

حتى أبدأ فى التفكير

فى كنهه ذلك الحادث المؤسف المنتظر حدوثه

ويتبع ذلك التفكير دائما حاله من إعاده الحسابات

لتفادى أى من تلك الحوادث

ويكتمل بعوده إلى ذكريات مؤسفه مرت سابقا

لتحيطنى بحاله من الحزن المقترن بالإنتظار

المصاحب لحاله من التفكير المستمر

ذو الجهد المرهق الذى يفوق فى إرهاقه

جهد عمل متواصل لمده ثلاثه أيام دون انقطاع

وبعد ساعات من الإنتظار

يمر يومى بلا حوادث

بعد أن أكون قد انتهيت قلبا وقالبا

فأظن أنه لابد وأن يحدث فى اليوم التالى

فأظل أنتظر.... وأنتظر

وتمر الأيام واحده تلو الأخرى

دون أى حوادث

حتى أبدأ فى نسيان ذلك التشاؤم

وما أن أفعل

حتى أجد نفسى قد استيقظت مجددا على صباح جديد

متبوعا بذلك النعيق الكريه

ليبدأ معه تشاؤمى من جديد

******************

تحت مسمى فتوى

2007-05-21T23:15:00.000+02:00

من المؤسف حقا ان تخرج الإساءه لديننا من بين ايدى علماء وفقهاء الدين
فبعد ان كنا متلقين للإساءه

مدافعين عنها وعن رسولنا الكريم
أصبحنا نحن من نقوم بتوجيه هذه الإساءه لديننا ورسولنا
والمصيبه الكبرى هى ان توجه الإساءه للدين من شيوخه

وخاصه من أحد علماء الأزهر الشريف
فبدلا من أن تكون مهمه هؤلاء الشيوخ توجيه الناس توجيها صحيحا

لأسس الدين السليم
اصبح مهمه علماء وفقهاء الدين تضليل الناس تضليلا كبيرا
بإباحه الزنى تحت ما يسمى بفتوى

*************

تفاصيل الفتوى تناولته صديقتى رحاب فى موضوع تحت عنوان حسبنا الله ونعم الوكيل

نقلا عن مدونه رحاب

**********

كل يوم تخرج علينا فتاوى جديدة
وخرجت علينا هذه الايام فتوى اصدرها الدكتورالمبجل عزت عطيه
وهو رئيس قسم الحديث بكلية أصول الدين بجامعة الازهر
والتى اباح فيها ان ترضع المرأة العامله زميلها فى العمل
حتى ترفع عن نفسها حرج الخلوة المحرمة بينها وبين زميلها
ويقول أن رضاع الكبير يبيح الخلوة ولا يحرم النكاح
وذلك تبعا لرأي الليث بن سعد، مؤكدا إن المرأة في العمل يمكنها أن تخلع الحجاب
أو تكشف شعرها أمام من أرضعته وهذه هي الحكمة من إرضاع الكبير
فالعورات الخفيفة مثل الشعر والوجه والذراعين يمكن كشفها
أما العورات الغليظة فلا يجوز كشفها على الإطلاق
وأكد أن الإرضاع يكون بالتقام الثدي مباشرة
وقال د.عزت عطية إن هذه الفتوى تختص بأي رجل يخلو بامرأة في غرفة مغلقة لا يدخل عليهما أحد
ولا يختص الأمر بالموظفين والموظفات فقط فهذا يؤدي الى تشويش في الموضوع
لأن القضية تخص أي رجل وامرأة غريبة عنه تغلق عليهما غرفة خاصة ولا تفتح إلا بإذن أحدهما
لكن لو كان هناك أكثر من اثنين من الموظفين والموظفات في حجرة فلا يعتبر ذلك خلوة
ويستند الدكتور عزت الى حديث عن الرسول صلى الله عليه وسلم والحديث هو

....................
حدثنا ‏ ‏عمرو الناقد ‏ ‏ وابن أبي عمر ‏ ‏قالا حدثنا ‏ ‏سفيان بن عيينة ‏ ‏عن ‏ ‏عبد الرحمن بن القاسم ‏ ‏عن ‏ ‏أبيه ‏ ‏عن ‏ ‏عائشة ‏ ‏قالت:
جاءت ‏ ‏ سهلة بنت سهيل ‏ ‏إلى النبي ‏ ‏صلى الله عليه وسلم ‏ ‏فقالت يا رسول الله إني أرى في وجه ‏ ‏أبي حذيفة ‏ ‏من دخول ‏ ‏سالم ‏ ‏وهو حليفه فقال النبي ‏ ‏صلى الله عليه وسلم ‏ ‏أرضعيه قالت وكيف أرضعه وهو رجل كبير فتبسم رسول الله ‏ ‏صلى الله عليه وسلم ‏ ‏وقال قد علمت أنه رجل كبير ‏ ‏زاد ‏ ‏عمرو ‏ ‏في حديثه وكان قد شهد بدرا ‏ ‏وفي رواية ‏ ‏ ابن أبي عمر ‏ ‏فضحك رسول الله ‏ ‏صلى الله عليه وسلم
الحديث ثابت وصحيح ولا ريب فيه . وهو في الصحيحين

البخاري ( 4000 ، 5088 ) ومسلم ( 1453 ) 0

............
وقصة الحديث تتلخص في
أن أبا حذيفة كان قد تبنى سالما قبل أن يبطل التبني وصار كابنه تماما يدخل البيت وزوجة أبي حذيفة لا تحتجب عنه لأنه ابنها . فلما أبطل الله تعالى التبني صار سالم ـ وقد كبر ـ أجنبيا من " سهلة " امرأة أبي حذيفة التي جاءت تشتكي إلى النبي صلى الله عليه وسلم وتقول

إنَّ سالما كان أبو حذيفة قد تبناه يدخل علينا ونكلمه ، وقد بَطَلَ التبني ، فقال لها النبي صلى الله عليه وسلم : (( أرْضِعيه تَحْرُمِي عَلَيه )) 0

............
ولا شك أن سالما لم يرضع مباشرة من ثدي امرأة أبي حذيفة كما يُصَوّر أهل الأفك
وفى شرح الامام النووى للحديث قال ( ‏قال القاضي : لعلها حلبته ثم شربه من غير أن يمس ثديها ولا التقت بشرتاهما , وبهذا الذي قاله القاضي حسن , ويحتمل أنه عفي عن مسه للحاجة كما خص بالرضاعة مع الكبر والله أعلم )0

...............
ومع ذلك فهذا الحديث لا يأخذ به لموقف سائر أزواج رسول الله صلى الله عليه وسلم
فزوجات رسول الله رفضن مبدأ إرضاع الكبير

ألى جانب أنه حاله خاصه لا يصح أن تعمم
وبعد هذه الفتوى والضجة الاعلاميه التى حدثت بسبب هذة الفتوى
قامت جامعة الازهر بتشكيل لجنة برئاسة الدكتور أحمد عمر هاشم رئيس قسم الحديث الأسبق بالكلية
وعضوية عدد من أساتذة الحديث بالجامعة؛ لمراجعة الدكتور عطية عن فتواه وصرح مصدر مسئول بالجامعة أن جامعة الأزهر كانت تستعد لاتخاذ إجراء مع الدكتور عزت
نتيجة فتواه المثيرة للجدل، كما أن رئيس الجامعة قد صمم على أن يكون هناك اعتذار على تلك الفتوى
وبالفعل قام الدكتور عزت بكتابة الاعتذاروهذا نص الاعتذار بخط يد الدكتور عزت عطيه

*************

لقد قامت الدنيا ولم تقعد على الصحافة الدنماركية والغربية
لنشرها رسوما تسيء للرسول صلى الله عليه وسلم
وللاسف فإن بعض الفقهاء هم أشد إساءة للرسول صلى الله عليه وسلم
وللإسلام من أعداء الإسلام إذ ينقلون فتاوى ما أنزل الله بها من سلطان
ان امثال هذا الشيخ هم الذين يسيؤون للدين ولسمعة الأزهر ولكن الى متى ستظل هذة الفتاوى تخرج علينا بين الحين والاخر
من علماء وفقهاء الدين الذين اصبحوا يشكلون خطرا على الدين الاسلامى
فكل يوم تخرج علينا فتاوى جديدة
مثل قرأة القرآن فى الحمام
واخر يقول ان شرب السجائر فى رمضان مباح ولا يفطر
واخرون كثيرا يخرجون كل يوم علينا بفتاوى غريبه
والله ورسوله برئ من هولاء
حسبنا الله ونعم الوكيل

****************************

فاصل تاجى وسنعود

2007-05-18T04:15:00.001+02:00

التاج ده اتمررلى من 3 أصدقاء
أحمد مبرمج حر
سمير
حزين
يعنى ورايا ورايا ..... مفيش مفر لازم أجاوب
نبدأ على بركه الله وأول سؤال

أحب شخص الى قلبك في الدنيا؟
إخواتى وبابا وبعدهم أنتيمتى غاده

إنسان مستعد تضحي بحياتك _ركز في كلمة حياتك_عشانه؟
أى واحده من اخواتى أو بابا
وممكن حبيبى المستقبلى بس لو حسيت فعلا إنه يستاهل حبى وتضحيتى

إنسان كرهته لدرجة الجنون و تمنيت لو تمسك سكينة و تنقض عليه و تغرزها في قلبه تقتله و تقف تبص على جثته و تشفي غليل قلبك؟
مش للدرجادى يعنى
اه فى ناس مش بحبها وبكرها بس مش لدرجه إنى أتمنى موته
أو انا اللى أقتله
عامه أنا لو مش بحب حد ببعد عنه وبقطع أى علاقه ليا بيه
بخرجه من حياتى علشان أريح نفسى من تضييع الوقت والتفكير فى كرهى ليه

ما هو إسم أجمل كتاب كتبه بشرقرأته و محتفظ به حتى الآن؟
مش من هواه القرايه فى كتب كتير مميزه بتسيب أثر جوايا
بس عامه أنا من محبى روايات إحسان عبد القدوس وشعر فاروق جويده

إسم كتاب_كتبه بشر برضه_إنت متعلق بيه و بتقراه كل فترة؟
برده مليش فيه
الكتاب معايا بيتقرى مره واحده بس
ولو عجبنى أوى بقرأ الأجزاء اللى عجبتنى مره تانيه مش كله

:)

أهم جهاز منزلي متعلق بيه أوبتستخدمه كتيرشىء تحس بالراحة النفسية عندما تنظر إليه؟
الكمبيوتر والموبايل

شىء تحس بالراحة النفسية عندما تنظر إليه؟
سما ويوسف ولاد أختى وهما نايمين

البحر وقت الفجر

مكان تحس فيه بالحنين إلى شىء لا تدري ما هو و ذكريات جارفة إلى لا شىء؟
جنينه بيتنا فى الأردن

مكان تحس بالراحة عندما تدخله؟
بيت غاده صحبتى

أجمل مدينة زرتها داخل مصر؟
أنا من عشاق اسكندريه

شخصية كرتونية تحبها؟
سالى

البنت الجميله اللى كانت بتدرس فى مدرسه داخليه لطبيعه شغل والدها
وبتكون أجمل من فيها وتعامل معامله الأميرات ثم تضطرها الظروف وموت والدها

إنها بعد ما كانت اميره المدرسه تشتغل خدامه فى نفس المدرسه

نوع هاتفك المحمول؟
نوكيا

سرعة بروسيسور جهازك؟
2.26 GHz

ذاكرة _هارد_جهازك؟
512 MB , 80 GH

المساحة التي تشغلها المساحة الاسلامية على جهازك؟
مش كبيره بصراحه
لأن الجهاز عندى أغلبه برامج وبتاخد مساحه عليه

نفس الاجابة السالف ذكرها في قلبك_الاجابة لنفسك عشان الرياء يا اخوانا؟
والله هى مش بالمساحه
الواحد بيحاول يجتهد والله المستعان

أهم هدف انت واضعه لحياتك الآن؟
حاليا أحقق حلمى بأنى أثقل موهبتى فى الرسم بدراسه أو شغل
أعمل مستقبلى اللى أنا عايزاه مش اللى الظروف اضطرتنى ليه

مواصفات فتى الاحلام بالنسبة لي؟
أهم حاجه إنى احس معاه بالأمان
مبقاش خايفه وأنا معاه وأبقى مطمنه لمجرد وجوده معايا
يفهمنى ويشاركنى عالمى وأشاركه عالمه
مش غامض وكلامه محتاج مليون عقل على عقلى علشان أقتنع بيه
يكون طموح ومش كسلان
يكون بينا إهتمامات وميول مشتركه
نحس ببعض أوى حتى لو بعيد عن بعض
طيب ومتفاؤل علشان يعوض نقطه التشاؤم اللى عندى

صف ما يأتي
شعورك لما بتسمع كلمة مصر؟
نهايه المطاف بعد لف كتير فى بلاد الله
فيها أصحابى وإستقرارى

شعورك لما بتسمع كلام عن اليهود؟
مكر الثعالب ولدغ الأفاعى وإنعدام مبادئ

شعورك لما بتشوف ضابط شرطة؟
مفيش شعور معين
بس يمكن غرور ونفخ على الفاضى

شعورك لما بتشوف الكناس العجوز في الطريق؟
بقول سبحان مقسم الأرزاق

أفكارك تجاه شاب ماشي في الطريق يلبس جلابية بيضاء قصيرة و عمامة و له لحية و بجيبه السواك و في يده المصحف؟
بفكر هو ممكن يكون باصصلى إزاى
بصراحه بخاف من النوعيه دى

إحساس يراودك في اشارة مرور مغلقة بسبب مسئول كبير؟
ليه يا ربى مطلعتنيش مسئول كبير

:(

***************

خلصت الاسئله وجه وقت التمرير
أساسى يعنى
هبه
رحاب
أوما
سلمى
أصدقائى المدونين
شيماء
بطوط
شيماء الجيزى
سمرا النيل (لما ترجعى من الإمتحانات كده بقوا 2)0
شيرمين
دندونه
رانيا
أمانى
لوجين
ضياء
أحمد رفعت

ملحوظه: التاج اختيارى يا جماعه يعنى اللى مش عايز يجاوبه براحته

وطبعا مفيش كومنت زى مانتو عارفين واللى هيدعى عليا يبقى فى سره

:))))

لقد عاد من جديد

2007-05-14T01:24:00.000+02:00

لقد عاد من جديد

أشعر به يتوغلنى

يحتوينى

يوشوشنى

يداعب خيالى

دائما ما يأتى

دون مقدمات

ويذهب ويغيب

دون أسباب

أنتظر قدومه

فأنا أثق دائما

بأنه لن يغيب كثيرا

فلابد له بأن يأتى

لن يغيب حتى يأتى

يأخذنى إلى عالم ساحر
أشعر فيه كأنى فراشه حالمه

تنتقل من زهره إلى أخرى

تستمع برحيقها

تذوب فى ألوانها

كطير يحلق عاليا

يبتعد

يستمتع بحريته

ينظر إلى العالم من فوق السحاب

ليكون نظرته الخاصه

ويعلن استقلاليته

أشعر بطفولتى تعود

وبراءتى ترسم ملامحى

كطفله فى المهد

تخطو أولى خطوات بداياتها

يكتب أجمل قصه عشق

تتملك كل مشاعرى

تسيطر على كل كيانى

فأكون عاشقه بلا حدود

عاشقه بلا حبيب

دائما ما بحثت عن مسمى له

عن وصف أستطيع به

التعبيرعن عالمه الذى يأخذنى اليه

فلم أجد كلماتى

وخذلتى عباراتى

فهو نقى كالمطر

ساحر كاليل

حر كالهواء

رطبا كالماء

جميلا كالقمر

متلألأ كالنجوم

هو طيف

يأتى

ليذهب

ليغيب

ليتركنى

حالمه

مشتاقه

منتظره

عودته من جديد

............

كلمه شكر

2007-05-07T02:32:00.000+02:00

أنا بجد سعيده جدا
رغم انى كنت من يومين فى قمه حزنى
بس سؤال الناس عنى واهتمامها بيا وبانها تساعدنى فى محنتى بجد اسعدنى جدا

وخلانى اكتشفت انى بجد وسط عيله جميله

وقلوبها أجمل
......................

البوست ده انا منزلاه لسببين
أولا: علشان أطمن ناس كتير جدا سألت عليا
وكانت قلقانه بسبب البوست الاخير اللى كنت نزلته
واللى كان بسبب حاله احباط وإكتئاب كنت بمر بيها الفتره اللى فاتت دى
أنا الحمدلله كويسه اوى وبقيت احسن كتير وسعيده بجد

الحمدلله على كل حال
ثانيا :لأن فى ناس بجد انا عايزه اوجه ليها كلمه مخصوص
اقل ما يقال عنها انها كلمه شكر
لانها شكر وعرفان بجميل وامتنان ليهم
لأنهم وقفو جنبى فى وقت كنت محتاجه فيه لايد تطبطب عليا وحد يسمعنى ويفهمنى
فى منهم اللى اصدقائى وبحبهم اوى
وفى اللى معرفهمش شخصيا ولا كنت اعرفهم قبل الموقف ده
بس بجد اهتموا وسألوا ووقفوا جنبى وكأنهم اصحابى من زمان
.......................

هبه و أوما
انتوا الإتنين بجد مش عارفه أقولكم ايه
ولا بجد عارفه اوصف شعورى ناحيتكم
اللى عملتوه ليا كان فعلا جميل اوى
واهتمامكم بانى اخرج من حاله الاكتئاب والإحباط دى
وزيارتكم ليا ونزولكم المنصوره مخصوص علشانى

بجد اسعدنى جدا
وفرق معايا كتير وكان يوم جميل بجد

وكان سبب رئيسى انى اخرج من الحاله اللى كنت فيها
انتو فعلا اتنين جمال اوى وقلبكم كبير
ربنا يكرمكم يا رب
أنا بجد بحبكم جدا

ويارب يديم الصداقه بينا طول العمر
........................

رحاب
سؤالك عليا والرسايل الأوف اللى سيبتهالى بجد فرحتنى جدا
أنا عارفه انك لو كان فى ايدك اكتر من كده كنتى عملتى
وسؤالك ده وقلقلك عليا بجد كأنك جيتيلى
انتى فعلا طيبه اوى وانا بحبك اوى
وربنا يديم الصداقه الجميله دى بينا يا رب
.......................

أحمد رفعت
عم أحمد الجميل أوى
انا بجد مش لاقيه كلام اقولهولك
وبجد أى كلمه شكر مش كفايه على وقفتك جنبى
رغم اننا مكناش نعرف بعض قبل كده
ومهما إتكلمت عنك مش هوافيك حقك بجد
انت إنسان جميل اوى وقلبك طيب فعلا
اهتمامك بجد وايميلاتك اللى بعتها وكلامك معايا كان حافز كبير اوى ليا
صدقنى ادانى امل جديد وشجعنى انى مش ايأس لان دايما فى امل
وبجد وقفتك جنبى عرفتنى ان ممكن ناس تساند ناس

وتساعدهم وتقف جنبهم وتهتم بيهم
حتى لو مكانش بينهم سابق معرفه
وان الدنيا لسه بخير وفيها حاجات جميله كتير
انت بجد صديق غالى عندى جدا
وعمرى ما هنسى اللى عملته معايا فى يوم
ربنا يكرمك يا رب علشان انت فعلا تستاهل
......................

ياسمين
رغم إننا متكلمناش كتير وكنا مش عارفين اوقات بعض على النت
بس ايميلاتك بجد حسستنى قد ايه انتى طيبه وجميله
واهتمامك بمساعدتى وايديك اللى مدتهالى عمرى ما هنساها ابدا
انت فعلا من احسن الناس اللى قابلتها فى حياتى
وقلبك وتفكيرك وعقلك ونضجك مثال يحتذى بيه لاى بنت فعلا
ربنا يخليكى لبناتك ويكرمك يا رب
........................

ضياء
او هقول ذو العقل الجميل والقلب الاجمل
انت بجد انسان رائع وايميلاتك ومساندتك ليا عمرى ما هنساه
انت اكتر واحد بجد فهم مشاعرى واحساسى
لانك يمكن مريت بنفس التجربه والاحساس
وده خلانى اخرج اللى جوايا وافضفض بكل اللى عايزه اقوله
انت فعلا صديق عزيز عليا بعتز بصداقته جدا
ربنا يكرمك يا رب ويحققلك كل اللى بتتمناه
...................

أمانى

معرفتى بيك واهتمامك ومساندتك ليا وكلامك معايا

بجد أثر فيا جدا وحسسنى أد ايه الدنيا فيها ناس جميله زيك

والادعيه اللى بعتهالى وكلامك اللى زى البلسم

فعلا ريحنى جدا

أنا سعيده بمعرفتك وبصداقتك

ربنا يديم صداقتنا ويكرمك يا رب

........................

كل اللى بعتلى ميل يطمن فيه عليا
وكل اللى سابلى كومنت فى البوست اللى فات
انتم بجد كنتم سبب سعادتى فعلا
وكان اهتمامكم سبب رئيسى انى اخرج من الحاله دى
وارجع ريم تانى اللى الناس تعرفها

وأنسى اليأس اللى كان سيطر عليا
سعيده جدا بتواصلكم
وبجد شكرا ليكم واحد واحد
شكرا
.................

صمت

2007-05-01T23:32:00.000+02:00

حاولت كثيرا أن أبحث عن كلماتى

أن أخرج ما بداخلى من أحساسيس

أن أكتب عن ذلك الشعور الذى أصبغ كل حياتى

لكنى لم أجد سوى أسوار من الصمت

تحيط بى من كل صوب

فقد أدركت أنى مازالت أصاحب الذكريات

فلا أرى فى حياتى سوى ذكرى سيئه وماضى أليم

فقد اكتشفت أننى وبعد كل هذه السنين

قد سلكت طريقا خاطئا لا مستقبل له

وأنى لكى أبدأ من جديد

فيجب أن أسترجع الماضى أولا

صرختى عاليه بداخلى

لكن لا يسمعها سواى

فأنا من يشعر بهذا الألم

أنا من يعانى هذا الفراغ

أنا من يتألم كل لحظه

أنا من يختنق ذلك الإنسان داخله

أنا من يحاول الإستغاثه

فلا يلبى ندائى سوى هذا الصمت

مصحوبا بذلك الاحساس الكئيب

يغلفنى ويتوغل بداخلى

حتى اصبح جزأ لا يتجزأ منى

فأتذكر قول صديقتى

أحيانا يجبرك الصمت على الكلام....فيجبرك الكلام على الصمت

فهذا حالى كلما حاولت الكلام

أجد أن لا نفع له

فألتزم الصمت

.......

هواة الدمار

2007-04-25T02:05:00.000+02:00

يهوون تدمير حياه الاخرين

يتلذذون فى تعذيبهم

يستمتعون فى جراحهم

تتبارى أذهانهم

فى كيفيه خنق الأخرين

تشحذ عقولهم

فى محاوله لإباده حياه من حولهم

ليس لسبب

إلا اشباع رغبتهم الساديه

فى الإستمتاع بآلالام الأخرين

كم استجمعوا كل أسلحتهم

واستنفذوا كل قواهم

لسماع آهات من حولهم

والإستمتاع بأنين من بقربهم

دائما ما يتواجدون فى كل مكان

دائما ما يظهرون بمظهر الملاك

دائما ما يذوبون فى وسط الجموع

يعيشون

ينتشرون

يتفاعلون

.....

إنهم هواه الدمار
.....

تضاد

2007-04-18T01:26:00.000+02:00

لمن لا يعرف التضاد هى قاعده لغويه

تنص على ان كل كلمه تقابلها اخرى مضاده لها فى المعنى

اذا ما اجتمعتا فى جمله واحده

فان كلاهما تبرز وتوضح معنى الاخرى

كثيرا ما كنت شديده السرعه فى حل مثل تلك الاسئله ايام دراستى

وكثيرا ما كنت اتساءل

ما فائده ان ان اجمع كلمتين متضادتين فى جمله واحده

فيكفينى انى اعرف المضاد فقط

وان جمعها معا فى هذه الجمله لن يفيدنى بشئ فى حياتى

ولكنى اكتشفت مؤخرا ان الحياه تتمحور على نظريه التضاد

فلو لم اكن ادرك معنى التضاد

ما شعرت بيوم بعتمه اللون الاسود ... الا اذا قارنته بمضاده الابيض

وانى لكى اشعر بفرحه النجاح ... فيجب ان اشعر حزن الفشل

وان شعورى بنشوه الحب لن تكتمل ... الا اذا عانيت الام الجراح

واحساسى بسعاده اللقاء تنحصر ... فى مدى صعوبه الفراق

وأنى لو لم اخطأ فى يوم ... ما تعلمت ابدا ماهو الصواب

ولو لم احس يوما بالحرمان ... ما تذوقت الان طعم الشبع

وان تمسكى بالحياه دائما ما يقترن ... بخوفى من الموت

فالابيض والاسود

والفرح والحزن

والنجاح والفشل

والحب والجراح

واللقاء والفراق

والخطأ والصواب

والحياه والموت

كلها متضادات تجتمع لتوضح كلاهما معنى الاخرى

وان ادراك المعنى دائما ما يتوقف على مدى الشعور بمضاده

فالحياه ماهى الا تضاد كبير اذا اجتمعت مع الموت برز معناها

.....................................

وجبه دسمه من التاجات

2007-04-17T16:50:00.000+02:00

دى مجموعه تاجات كتير كدهمنها اللى كان عندى من فتره ومنها اللى جالى جديدانا قلت انزل كله على بعضه مره واحده علشان اخلصمعلش بقى البوست طويل شويه_______________________
أول تاج من عند ابيتافوهو اختبار اعرف فيه انا اشبهه مين من القاده؟؟ودى كانت النتيجه

انى بقود اللى حواليا بعملى الجيد وطبيعتى المساعده

وانى بحب العطاء وده فعلا نوعا ما فيا الصفه دى

الاختبار ده انا هبعته لمجموعه

sazmnd - hoba- re7ab- oma- smraaelnil-Yasmina-shyama- shermen- ert3asha- ody

ده الاختبار
What Famous Leader Are You?

_____________________

التاجين دول من عند اوما

معلش يا اوما انتى بعتيلى 3 بس انا قلبت واحد

وجاوبت اتنين علشان متزعليش يا قمر

اسم مدونتك؟

KLMAT REEMO

لماذا اخترته..وماهي نيتك من وراء اختياره؟

مفيش اى نوايا اسمى الحقيقى ريم واسمى الدلع ريمو واللى موجود فيه هو شويه كلمات بكتبها

هل فكرت في إغلاق مدونتك؟..والسبب؟

هو انا مش فكرت انى اغلقها بس كتير كنت بفكر مكتبش تانى فيها

صورتك في المدونة..رمزيتها؟

صورتى لبنت فى حاله وحده وحيره نفسها فى حاجات كتير بس مش عارفه تلاقى اى حاجه منها

لماذا دخلت عالم التدوين من الاساس؟

الموضوع كان صدفه هو اصلا اول ما عرفت المدونات كان عن طريق نهيركنت بقولها انى زهقانه بعد ما اعتزلت عالم المنتديات وكنت مش بلاقى مكان اكتب فيه اللى بحسه او بفكر فيه فهى اقترحت عليا اعمل مدونه وفعلا بعتتلى اللينك وحصل انى عملت مدونتى دى

احلى جمله قيلت لك فى وصف مدونتك؟

والله هى كل الناس اجمعت على ان المدونه فيها رومانسيه جميله ورقه

وانا عجبنى بجد انى فى ناس كتير معجبه بالمدونه عندى وبتهتم بيها

التعليقات بالنسبه لك ..اهميتها؟

فى ناس معينه انا بستنى تعليقاتهم على كلام كتبته

لان رايهم يهمنى وفعلا بحس باحباط لو الناس دى مش اهتمت او علقت

كمان بحب اعرف رد فعل الاشخاص ناحيه كلمه كتبتها

احلى بوست كتبته ...ضع اللينك ..ثم اذكر لماذا؟

اعتقد انى كنت معجبه جدا ببوست الماسنجر اللى كتبته

ولاحظت اعجاب كتير بيه

أفضل مدونة قرأتها؟

فى مدونات كتير انا بحبها جدا وبتابعها على طول

زى مدونه سمرا النيل وابيتاف واميره حسن وشيماء ولميا وارتعاشه واودى ووئام وانسانه

اكيد كل مدونه بعلق فيها يبقى عجبتنى او لمستنى واجبرتنى بجاملها انى اسيب كومنت فيها

أفضل بوست قرأته؟ وضع لينكه؟

فى بوست انا مش قادره انساه

هو كان من مدونه شيماءاسمه لا حزنا ولا فرحا

http://awalk2remember03.blogspot.com/2007/03/blog-post.html

البوست ده بسببه عيطت ليله كامله مش هقدر اقول الاسباب بس فعلا مش ممكن انساه

حد قل ادبه فى التعليق..ايه رد فعلك؟

انا الاول كنت بسيب الكومنت لاى حد بس لما حصل ان فى واحد ساب كومنت قليل الادب مسحته وعملت

moderationعلى الكومنت

أسوأ مدونة؟

اى مدونه هايفه وملهاش معنى غير شويه تفاهه وسوقيه والفاظ مبتذله

انا كنت كتبت عن كده فى موضوع سابق

أسوأ بوست..أسوأ مدون؟

اى بوست فى اى مدونه من اللى بتكلم عنهم

______________

هيحصل ايه لإيميلك لما تموتى؟

اكيد هيموت هو كمان

اديتى الباسوورد لحد قبل كده؟

اعز اصدقائى غاده

كانت إيه طبيعة علاقتك بيه؟

غاده صديقتى من الطفوله واقرب شخص ليا

اسمك؟

ريم

المشهور بيه وسط اصحابك؟ا

فى كتير ريمو . ميمو. رومى.ريمى بس اشهرهم ريمو من اصحابى

عمرك؟

برجك؟

حمل 3/22

مجال دراستك؟

تجاره قسام محاسبه

شخصيتك نوعها إيه؟

بشهاده اصدقائى شخصيه عاقله هاديه ورومانسيه احيانا مجنونه بس مش كتير

السفر بالنسبة لك؟

جزء من حياتى بسبب طبيعه نشاتى الى اتنقلت فيها بين 3 بلاد قبل ما يستقر بيا الحال فى مصر

المود بتاعك؟

متقلبه المزاج زى ما بيقولو انى بحالات ومزاجى بتقلب فى ثوانى

وقت فراغك بتعملى فيه إيه؟

بقعد على الكمبيوتر

الاكلة المفضلة؟

البيتزا والشيكولاته

الصفات اللي أخدتها من بابا؟

الذكاء والثقافه والتسامح حب الالات

فانا مدمنه على اكتشاف الالات وطبيعه شغلها

واخر ضحيه عندى كان الفيديووحاليا الكمبيوتر

الصفات اللي أخدتها من ماما؟

الاتيكيت والاكل بالشوكه والسكينه :))

صراحتها الشديده

عصبيتها نوعا ما

اكتر ست حاجات بكرهها؟

بكره الكدب جدا مش بسامح اى حد كذب عليا ولو مره

المجامله بتخنق منها

الشتيمه او استخدام الفاظ خارجه فى الكلام

ان حد يتعدى حدوده فى الكلام معايا

اللون الاخضر

عصير الليمون
اكتر ست حاجات بحبها؟

ناس معينه دخلت حياتى ويارب تفضل على طول

بحب الناس تعاملنى زى ما بعاملها

اللون البينك او الوردى والروز

بلدى الاصل الاردن

بحب البيبسى والفيروز والنسكافيه

بحب الرسم السفر والكمبيوتر والنت
الشغل بالنسبة لك؟

بلاقى نفسى فيه جدا

بس بكره التزامى بالمواعيد فيه

وده بيرجع لطبيعتى المتقلبه انا ساعات بكون مش طايقه انى اشتغل اصلا

وساعات بيكون عندى رغبه كبيره فى انى اشتغل

الانترنت بالنسبه لك؟

حياه تانيه بعشها مع ناس اخترتهم يشاركونى الحياه دى

__________________________

التاج ده من عند ارتعاشه هما 2 بصراحه

بس معلش يا ارتعاشه انا برده قلبت واحد

هل كنت طالب شاطر فى المدرسة ؟

كنت طالبه ذكيه بس مش كنت بذاكر بعتمد على ذكائى وفهمى للمدرس مره واحده

إيه أكتر مادة حبيتها في المدرسة والكلية؟

كنت بحب مواد اللغات جد الانجليزى والفرنسى وكنت بحب الرياضه

والمحاسبه والاقتصاد فى الكليه

إيه أكتر مادة كرهتها في المدرسة والكلية؟

الفيزياء ثم الفيزيا ء ثم الفيزياء

فى الكليه مكنتش بحب ادراه الاعمال

كنت عايز تطلع إيه وأنت صغنن؟

كان نفسى اطلع مهندسه ديكور او مصصممه ازياء لكن الظروف حالت دون ذلك

ال3تاجات دول همرره للمجموعه دى
sazmnd - hoba- re7ab-shyama

___________

التاج ده من عندى اودى

SECTION 1 - Last 1s?

1. last beverage?

فيروز اناناس

2.last phone call?

من سازمند

3.last instant message?

من شركه اتصالات تاكيد لحجز خطى الجديد :))))

4. last cd played?

تامر حسنى يا بنت الايه

5. last time you cried?

اول امبارح بليل

6.last text message?

من هوبه حبيبتى لما كنت تعبانه كانت بتتطمن عليا
Section 2 - Have You Evers

1. dated someone twice?

لا

2. been cheated on?

لا

3. kissed someone & regretted it?

لا

4. lost someone special?

ايوه ماما الله يرحمها

5. been depressed?

كتير

6. been drunk and threw up?

لا

Section 3 -

List 3 Favorite Colors

البينك او الروز والابيض

Section 4 -

This month have you Made a new friend?

لا
2. Fallen out of love?
لا

3. Laughed until you cried?

كتير جدا اخرهم مع هوبه الاسبوع اللى فات كانت سهره اخر تهييس

ضحكت كتير لغايه ما عينى دمعت

4.Met someone who changed your life?

ايوه ربنا مش يحرمنى منهم

5. Found out who your true friends were?

اكيد

دايما الايام والمواقف بتبين من الصديق الحيقيقى ومين المزيف

6. Is there something you want to tell someone?

اه فى بس بينى وبينه :)

7. Would you kiss anyone on your top friends?

اه عادى ببوس صحباتى البنات كل ما اقابلهم :))

8. How many people on your top friends do you know in real life?

اغلبهم تقريبا

9. How many kids do you want to have?

يمكن 2 او 3

10. Do you have any pets?

كان عندنا عصافير من فتره وماتت العصفوره فبعنا العصفور

وجيبنا قطه بس اختى الكبيره حلفت لو مرجعنهاش مش هتدخل البيت تانى

خافت على اولادها من الامراض

دكتوره بقى نعمل ايه :)))

11. Do you wanna change your name?

لا انا بحب اسمى جدا

12. What did you do for your last birthday?

احتفال صغير هنا فى البيت مع بابا واخواتى واحتفال صغير برده مع اصحابى على النت ربنا مش يحرمنى منهم

13. What time did you wake up today?

2.30pm

14.What were you doing at midnight last night?

كنت قاعده على النت بكلم هوبه وسازمند
15. Name something you CANNOT wait for?

انى اكون مع اصحابى
16. Last time you saw your father?

من عشر دقايق

17. What is one thing you wish you could change about your life?
مجال دراستى

18.What are you listening to right now?

فيروز . حبو بعض
20. Have you ever talked about someone behind their back?
حصل بس بحاول انى معملش كده

21.What’s the last piece of clothing you borrowed from anyone?
مش بحب تبادل اللبس خالص

بس ممكن مع اخواتى

22.Who’s getting on your nerves right now?
الكمبيوتر مهنج ومحتاج ويندز جديد ومكسله انزل واحد وكل شويه يفصل

وخلاص اتخنقت

23. Most visited webpage?

البلوج بتاعى

24. Coke or Pepsi?

بيبسى

25. Mac or PC?

الكمبيوتر بتاعى
so to whom i will send the tag ??????!

sazmnd- hoba-re7ab-oma- ert3asha-shayma-shermen

ملحوظه:

انا لغيت الكومنت علشان اللى هيدعى عليا يدعى فى سره :))))

اعلان

2007-04-15T03:28:00.000+02:00

سيقام يوم الاربعاء القادم ندوه وحفل توقيع لروايه

وقوف متكرر

للكاتب محمد صلاح العزب

وذلك فى دار ميريت

لمن يرغب بالحضور

العنوان بالتفصيل

ستة ب شارع قصر النيل
بجوار سينما ومسرح قصر النيل
ويعتبر في ميدان التحرير
أمام المتحف المصري
وذلك يوم الأربعاء القادم الموافق 18 أبريل
الساعة السابعة مساء

الى حبيبى

2007-04-09T20:16:00.000+02:00

حبيبى

اكتب اليك كما لم اكتب من قبل

اكتب اليك

فقد طال صمتى

اكتب اليك

فقد صرخ قلبى

اكتب اليك

فقد نفذت احلامى

..... فأنا أحبك....

أحبك

برغم عذابى فى فراقك

أحبك

برغم حزنى من بعدك

أحبك

برغم لهفتى الى قربك

أحبك وأشتاق اليك

فكم اشتقت الى عيناك

الى صوتك............

الى عطرك............

الى جسدك............

وكم انتظرتك كثيرا

حبيبى ..... فهل سيطول انتظارى؟؟

هل ساظل اراك فى احلامى فقط؟؟

هل ساظل احبك عينا بلا وجه

صوتا بلا شفاه

عطرا بلا رائحه

جسدا بلا روح

متى ستأتى حبيبى؟؟

متى......؟؟

فانا اريدك حبا حقيقيا........ بلا احلام

ماسنجر

2007-04-06T16:25:00.000+02:00

الدنيا ماسنجر كبير

فيها ناس

.... on .....

على طول جنبك ولو احتجتهم تلاقيهم دايما جاهزين

وناس

.... off ....

دايما مش موجودين حتى لو كانو قريبين

وناس

.... away ....

بعدوا من زمان وغابو من سنين

وناس

.... Busy ....

على طول مشغولين وبيجرو ومش لاحقين

وناس

.... out to lunch ....

عايشين علشان ياكلو وعلى الدنيا ميتين

وناس

.... blocked ....

تعبونا معاهم بس على فراقهم مش قادرين

وناس

.... Delete ....

جرحونا كتير وبوجودهم مش مرغوبين

وفيها اللى عملوا

.... sign in ....
دخلو وباللى مستنيهم مش دارينين

وفيها اللى بقوا

.... sign out ....

راحو خلاص بس فى قلوبنا محفورين

....................

تـــــــاج

2007-04-04T20:41:00.000+02:00

التاج ده من عند احمد مبرمج حر
هو عباره عن سؤال واحد
لكن بصراحه الكلام فيه ممكن يكون كتير جدا وممكن اقعد لبكره اتكلم فيه
بس انا هحاول اختصر
التاج هو

تكلم عن هواية لما بتمارسها بتستغرق فيها تماماً وتنفصل عن عالم الواقع لفترة من الوقت أثناء ممارستها

انا عندى هوايتين اساسيتين فى حياتى
الاولى بدات معايا من صغرى وكبرت معايا وفضلت معايا ليومنا ده
هى الرسم
لو قلت انى بعشق الرسم يبقى ده قليل اوى على اللى بحسه
بس للاسف انى مبعرفش ارسم غير نوع واحد بس هو البورتريه
لكن مثلا مناظر طبيعيه او حيوانات اوحاجات من دى فانا فاشله تماما فى الموضوع ده
الرسم فعلا اكتر شئ فى الدنيا بيخرج الطاقه والانفعالات اللى جوايا
بقدر اعبر بيه كويس عن اللى عايزه اقوله لانى كتير جدا بفشل انى اكتب اللى بحسه
لكن ممكن اعبر عنه برسم كويس اوى
والرسم عندى له طقوس خاصه جدا مبعرفش فعلا ارسم من غيرها

ليه مش عارفه برده بس هو كده :)
مج النسكافيه وصوت فيروز واسكتش الرسم ولازم يكون كبير وحوالى 3 او 4 اقلام فحم او رصاص تقيل
عمرى معرفت ارسم غير بالفحم او الرصاص مع انى حاولت اتعلم ارسم بحاجت تانيه بس فشلت برده
ولو حاجه من الحاجات دى مكنتش موجوده فعلا مش بعرف ارسم ولا خط واحد
لما برسم بنفصل عن كل العالم اللى حواليا بنسى الناس والدنيا وكل حاجه
مبفتكرش غير حاجتين بس الرسمه اللى برسمها وصوت فيروز
ولو بدات فى رسمه مش بقوم ولا بنام غير لما اخلصها مهما استغرقت من وقت
بس للاسف انى بقالى سنه تقريبا مرسمتش ولا رسمه واحده
والسبب هو الهوايه التانيه اللى ادمنتها من حوالى سنتين تقريبا
وهى الكمبيوتر والانترنت
فى ناس كتير بتقول عليا انى مدمنه كمبيوتر ونت
هما ممكن يكونو صح بس انا فعلا مش بقدر استغنى عن الكمبيوتر ولو ثوانى
بقعد عليه ساعات متواصله كتير
وكل ما اعرف حاجه جديده فيه الاقينى دخلت فى حاجه تانيه
وابدا اعرف الجديد والاقى نفسى فى دوامه مش بتخلص
وكتير فعلا حاولت انى ابعد عن الجهاز شويه او افصل نت
بس فعلا مش بقدر اخرى يوم وبلاقى نفسى تانى يوم هتجنن لازم اقعد على النت
الصيف اللى فات قلت هاخد اليومين بتوع المصيف اجازه
وعلى اللى حصلى ايامها كنت هتجنن وادخل اى نت كافيه
انا فعلا لما بقعد على الكمبيوتر بنسى كل الدنيا وكل العالم
لدرجه انى كتير مبعرفش ايه اللى بيحصل فى البيت عندنا لانى مش بقعد معاهم
وكتير كمان كنت بلغى الدروس علشان اقعد على النت لدرجه انى خسرت مجموعتين السنه اللى فاتت
الطلبه سابتنى بسبب انى بلغى الدرس كتير :)
ولو اضطرتنى الظروف مثلا انى اخرج او اروح مشوار مهم او ازور حد
ألاقينى مش بتكلم غير عن الكمبيوتر او ممكن استأذن اشوف حاجه مهمه عندهم فى الجهاز
هو حب او ادمان او هوايه مش عارفه
بس اللى اعرفه فعلا انى بنفصل عن العالم سواء كنت برسم او قاعده على الكمبيوتر
التاج ده انا عايزه امرره لمجموعتين
اولا اصحابى اللى بحبهم فعلا واللى هما اغلى حاجه عندى

Sazmnd
Hoba
Oma
Noher
re7ab

والمجموعه التانيه
ناس انا معرفهمش شخصيا بس دخلت مدونتاهم وعجبتنى فعلا
وعجبتنى كتابتهم واسلوبهم وكلامهم وبتابع المدونات عندهم اول باول
ونفسى اعرفهم اكتر

Yasmina . Nour . حـزين . ارتعاشه
Rania . Ody . Shermen . Amera . Lmiaa
Shaimaa . شيماء الجيزى . Shayma . على الألفى . A.Samir

ادينى فى الهايف وأنا احبك يا ناننس

2007-03-29T04:15:00.000+02:00

فى البوست ده انا مش هظبط كلامى ولا هقعد انمق الكلام ورتبه زيى كل مره لانى بجد متغاظه جدا
انا قليلا ما بخرج عن هدوئى وبتعصب وبلاقى نفسى معترضه ومتغاظه كده
بس انا هحكيلكم عن اللى حصل بجد لانى جايز اكون انا اللى مش طبيعيه

الموضوع ان من يومين كنت على الماسنجر ولقيت واحده صاحبتى بعتالى بلوج وبتقولى

"شفتى البلوجات المشهوره يا بنتى "

دخلت ابص على هي قصدها ايه لقيتها قصدها على ان البلوج عدد الكومنت فيه معدى ال150 كومنت

انا قلت ايه ده ده اكيد الموضوع فظيع او مهم اوى لدرجه انه يجيله كل الكومنت ده

وان كل الناس دى تعدى عليه وتضيع من وقتها وتكتب كومنت

اجى اقرى الموضوع الاقى حاجه اقل ما يقل عليها انها تافهه وموضوع ملوش معنى

شخص بيحكى عن موقف حصله منتهى التفاهه اللى فى الدنيا

ومستخدم الفاظ اقل ما يقال عنها انها سوقيه ومبتذله ولا تليق بمستوى تعليم الشخص ده

بس بجد اللى انا مستغرباله اكتر ان الكومنت على الموضوع ده ماشيه على نفس الوتيره

برده كلها سوقيه ومبتذله وهايفه جدا
والاغرب انا فيها ناس بجد مش اتوقع منهم انهم يعلقو او يضيعو وقت فى حاجه تافهه كده

ناس اصحاب كلمه وليهم مواضيع اكثر من رائعه فعلا

ومع ذلك داخلين يحطو كومنت على موضوع زى ده انا مش فاهمه دى مجامله

ولا دى تضيع وقت ولا هى طلبت معاهم تفاهه

انا مش بقول ان الناس مش تهيس شويه او تهزر

بس مش معقوله بجد ان الهزار والتفاهه تبقى هى رقم واحد

وتبقى هي مثال الشهره على المدونات

بقى موضوع تافهه وهايف وملوش معنى وسوقى ومبتذل زى ده

الناس دى كلها تدخل تقراه وتحط كومنت عليه

وفى ناس تانيه طالع عينها وبتعصر دماغها علشان تكتب كلمه جيده

او توصل معنى فى نفسها او توصل احساس داخلى

ويمكن محدش يكون بيقرى اللى بيكتبه الناس دى اصلا

وممكن لو حظهم حلو شويه كام واحد يعدى ويقولهم جميل والله

انا اعرف ناس بجد بتكتب كلام رائع وملوش حل

ومع ذلك محدش بيدخل يبص عليهم ولا يقولهم انتو فين ولا هما بيقولو ايه اصلا

فى حين ان التفاهه والهيافه تاخد كل الاهتمام والتعليق ده
الثقافه والرقى والكلمه المحترمه تتعامل بالاهمال ده

والهيافه والتفاهه تبقى هى المشهوره وتاخد اعلى نسبه فى الكومنت وتبقى مثال النجاح

اما فعلا حاجه تغيظ وتفقع المراره
بس على راى مزازنجى :" ادينى فى الهايف وانا احبك يا ناننس "0

مغفره وتسامح

2007-03-26T14:48:00.000+02:00

الخطأ صفه بشريه والمغفره صفه الاهيه
أخذت تردد هذه الكلمات كثيرا
وكأنها قد نسيت كل أبجديتها ولم تعد تتذكر منها سوى هذه الكلمات القليله
حتى ان صديقتها قد صاحت بها أنها تردد هذه الجمله منذ حوالى النصف ساعه
فلم تجيبها وظلت تنظر امامها بعيدا.......0
هناك.......0
الى ذلك الماضى البعيد........0
فى محاوله فاشله منها لاحصاء عدد من اخطأوا يوما فى حقها
فكم اخطأوا وكم سامحت وغفرت
فها هى من كانت يوما صديقتها تنعتها بأسوء الصفات وتهينها
ثم تعود لتعتذر منها وتطلب المغفره فتسامح
وها هو من كان يوما حبيبها يجرحها ويهجرها ولا يهتم لآلامها
ثم يعود ويطلب المغفره فتسامح
وها هى شقيقتها تخطئ فى حقها وتبكيها
ثم تعود وتطلب المغفره فتسامح
وهاهى .....وهاهو......0
فكم اخطأوا وكم سامحت وكم اساءوا وكم غفرت
لكنهم لم يدركوا يوما أنها ليست الاها ولا ملاكا
وان كثره اخطاؤهم تتطلب منها مجهودا مضاعفا لتستطيع ان تغفر وتسامح
وانها لم تعد كما كانت فى الماضى فقد تخلت عن اجنحتها
ونزلت لتعيش بينهم وتخطأ هى الاخرى
وتنتظر من يسامح........0

حتى فى أثناء النوم

2007-03-15T18:01:00.000+01:00

لا تدرى لماذا قررت الخلود للنوم مبكرا فى هذه الليله

اهو بسبب هذا الفراغ الذى تعيش فيه

ام بسبب تلك الكآبه التى يضيفها هذا الجو الممطر القارس البروه على حياتها

لم تطل التفكير فى اسباب هذا القرار كثيرا

وتوجهت الى غرفتها لتخلد للنوم

وما انا فعلت حتى راته

هو كما اعتادت انا تراه دائما

نفس التعبير والابتسامه, نفس تلك النظره التى طالما شعرت وكأنها تخترقها

لتغوص بداخلها وتسيطر على كل مشاعرها

كان جالسا معها فى هذا المقهى بعيدا

فى ذلك الركن الذى اعتادا الجلوس فيه

يتحدثان بصوت منخفض

كانت تشعر بسعاده بالغه بوجوده معها

لم تعرف يوما سبب هذه السعاده التى تسيطر عليها كلما كانت بقربه

اهذا ما يطلق عليه اسم الحب ام انه شعور بالامان يريحها

كل ما كانت تدركه جيدا هو انها فى غايه السعاده وهى بقربه

لم تدرى كم مر من الوقت

فدائما ما كانت تنسى الوقت ولا تشعر به

وكم تمنت لو توقفت كل ساعات العالم وهى معه
حتى لا يحين موعد الرحيل

ولكنه كان قد حان

وكان قد حل الظلام ووجدت نفسها فى صحراء مظلمه

لا يوجد بها اى شخص سواه معها

فاذا به يتركها فى هذا الظلام وحدها ليرحل

فنظرت اليه خائفه وقالت :استتركنى فى هذا الظلام وحدى

استتركنى وترحل , أرجوك لا تذهب , لا تتركنى وحدى , ليس بعد كل هذا
فلم يجيبها وذهب بعيدا
لم يجيبها سوى السكوت والظلام والخوف المسيطر عليها
لم تجد تفسيرا لهذا التصرف الغريب
أبعد كل هذا يتركها وحدها ؟ أبعد كل ما فعلته من اجله ؟ أبعد كل هذا يتركها وحيده لا تعرف مصيرها ؟
جلست على الارض وحيده
تنظر حولها وتبحث على اى بقعه ضوء تضئ لها لكنها لم تجد
أخذت تبكى وتبكى وتبكى حتى تعبت من البكاء
فقررت ان تمسح دموعها وتبحث عن طريقها بنفسها
وفجأه وجدتها كانت تقف هناك فى الظلام
كانت مبتسمه تمد لها يدها لتساعدها
فاقتربت منها وامسكت بيدها وسارا معا
لاتدرى كم من الوقت مر وهم يسيرون
فقد انشغلت بالنظر اليها
فكم اشتاقت اليها وكم انتظرت ان تعود لكنها لم تفعل ذلك يوما
وفجأه اذ بها تقف وتترك يدها وتشير الى بقعه ضوء بعيده قائله لها:اذهبى انت
فسألتها : ألن تأتى معى ؟ ألن تذهبى معى ؟ لقد انتظرتك كثيرا وتمنيت ان تعودى فى يوم

ألن تعودى معى ؟
فقالت :لا اذهبى انتى وحدك فأنا لا استطيع انا اعود مره اخرى ويجب ان تكملى الطريق وحدك
واعلمى انى دائما معك وبقربك لاساعدك
لكن ليس بدون ان تبدأئى انت أولا بمساعده نفسك
فقبلتها وتركت يدها واتجهت نحو بقعه الضوء
وعندما وصلت اليها نظرت خلفها لكنها لم تجدها
كانت قد ذهبت مره اخرى واختفت

....... وفجأه .......
استيقظت من النوم لتجد انها فى سريرها وان الضوء يحيط بها من كل جانب
فابتسمت وادركت بانها دأئما هنا تشعر بها
وان روحها تحيط بها
وتحميها اينما كانت
حتى فى اثناء النوم

..................

فراشه

2007-03-11T21:47:00.000+01:00

كم اشفق على هذه الفراشه
صاحبه تلك الاجنحه الخلابه الألوان
فهى تسحر كل رآها
لتقترب يده فى محاوله للامساك بها ولمسها
وربما رغب فى الاستحواذ بها وحبسها
فما منها الا أن تهرب بمجرد شعورها باقترابه منها
فتطير فى الهواء

وتنتقل من زهره الى اخرى
حتى تستقر على احداهن
لتكون تلك اللوحه الرائعه
بذلك التناغم المذهل بين الوان اجنحتها
وألوان تلك الزهره
وما أن تبدأ فى الاستقرار
حتى تجد تلك اليد قد امتدت اليها مجددا
فتلوذ بالفرار
لتبدأ رحله البحث عن زهره جديده
واستقرار جديد

.............................

بــــــــراءه

2007-03-09T22:04:00.000+01:00

بمنتهى البراءه
سألتنى الصغنتوته نور
فى اربع خمس امور
قالتلى بابا يا بابا
مش انت يا بابا
بتكتب اغانى
وتقول اشعار
انا سمعت الشيخ يا بابا
بيقول انك يا بابا
هتروح النار
زى الناس الوحشين
الحراميين الكفار
قوللى يا بابا
يعنى ايه استعمار
يعنى ايه نيل
يعنى ايه هرم
ومين اللى حط النسر ده
فوق العلم
يعنى ايه يا بابا
استفتاء
ويعنى ايه انتخاب
ويعنى ايه حر
ويعنى ايه نصاب
وايه هو الاغتصاب
ويعنى ايه اختلاس
ويعنى ايه هجاص
ويعنى ايه خصخصة
وايه هو الدستور
يعنى ايه معارضه
ويعنى ايه مظاهرة
وليه النهارده
خدنا اجازة من المدرسة
قوللى يا بابا
يعنى ايه قهر
وفين بيقع خط الفقر
ويعنى ايه حظ
ويعنى ايه زهر
يعنى ايه يا بابا
حريه
يعنى ايه انسان
وايه هو السرطان
يعنى ايه يا بابا
خربوها
ومين دول يا بابا
ولاد القطقوطه
ومين دى
سماره يابابا
وازاى يا بابا
ضاعت من قلبك
وكنت فين لما خربوها
يا بابا
بابا
انت معايا
فيه يا بابا ناس
بتقول كفايه
وفيه عساكر
ماسكين عصايه
وبنات متعورين
وتانيين ماشيين بيضحكوا
يابابا .. هما دول اسرائيليين
قولتلها
نور
ممكن اسألك سؤال
قالتلى
اتفضل يا بابا
قلتلها
هيه قناة سبيس تون
رقمها كام
واخدتها....علشان تنام
............
.....

بقلم سازمند
sazmnd

ومازلت فى الظلام

2007-03-06T00:54:00.000+01:00

يرهقنى النوم

فأقرر الاستيقاظ

لابدأ يوم جديد

ولكنى اجد انى استقيظت

مره اخرى فى الظلام

وانى سبدأ يومى بعد غروب الشمس

فأبدأ بالاكتئاب والحزن على ضياع الفرصه

فكم تمنيت ان ابدا يومى فى النور

وان اخرج من الظلام الذى يحيط كل حياتى

فاقرر النوم للاستيقاظ من جديد

ولكن فى كل مره اقرر فيها الاستيقاظ

اجد اننى استقيظت فى الظلام

وانى مازالت ذلك الكائن الليلى

الذى يبدا يومه فى الظلام

وينهيه عند بدايه اول شعاع نور

وانى مهما حاولت

فاننى دائما استقيظ

لكـــــــــــــــــــــــــن

بعد فوات الأوان

.................................

عالم تمثيل ثمثيل

2007-02-27T23:44:00.000+01:00

قابلت ناس كتير وعرفت ناس كتير

وفى كل مره بتاكد اننا عايشين فى مسرح كبير

كله بيمثل على كله

محدش ابدا بيقول الحقيقه

مع ان اسهل منها مفيش

حتى اللى بيعتقد انه بيقول الحقيقه

لو قعد لحظه صدق مع نفسه

هيلاقى انه مش بيقول الحقيقه كامله

جايز بيقول اغلبها او جزء منها

بس الاكيد انه مش بيقولها كلها

كل انسان من حقه يحتفظ بجزء من حياته جواه

ومن حقه كمان ان محدش يعرف الجزء ده

انا مش ضد الموضوع ده

لانى انا واحده من الناس

بحتفظ بحاجات كتير خاصه بيا ومحدش يعرفها

لكن اللى انا ضده هى انك تكذب او تمثل شئ مش فيك

محدش بيجبر حد على الكلام

كل انسان بيقول اللى عايزه بمحض ارادته

فبما انه بمزاجك يبقى ليه تكذب

من حقك متتكلمش

لكن اعرف انك يوم ما تتكلم لازم تكون صادق

لان محدش هيسامحك لو عرف انك كذاب

ولانك يوم ما بتكذب فاول شخص بتكذب عليه هو نفسك

لان على اساس كذبك الناس هتعاملك

هتعامل الممثل اللى بيكلمهم مش انت فى حقيقتك

وجايز لو عرفت حقيقتك متتعاملش معاك اصلا

وساعتها هتبقى بتعيش نفسك اكبر كذبه فى حياتك

وجايز لما تحب ترجع للحقيقه تانى

تلاقى انه فات الاوان

................

أوقات بحن

2007-02-26T03:53:00.000+01:00

أوقات بحن

للمسه من ايديه
لنظره من عنيه
لكلمه من شفايفه
وأموت من شوقى ليه
كنت بقول انه ليا
أغلى من نور عنيا
ولا يوم هيغيب عليا
كنت حقيقى مصدقاه
لكن اوقات كتير
بيكون فيها الفراق
هو الحل الوحيد
اللى يداوى جرح اللقى

.........

وأرجع وأحن
تعود بينا السنين
ندوق تانى الحنين
نعيش تانى حياتنا
حتى لو مجروحين

.........

فى عينيك عنوانى ..... فاروق جويده

2007-02-23T01:56:00.000+01:00

وقالت: سوف تنساني
وتنسى أنني يوماً
وهبتك نبض وجداني
وتعشق موجة أخرى
وتهجر دفء شطآني
وتجلس مثلما كنا
لتسمع بعض ألحاني
ولاتعنيك أحزاني
ويسقط كالمنى اسمي
وسوف يتوه عنواني
ترى....ستقول ياعمري
بأنك كنت تهواني؟!
*****
فقلت: هواك ايماني
ومغفرتي...وعصياني
أتيتك والمنى عندي
بقايا بين أحضاني
ربيع مات طائره
على أنقاض بستانِ
رياح الحزن تعصرني
وتسخر بين وجداني
أحبك واحة هدأت
عليها كل أحزاني
أحبك نسمة تروي
لصمت الناس.. ألحاني
أحبك نشوة تسري
وتشعل نار بركاني
أحبك أنتِ ياأملاً
كضوء الصبح يلقاني
أمات الحب عشاقاً
وحبك أنت أحياني
ولو خيرت في وطنٍ
لقلت هواك أوطاني
ولو أنساك ياعمري
حنايا القلب...تنساني
إذا ماضعت في درب
ففي عينيك....عنواني

............

اضغط هنا لتحميل الأغنيه كامله

وتستمر الحياه.....

2007-02-20T01:55:00.000+01:00

فى نهايه كل علاقه
حب او حتى صداقه
بنحس اسوء احساس
بنحس انها نهايه المطاف
وان الحياه بعدهم مش ممكن تتعاش
بنحس انها حياه فاضيه حياه بارده
وبعد ايام من لوم وعتاب وكتر سهر وعذاب
بعد ماننام ونصحى و نفوق من الاحلام
هنلاقى ان كل اللى كنا فيه ده مجرد اوهام
وان مش معنى نهايه علاقه انها نهايه الحياه
وان مع كل نهايه علاقه بيتولد امل جديد
وان كل دى مشاعر واحاسيس بتحفر جوه قلوبنا ذكريات
بنفتكرها بس فى بعض اللحظات
ورغم كل احزانا كل الامنا وذكرياتنا
لازم واكيد هتستمر الحياه......

You Are Not Alone

2007-02-18T05:43:00.000+01:00

Another day has gone

I'm still all alone

How could this be

You're not here with me

You never said goodbye

Someone tell me why

Did you have to go

And leave my world so cold

HAPPY VALENTINE DAY

2007-02-18T03:48:00.000+01:00

زى كل سنه فلانيتن بدون اى ارتباط
بس الجديد
ان فى رضا وسعاده وحب السنه دى
مش حاسه انى لوحدى
فى ناس كتير اوى بحبهم وبيحبونى حواليا وجوايا
جايز انى من غير اى ارتباط
بس مش معنى كده انى مليش اللى احب اقوله فلانتين سعيد
بالعكس كتير اوى بحبهم وبيحبوبى واحب اهنيهم بالفلانتيتن
لكل اصحابى ولكل اللى بيحبونى ولكل اللى بيهتم بيا وبيحس بيا

HAPPY VALENTINE DAY
MY SOUL MATE GHADA
HAPPY VALENTINE DAY
MY DEAR BEARL
HAPPY VALENTINE DAY
MY PRETTY REHAM
HAPPY VALENTINE DAY
MY FRINED SAZMND
HAPPY VALENTINE DAY
MY LOVLY HOBA

HAPPY VALENTINE DAY
MY BEAUTIFUL RORA

HAPPY VALENTINE DAY
MY KIND NOHER

HAPPY VALENTINE DAY
MY JOLLY OMA

HAPPY VALENTINE DAY

MY CLOSE FRIEND SLMAA

HAPPY VALENTINE DAY TO EVERY ONE REALLY LOVE ME OR CARE ABOUT ME ,REALLY THANKS FOR BEING BESIDE ME & CARING ABOUT ME
I LOVE U ALL HOPE TO BE BESIDE ME FOR EVER
&

HAPPY VALENTINE DAY

اغانى اثرت فيا ......

2007-02-10T02:24:00.000+01:00

الاغانى دى لما سمعتها سابت اثر جوايا
ممرتش مرور الكرام زى باقى الاغانى
مش عارفه ليه بالظبط وايه الاثر اللى سابته جوايا
بس بحس ان فى مشاعر جوايا بتتحرك لما بسمعها
رغم ان ممكن يكون فيها مواقف محصلتليش او ممرتش عليا فى يوم
بس مع ذلك بلاقى نفسى بحس اوى بالاغنيه
وبلاقى مشاعرى بدات تتحرك ناحيه حب او فرح او حزن او غضب
ليه مش عارفه
كل اللى اعرفه انها اغانى اثرت في

بحبك وادارى *مادلين مطر
فى الاول بس- ليالى الشوق *هشام عباس
عادى * ديانا حداد
احترت معاك * حسام حبيب
قبل اى كلمه * مصطفى قمر
انسانى - عمرى لو ليله * ديانا كرزون
اتوصى فيا * يارا
انا مش صعبه عليك * اصاله
بحبك وحشتينى * الجسمى
بحبك - اللى بينى وبينك * جنات
بستناك- ايامى معاك- احلى دنيا * اليسا
بحب نفسى- قلبك * انغام
مكانك * بشرى
وحياه هوانا * كارول سماحه
ماثر فيا- لوعلى قلبى * فضل شاكر
كل القصايد * مروان خورى
بحتجلك موت * دانيال
ليله عشق * حنان ماضى
كتير بنعشق * شرين
بصراحه - يا قصص * جوليا بطرس
فى عينيك عنوانى * سميه قيصر
calling u * غريس ديب
sway * dean martien- pussycat dolles
mariah carey * hero lies in you
when u tell that u love me * diana ross
Massari *RealLove
dreaming of u- dear ben * jennefr lopez
It's All Coming Back To Me Now *celin dion

دى اكتر اغانى اثرت فيا وبسمعها على طول مهما مر عليهم من وقت

سذاجه ولا حظ.....!!

2007-02-08T23:38:00.000+01:00

من كام يوم كنت على الماسنجر ودخلت نهير عندى لقيتها كاتبه فى النيك نيم بتاعها هى سذاجه ولا حظ
انا متكلمتش معاها علشان اعرف هى قصدها على ايه
بس انا فكرت فى الكلمه من وجهه نظرى انا
فكرت فى المواقف اللى حصلتلى وبينى وبينى نفسى لقتنى بسال نفسى السؤال ده
هو اللى بيحصلى ده سذاجه منى ولا حظ وحش ؟؟
انا مش من النوع اللى بيؤمن بموضع الحظ ده
وفى نفسى الوقت مقدرش اقول انى ساذجه مثلا
لانى بشهاده الجميع عاقله جدا وذكيه لابعد الحدود
يبقى اللى بيحصل ده ليه
بعد تفكير طويل فى الموضوع لقيت ان الموضوع مش سذاجه ولا حظ وحش
هو سوء اختيار مع اندفاع وعدم تفكير

ساعات الواحد مبيفكرش هو بيعمل ايه
او بيبقى مش عايز يفكر هو بيعمل ايه اندفاعه بيخليه يلغى عقله
مش عارفه ايه اللى بيحصل بالظبط لكن فى النهايه النتيجه بتبقى فشل
مش سذاجه ولا حظ وحش
هو الاكيد انه نصيب فى الاول والاخير
والله اعلم المستقبل لسه مخبى ايه؟؟؟؟

انا والنت

2006-12-09T01:46:00.000+01:00

دايما الافكار دى بتيجى فى بالى عن النت وعلاقاته

النت بجد ده حاجه غريبه ودخلت حياتنا

وعمل علاقات جديده فى حياتنا

علاقات زى الصداقه والحب والزماله والاخوه والكره

كلها احاسيس ومشاعر بنحسها فى الحياه الطبيعيه

مع ناس حوالينا وبينا تعامل مباشر معاهم

اما النت بقى فخلق العلاقات دى بينا وبين ناس عمرنا ما شفناهم

ومنعرفهمش وممكن نفضل على طول منعرفش ايه شكلهم

وممكن نشوف شكلهم عن طريق صوره او لو كان الحظ احسن هيبقى فى كاميرا

وواحده واحده تلاقى الشخص ده بقى قريب منك بتتكلمو كتير

وبتقضو مع بعض وقت اكتر من اللى بتقضيه مع اهلك واصحابك الحقيقين

وممكن تبقو زمايل او اخوات او اصحاب

وممكن كمان تبقو انتيم وممكن كمان تلاقى علاقات الحب اللى كان سببها النت

كل ده وممكن متكنش شفته لكنه بتحبه وبتثق فيه وممكن تحكيله ادق اسرارك

اسرار ممكن متكنش فكرت تحكيها لاى حد حتى اقرب الناس ليك تخرج ليهم

وواحده واحده تلاقى نفسك بتبعد عن عالمك الحقيقى

وبتدخل عالم تانى ادواته الرئيسيه عباره عن كى بورد فى ايدك

وشاشه قدامك وميك وكاميرا

وتلاقى زمايلك هما اللى على النت

اخواتك برده على النت

اصحابك اكيد على النت

وكتير حبايبك بيبقو برده على النت

من غير ما نشوفهم من غير ما نكلمهم وهما قدامنا

من غير ما نعرف اذاكان الكلام ده حقيقى والشخصيه دى حقيقه

ولا مجرد تمثيل فى تمثيل

هما فعلا اشخاص كتير ولا كلهم شخص واحد بكذا وش

ونلاقى نفسنا كل يوم بندخل فى العالم ده اكتر واكتر

ونغوص جواه اكتر واكتر وعلاقتنا تكتر ولو فكرنا نبعد نلاقى اننا مش قادرين نبعد عن الناس دى

لانهم بقى بيمثلو جزء فى حياتنا واحداث حياتهم بقت هى احداث حياتنا

ونستمر فى علاقاتنا

علاقات جديده علاقات غريبه

مجرد اختراع زى اى اختراع فى العالم

بس دخلنا لدنيا جديده وناس جديده وخلق تواصل من نوع جديد

اخوات النت واصدقاء النت وحب النت

وبقت دى مواضيع بناقش اثرها فى حياتنا

فعلا النت ده ااختراع قلب حياتنا

وخلق حياه جديده لحياتنا

عجيب النت ده

واللى يعيش ياما يشوف

ذكرياتى

2006-12-09T01:31:00.001+01:00

استوقفت قطار الذكريات في منتصف الطريق
طلبت منه الوقف لأزور تلك القبور التي حفرتها بداخل قلبي
قبور من أحببتهم وتركوني
وقف بي القطار أمام حديقة ووجدت زهورا كثيرة الألوان
وكل زهرة عليها اسم لشخص بصم في دفتر ذكرياتي
استغربت من وجودهم
ثم ودعت المكان.... وركبت القطار من جديد
وعند نافذة القطار .... نظرت إلى الخلف
لأجد الزهور قد ذبلت.... وعرفت حينها
أن السنين قد مضت.... وأني لا أزال أصـــــــاحب الذكريات
------------------------
مقتبس